ਸ਼ਿਮਲਾ: ਹਿਮਾਚਲ ਪ੍ਰਦੇਸ਼ ਦੇ ਕਈ ਇਲਾਕਿਆਂ ‘ਚ ਐਤਵਾਰ ਅਤੇ ਸੋਮਵਾਰ ਨੂੰ ਭਾਰੀ ਬਾਰਿਸ਼ ਅਤੇ ਬਰਫਬਾਰੀ ਨੂੰ ਲੈ ਕੇ ਓਰੇਂਜ ਅਲਰਟ ਜਾਰੀ ਕੀਤਾ ਗਿਆ ਹੈ। ਸੂਬੇ ‘ਚ 17 ਅਕਤੂਬਰ ਤੱਕ ਮੌਸਮ ਖਰਾਬ ਰਹਿਣ ਦੀ ਸੰਭਾਵਨਾ ਹੈ। ਮੌਸਮ ਵਿਗਿਆਨ ਕੇਂਦਰ ਸ਼ਿਮਲਾ ਦੇ ਅਨੁਸਾਰ, 15 ਅਤੇ 16 ਅਕਤੂਬਰ ਨੂੰ ਚੰਬਾ, ਕੁੱਲੂ, ਕਾਂਗੜਾ ਅਤੇ ਲਾਹੌਲ-ਸਪੀਤੀ ਦੇ ਕਈ ਖੇਤਰਾਂ ਵਿੱਚ ਔਰੇਂਜ ਅਲਰਟ ਜਾਰੀ ਰਹੇਗਾ। ਇਸ ਦੌਰਾਨ ਇਨ੍ਹਾਂ ਜ਼ਿਲ੍ਹਿਆਂ ਦੇ ਉੱਚਾਈ ਵਾਲੇ ਇਲਾਕਿਆਂ ਵਿੱਚ ਬਰਫ਼ਬਾਰੀ ਅਤੇ ਹੋਰ ਇਲਾਕਿਆਂ ਵਿੱਚ ਮੀਂਹ ਪੈਣ ਦੀ ਚੇਤਾਵਨੀ ਜਾਰੀ ਕੀਤੀ ਗਈ ਹੈ। ਕਈ ਜ਼ਿਲ੍ਹਿਆਂ ਲਈ ਯੈਲੋ ਅਲਰਟ ਜਾਰੀ ਕੀਤਾ ਗਿਆ ਹੈ। ਦੂਜੇ ਪਾਸੇ ਕਬਾਇਲੀ ਖੇਤਰ ਪਾਂਗੀ ਨੂੰ ਜ਼ਿਲ੍ਹਾ ਹੈੱਡਕੁਆਰਟਰ ਚੰਬਾ ਨਾਲ ਜੋੜਨ ਵਾਲੀ ਸੱਚ ਦੱਰਾ ਸੜਕ ਬਰਫ਼ਬਾਰੀ ਕਾਰਨ ਆਵਾਜਾਈ ਲਈ ਬੰਦ ਕਰ ਦਿਤੀ ਗਈ ਹੈ।
ਸਾਚ ਪਾਸ ਵਿੱਚ ਪੰਜ ਤੋਂ ਛੇ ਇੰਚ ਬਰਫ਼ਬਾਰੀ ਹੋਈ ਹੈ। ਪਾਂਗੀ ਦੀਆਂ ਉਪਰਲੀਆਂ ਪਹਾੜੀਆਂ ‘ਤੇ ਵੀ ਸ਼ਾਮ ਨੂੰ ਬਰਫਬਾਰੀ ਹੋਈ। ਸ਼ਨੀਵਾਰ ਨੂੰ ਰਾਜਧਾਨੀ ਸ਼ਿਮਲਾ ਸਮੇਤ ਜ਼ਿਆਦਾਤਰ ਥਾਵਾਂ ‘ਤੇ ਰੁਕ-ਰੁਕ ਕੇ ਧੁੱਪ ਦੇ ਨਾਲ ਹਲਕੇ ਬੱਦਲ ਛਾਏ ਰਹੇ। ਊਨਾ ‘ਚ ਵੱਧ ਤੋਂ ਵੱਧ ਤਾਪਮਾਨ 32.0, ਬਿਲਾਸਪੁਰ ‘ਚ 31.2, ਸੁੰਦਰਨਗਰ ‘ਚ 31.0, ਨਾਹਨ ‘ਚ 28.0, ਮੰਡੀ ‘ਚ 27.8, ਸੋਲਨ ‘ਚ 27.3, ਧਰਮਸ਼ਾਲਾ-ਭੁੰਤਰ ‘ਚ 26.0, ਕਾਂਗੜਾ ‘ਚ 22.9 ਅਤੇ ਸ਼ਿਮਲਾ ‘ਚ 51.2 ਡਿਗਰੀ ਸੈਲਸੀਅਸ ਦਰਜ ਕੀਤਾ ਗਿਆ ਹੈ।
Disclaimer: This article is provided for informational purposes only. The information should not be taken to represent the opinions, policy, or views of Global Punjab TV, nor any of its staff, employees, or affiliates.
