ਸੋਨੀਪਤ: ਕਾਂਗਰਸ ਦੇ ਸਾਬਕਾ ਪ੍ਰਧਾਨ ਰਾਹੁਲ ਗਾਂਧੀ ਅੱਜ ਕੱਲ੍ਹ ਆਮ ਲੋਕਾਂ ਨੂੰ ਮਿਲਣ ਅਤੇ ਉਨ੍ਹਾਂ ਦੀਆਂ ਸਮੱਸਿਆਵਾਂ ਜਾਣਨ ‘ਚ ਲੱਗੇ ਹੋਏ ਹਨ। ਉਹ ਕਦੇ ਟਰੱਕ ਡਰਾਈਵਰਾਂ ਦੀਆਂ ਪਰੇਸ਼ਾਨੀਆਂ ਸੁਣਨ ਪਹੁੰਚ ਜਾਂਦੇ ਨੇ ਤੇ ਕਦੇ ਬਾਈਕ ਮਕੈਨਿਕ ਦੇ ਗੈਰਾਜ ‘ਚ ਪਹੁੰਚ ਜਾਂਦੇ ਹਨ। ਅੱਜ ਅਚਾਨਕ ਰਾਹੁਲ ਗਾਂਧੀ ਕਿਸਾਨਾਂ ਵਿਚਕਾਰ ਪੁੱਜ ਗਏ।
ਰਾਹੁਲ ਗਾਂਧੀ ਅੱਜ ਹਰਿਆਣਾ ਦੇ ਸੋਨੀਪਤ ‘ਚ ਝੋਨਾ ਲਗਾ ਰਹੇ ਕਿਸਾਨਾਂ ਵਿਚਕਾਰ ਪਹੁੰਚੇ। ਰਾਹੁਲ ਨੇ ਕਿਸਾਨਾਂ ਨਾਲ ਟਰੈਕਟਰ ਚਲਾਇਆ ਅਤੇ ਉਨ੍ਹਾਂ ਨਾਲ ਝੋਨਾ ਵੀ ਲਗਾਇਆ।
ਰਾਹੁਲ ਦੀਆਂ ਝੋਨਾ ਲਾਉਣ ਦੀਆਂ ਤਸਵੀਰਾਂ ਸੋਸ਼ਲ ਮੀਡੀਆ ‘ਤੇ ਵਾਇਰਲ ਹੋ ਰਹੀਆਂ ਹਨ।
ਅਸਲ ‘ਚ ਰਾਹੁਲ ਗਾਂਧੀ ਸੜਕੀ ਰਸਤਿਓਂ ਦਿੱਲੀ ਤੋਂ ਹਿਮਾਚਲ ਪ੍ਰਦੇਸ਼ ਦੀ ਰਾਜਧਾਨੀ ਸ਼ਿਮਲਾ ਜਾ ਰਹੇ ਸਨ। ਇਸੇ ਦੌਰਾਨ ਹਰਿਆਣਾ ਦੇ ਸੋਨੀਪਤ ਦੇ ਪਿੰਡ ਬੜੌਦਾ ਨੇੜੇ ਉਨ੍ਹਾਂ ਦੀ ਨਜ਼ਰ ਖੇਤ ਵਿੱਚ ਝੋਨਾ ਬੀਜ ਰਹੇ ਕਿਸਾਨਾਂ ‘ਤੇ ਪਈ। ਉਨ੍ਹਾਂ ਨੇ ਆਪਣੀ ਕਾਰ ਰੋਕਣ ਲਈ ਕਿਹਾ ਅਤੇ ਹੇਠਾਂ ਉਤਰ ਕੇ ਸਿੱਧਾ ਕਿਸਾਨਾਂ ਕੋਲ ਚਲੇ ਗਏ। ਰਾਹੁਲ ਨੂੰ ਆਪਣੇ ਵਿਚਕਾਰ ਦੇਖ ਕੇ ਕਿਸਾਨ ਵੀ ਹੈਰਾਨ ਰਹਿ ਗਏ।
ਇਸ ਦੌਰਾਨ ਉਨ੍ਹਾਂ ਕਿਸਾਨਾਂ ਦੀਆਂ ਮੁਸ਼ਕਲਾਂ ਬਾਰੇ ਜਾਣਿਆ। ਇਸ ਤੋਂ ਬਾਅਦ ਰਾਹੁਲ ਨੇ ਕਿਸਾਨਾਂ ਤੋਂ ਝੋਨਾ ਲਾਉਣ ਦਾ ਤਰੀਕਾ ਵੀ ਸਮਝਿਆ ਅਤੇ ਖੁਦ ਵੀ ਉਨ੍ਹਾਂ ਨਾਲ ਝੋਨਾ ਲਾਇਆ।
Disclaimer: This article is provided for informational purposes only. The information should not be taken to represent the opinions, policy, or views of Global Punjab TV, nor any of its staff, employees, or affiliates.
