ਚੰਡੀਗੜ੍ਹ: ਪੰਜਾਬ ਦੇ ਮੁੱਖ ਮੰਤਰੀ ਅਤੇ ਕਾਂਗਰਸ ਨੇਤਾ ਅਮਰਿੰਦਰ ਸਿੰਘ ਨੇ ਐਤਵਾਰ ਨੂੰ ਟੀਐਮਸੀ ਸੁਪਰੀਮੋ ਮਮਤਾ ਬੈਨਰਜੀ ਅਤੇ ਡੀਐਮਕੇ ਮੁਖੀ ਐਮ ਕੇ ਸਟਾਲਿਨ ਨੂੰ ਕ੍ਰਮਵਾਰ ਪੱਛਮੀ ਬੰਗਾਲ ਅਤੇ ਤਾਮਿਲਨਾਡੂ ਵਿਧਾਨ ਸਭਾ ਚੋਣਾਂ ਵਿੱਚ ਪਾਰਟੀਆਂ ਦੀ ਜਿੱਤ ਲਈ ਵਧਾਈ ਦਿੱਤੀ ਹੈ। ਸ਼੍ਰੋਮਣੀ ਅਕਾਲੀ ਦਲ ਦੇ ਮੁਖੀ ਸੁਖਬੀਰ ਸਿੰਘ ਬਾਦਲ ਅਤੇ ਉਨ੍ਹਾਂ ਦੀ ਪਤਨੀ ਅਤੇ ਸਾਬਕਾ ਕੇਂਦਰੀ ਮੰਤਰੀ ਹਰਸਿਮਰਤ ਕੌਰ ਬਾਦਲ ਨੇ ਵੀ ਬੈਨਰਜੀ ਅਤੇ ਸਟਾਲਿਨ ਨੂੰ ਵਧਾਈ ਦਿੱਤੀ ।
ਪੰਜਾਬ ਦੇ ਮੁੱਖ ਮੰਤਰੀ ਕੈਪਟਨ ਅਮਰਿੰਦਰ ਸਿੰਘ ਨੇ ਇੱਕ ਟਵੀਟ ਵਿੱਚ ਕਿਹਾ, ਪੱਛਮੀ ਬੰਗਾਲ ਦੀ ਮੁੱਖ ਮੰਤਰੀ @MamataOfficial ਨੂੰ @AITCofficial ਨੂੰ ਅੱਜ ਫੈਸਲਾਕੁੰਨ ਅਤੇ ਇਤਿਹਾਸਕ ਚੋਣ ਵਿੱਚ ਜਿੱਤ ਦਿਵਾਉਣ ਲਈ ਵਧਾਈ। ਮੈਂ ਤੁਹਾਡੇ ਸਾਰਿਆਂ ਨੂੰ ਤੁਹਾਡੇ ਤੀਜੇ ਕਾਰਜਕਾਲ ਲਈ ਸ਼ੁਭ ਕਾਮਨਾਵਾਂ ਦਿੰਦਾ ਹਾਂ। ਪੰਜਾਬ ਦੇ ਮੁੱਖ ਮੰਤਰੀ ਨੇ ਕਿਹਾ, “ਮੈਨੂੰ ਪੂਰਾ ਭਰੋਸਾ ਹੈ ਕਿ ਤੁਸੀਂ ਰਾਜ ਦੇ ਲੋਕਾਂ ਨੂੰ ਇੱਕ ਸਥਿਰ ਅਤੇ ਭਰੋਸਾ ਦਿਵਾਉਣ ਵਾਲੀ ਸਰਕਾਰ ਪ੍ਰਦਾਨ ਕਰੋਗੇ।
Congratulations to West Bengal Chief Minister @MamataOfficial for leading the @AITCofficial to a decisive and historic electoral win today. I wish you all the very best for your third term in office.
— Capt.Amarinder Singh (@capt_amarinder) May 2, 2021
Congratulate DMK chief @mkstalin for leading the alliance to a well-deserved victory in Tamil Nadu. I am sure you will provide a stable and reassuring government to the people of the State.
