ਚੰਡੀਗੜ੍ਹ: ਕਾਂਗਰਸ ਨੇ ਸਿੱਖ ਕੌਮ ਦੇ ਕਾਤਲ ਜਗਦੀਸ਼ ਟਾਈਟਲਰ ਨੂੰ ਸਪੈਸ਼ਲ ਇਨਵਾਇਟੀ ਮੈਬਰ ਬਣਾਕੇ ਪੀੜਤ ਸਿੱਖ ਪਰਿਵਾਰਾ ਦੇ ਜ਼ਖਮ ‘ਤੇ ਲੂਣ ਛਿੜਕਿਆ ਹੈ। ਜਗਦੀਸ਼ ਟਾਈਟਲਰ ਦੀ ਨਿਯੁਕਤੀ ਦਾ ਸਖਤ ਨੋਟਿਸ ਲੈਦਿਆ ਸ਼੍ਰੋਮਣੀ ਅਕਾਲੀ ਦਲ ਸੰਯੁਕਤ ਦੇ ਜਨਰਲ ਸਕੱਤਰ ਕਰਨੈਲ ਸਿੰਘ ਪੀਰਮੁਹੰਮਦ ਨੇ ਕਿਹਾ ਹੈ ਕਿ ਕਾਂਗਰਸ ਪਾਰਟੀ ਸਿੱਖ ਕੌਮ ਨੂੰ ਵਾਰ-ਵਾਰ ਪਰੇਸ਼ਾਨ ਕਰ ਰਹੀ ਹੈ।
ਇਹਨਾ ਹੀ ਦਿਨਾ ਵਿੱਚ ਦਿੱਲੀ ਕਾਨਪੁਰ, ਬੋਕਾਰੋ ਸਣੇ ਦੇਸ਼ ਦੇ 18 ਸੂਬਿਆਂ ਅੰਦਰ ਸਿੱਖ ਕੌਮ ਦੀ ਭਿਆਨਕ ਨਸਲਕੁਸ਼ੀ ਕੀਤੀ ਗਈ ਸੀ। ਜਿਸ ਨੂੰ ਬੀਤਿਆ ਤਕਰੀਬਨ 37 ਸਾਲ ਗੁੱਜਰ ਗਏ ਹਨ। ਜਗਦੀਸ਼ ਟਾਈਟਲਰ, ਸੱਜਣ ਕੁਮਾਰ, ਕਮਲਨਾਥ ਵਰਗੇ ਅਨੇਕਾਂ ਕਾਂਗਰਸੀਆ ਨੇ ਸਿੱਖ ਕੌਮ ਦਾ ਬੇਕਿਰਕ ਤਰੀਕੇ ਨਾਲ ਕਤਲੇਆਮ ਕਰਵਾਇਆ ਤੇ ਅਜੇ ਤੱਕ ਕੋਈ ਇਨਸਾਫ ਨਹੀ ਹੋਇਆ।
ਹੁਣ ਜਦੋਂ ਨਵੰਬਰ ਮਹੀਨਾ ਸ਼ੁਰੂ ਹੋਣ ਵਾਲਾ ਹੈ ਤੇ ਸਿੱਖ ਕੌਮ ਦੇ ਅੱਲੇ ਜਖਮਾ ਤੇ ਮੱਲ੍ਹਮ ਲਗਾਉਣ ਦੀ ਜਗਾ ਟਾਈਟਲਰ ਵਰਗੇ ਦਰਿੰਦਿਆ ਨੂੰ ਉਪਾਧੀਆ ਦਿੱਤੀਆ ਜਾ ਰਹੀਆ ਹਨ। ਕਰਨੈਲ ਸਿੰਘ ਪੀਰਮੁਹੰਮਦ ਨੇ ਕਾਂਗਰਸ ਪ੍ਰਧਾਨ ਸੋਨੀਆ ਗਾਂਧੀ ਨੂੰ ਆਪਣੇ ਗਲਤ ਫੈਸਲੇ ‘ਤੇ ਮੁੜ ਵਿਚਾਰ ਕਰਨ ਦੀ ਨਸੀਹਤ ਦਿੰਦਿਆ ਕਿਹਾ ਕਿ ਗਾਂਧੀ ਪਰਿਵਾਰ ਸਿੱਖ ਕੌਮ ਨਾਲ ਟਕਰਾਉਣ ਤੋ ਬਾਜ ਆਵੇ।
