ਨਿਊਜ਼ ਡੈਸਕ: ਬ੍ਰਿਟੇਨ ਦੇ ਪ੍ਰਧਾਨ ਮੰਤਰੀ ਰਿਸ਼ੀ ਸੁਨਕ ਦਾ ਇੱਕ ਵੀਡੀਓ ਸਾਹਮਣੇ ਆਇਆ ਹੈ ਜਿਸ ਵਿੱਚ ਉਹ ਯੂਕਰੇਨ ਦੇ ਰਾਸ਼ਟਰਪਤੀ ਵੋਲੋਦੀਮੀਰ ਜ਼ੇਲੇਨਸਕੀ ਨੂੰ ਆਪਣੀ ਮਾਂ ਦੁਆਰਾ ਬਣਾਈ ਬਰਫੀ ਖਵਾਉਂਦੇ ਹੋਏ ਦਿਖਾਈ ਦੇ ਰਹੇ ਹਨ। ਸੁਨਕ ਨੇ ਇਸ ਵੀਡੀਓ ਨੂੰ ਆਪਣੇ ਇੰਸਟਾਗ੍ਰਾਮ ‘ਤੇ ਵੀ ਸ਼ੇਅਰ ਕੀਤਾ ਹੈ। ਇਸ ਵੀਡੀਓ ਦੇ ਨਾਲ ਉਨ੍ਹਾਂ ਨੇ ਕੈਪਸ਼ਨ ਦਿੱਤਾ ਹੈ। ਇਸ ਕੈਪਸ਼ਨ ‘ਚ ਸੁਨਕ ਨੇ ਲਿਖਿਆ, ‘ਅਜਿਹਾ ਹਰ ਰੋਜ਼ ਨਹੀਂ ਹੁੰਦਾ ਕਿ ਯੂਕਰੇਨ ਦੇ ਰਾਸ਼ਟਰਪਤੀ ਜ਼ੇਲੇਂਸਕੀ ਤੁਹਾਡੀ ਮਾਂ ਦੁਆਰਾ ਬਣਾਈ ਗਈ ਮਿਠਾਈ ਖਾਂਦੇ ਹਨ।’ ਦੱਸ ਦਈਏ ਕਿ ਇਹ ਵੀਡੀਓ ਮਈ ਦਾ ਹੈ ਪਰ ਇਸ ਨੂੰ ਸੁਨਕ ਨੇ 18 ਜੂਨ ਨੂੰ ਸ਼ੇਅਰ ਕੀਤਾ ਸੀ।
ਰਿਸ਼ੀ ਸੁਨਕ ਇਕ ਇੰਟਰਵਿਊ ਦੌਰਾਨ ਜ਼ੇਲੇਂਸਕੀ ਨਾਲ ਹੋਈ ਚਰਚਾ ਦਾ ਜ਼ਿਕਰ ਕਰ ਰਹੇ ਸਨ। ਇਸ ਦੌਰਾਨ ਉਨ੍ਹਾਂ ਨੇ ਜ਼ੇਲੇਂਸਕੀ ਨੂੰ ਆਪਣੀ ਮਾਂ ਦੁਆਰਾ ਬਣਾਈ ਬਰਫੀ ਖੁਆਉਣ ਦੀ ਗੱਲ ਕੀਤੀ। ਸੁਨਕ ਨੇ ਦੱਸਿਆ ਕਿ ਮੇਰੀ ਮਾਂ ਨੇ ਮੇਰੇ ਲਈ ਇੰਡੀਅਨ ਮਿੱਠੀ ਬਰਫੀ ਬਣਾਈ ਸੀ। ਬਰਫੀ ਬਣਨ ਤੋਂ ਅਗਲੇ ਦਿਨ ਮੇਰੀ ਯੂਕਰੇਨ ਦੇ ਰਾਸ਼ਟਰਪਤੀ ਜ਼ੇਲੇਂਸਕੀ ਨਾਲ ਮੁਲਾਕਾਤ ਹੋਈ। ਗੱਲਬਾਤ ਦੌਰਾਨ ਹੀ ਉਨ੍ਹਾਂ ਨੇ ਦੱਸਿਆ ਕਿ ਉਨ੍ਹਾਂ ਨੂੰ ਭੁੱਖ ਲੱਗ ਰਹੀ ਸੀ, ਜਿਸ ਤੋਂ ਬਾਅਦ ਉਨ੍ਹਾਂ ਨੇ ਜ਼ੇਲੇਂਸਕੀ ਨੂੰ ਮਾਂ ਦੇ ਹੱਥਾਂ ਦੀ ਬਣੀ ਬਰਫੀ ਖੁਆਈ ਸੀ।
Disclaimer: This article is provided for informational purposes only. The information should not be taken to represent the opinions, policy, or views of Global Punjab TV, nor any of its staff, employees, or affiliates.