— Capt.Amarinder Singh (@capt_amarinder) May 2, 2021
ਸ਼੍ਰੋਮਣੀ ਅਕਾਲੀ ਦਲ ਦੇ ਮੁਖੀ ਸੁਖਬੀਰ ਸਿੰਘ ਬਾਦਲ ਨੇ ਇੱਕ ਟਵੀਟ ਕਰਕੇ ਮਮਤਾ ਬੈਨਰਜੀ ਨੂੰ ਵਿਸ਼ਾਲ ਜਿਤ ਦੀ ਵਧਾਈ ਦਿਤੀ।
Congratulations to @MamataOfficial ji for TMC's landslide victory! Wishing peace, progress & prosperity to the people of West Bengal.#ElectionResults
— Sukhbir Singh Badal (@officeofssbadal) May 2, 2021
Hearty congratulations to @mkstalin on a resounding victory in Tamil Nadu assembly polls. Wishing him success in fulfilling the aspirations of people of the state.#ElectionResults2021
— Sukhbir Singh Badal (@officeofssbadal) May 2, 2021
ਸ਼੍ਰੋਮਣੀ ਅਕਾਲੀ ਦਲ ਦੇ ਨੇਤਾ ਦਲਜੀਤ ਸਿੰਘ ਚੀਮਾ ਨੇ ਕਿਹਾ ਕਿ ਚੋਣ ਨਤੀਜਿਆਂ ਤੋਂ ਸਪੱਸ਼ਟ ਹੈ ਕਿ ਖੇਤਰੀ ਪਾਰਟੀਆਂ ਹੀ ਖੇਤਰੀ ਭਾਵਨਾਵਾਂ ਅਤੇ ਆਸਾਂ ਨੂੰ ਸਮਝਦੀਆਂ ਹਨ ਤੇ ਉਨ੍ਹਾਂ ਅਨੁਸਾਰ ਕੰਮ ਕਰਨ ਦੇ ਸਮਰੱਥ ਹਨ। ਇਹ ਚੋਣਾਂ ਖੇਤਰੀ ਪਾਰਟੀਆਂ ਦੀ ਜਿੱਤ ਹਨ। ਲੋਕਾਂ ਨੇ ਭਾਜਪਾ ਦੀ ਰਾਜਨੀਤੀ ਅਤੇ ਧਰੁਵੀਕਰਨ ਰੱਦ ਕਰ ਦਿੱਤੀ ਹੈ ਤੇ ਧਰਮ ਨਿਰਪੱਖ ਪ੍ਰੇਰਿਤ ਰਾਜਨੀਤੀ ਲਈ ਵੋਟਾਂ ਪਾਈਆਂ ਹਨ।
ਡਾ. ਦਲਜੀਤ ਸਿੰਘ ਚੀਮਾ ਨੇ ਕਿਹਾ ਕਿ ਇਨ੍ਹਾਂ ਚੋਣਾਂ ਨੇ ਇਹ ਵੀ ਸਪੱਸ਼ਟ ਸੰਕੇਤ ਦੇ ਦਿੱਤਾ ਹੈ ਕਿ ਕਾਂਗਰਸ ਪਾਰਟੀ ਹੁਣ ਲੋਕਾਂ ਵਿਚ ਸਨਮਾਨ ਨਹੀਂ ਰੱਖਦੀ। ਕਾਂਗਰਸ ਨੇ ਖੇਤਰੀ ਪਾਰਟੀਆਂ ਨਾਲ ਗਠਜੋੜ ਕਰ ਕੇ ਚੋਣਾਂ ਵਿਚ ਚੁਣੌਤੀ ਦੇਣ ਦੀ ਕੋਸ਼ਿਸ਼ ਕੀਤੀ ਪਰ ਜਨਤਾ ਵਲੋਂ ਇਹ ਗਠਜੋੜ ਸਪੱਸ਼ਟ ਰੱਦ ਕਰ ਦਿੱਤੇ ਗਏ।
