ਓਂਟਾਰੀਓ : ਓਂਟਾਰੀਓ ਵਿੱਚ ਇੱਕ ਵਾਰ ਫਿਰ ਤੋਂ ਕੋਵਿਡ ਦੇ ਕੇਸਾਂ ਦੀ ਗਿਣਤੀ ਵਧੀ ਹੈ, ਜਿਸ ਤੋਂ ਬਾਅਦ ਸਿਹਤ ਵਿਭਾਗ ਦੀ ਚਿੰਤਾ ਵਧ ਗਈ ਹੈ। ਓਂਟਾਰੀਓ ਦੇ ਸਿਹਤ ਅਧਿਕਾਰੀ ਨੇ ਐਤਵਾਰ ਨੂੰ ਸੱਤ ਨਵੀਆਂ ਮੌਤਾਂ ਦੇ ਨਾਲ 666 ਨਵੇਂ ਕੋਵਿਡ-19 ਮਾਮਲਿਆਂ ਦੀ ਪੁਸ਼ਟੀ ਕੀਤੀ ਹੈ। ਰੋਜ਼ਾਨਾ ਕੋਰੋਨਾ ਵਾਇਰਸ ਕੇਸਾਂ ਦੀ ਇੰਨੀ ਵੱਡੀ ਗਿਣਤੀ 2 ਅਕਤੂਬਰ ਤੋਂ ਬਾਅਦ ਦਰਜ ਕੀਤੀ ਗਈ ਹੈ। ਬੀਤੀ 2 ਅਕਤੂਬਰ ਨੂੰ 704 ਨਵੀਆਂ ਲਾਗਾਂ ਦੀ ਰਿਪੋਰਟ ਕੀਤੀ ਗਈ ਸੀ।
ਐਤਵਾਰ ਦੇ ਨਵੇਂ ਕੇਸਾਂ ਬਾਰੇ ਸਿਹਤ ਮੰਤਰੀ ਕ੍ਰਿਸਟੀਨ ਇਲੀਅਟ ਦਾ ਕਹਿਣਾ ਹੈ ਕਿ ਕੋਵਿਡ ਦੇ ਇਹਨਾਂ ਕੇਸਾਂ ‘ਚ 366 ਅਜਿਹੇ ਵਿਅਕਤੀਆਂ ਹਨ, ਜਿਨ੍ਹਾਂ ਦਾ ਪੂਰੀ ਤਰ੍ਹਾਂ ਟੀਕਾਕਰਨ ਨਹੀਂ ਕੀਤਾ ਗਿਆ ਹੈ ਜਾਂ ਉਨ੍ਹਾਂ ਦੀ ਟੀਕਾਕਰਨ ਸਥਿਤੀ ਅਣਜਾਣ ਸੀ, ਜਦੋਂ ਕਿ 300 ਉਹ ਲੋਕ ਹਨ ਜਿਨ੍ਹਾਂ ਦਾ ਪੂਰੀ ਤਰ੍ਹਾਂ ਟੀਕਾਕਰਨ ਹੋ ਚੁੱਕਿਆ ਹੈ।
There are 666 new cases of COVID-19. 366 cases are in individuals who are not fully vaccinated or have an unknown vaccination status and 300 are in fully vaccinated individuals.
Today’s numbers will be available at 10:30 a.m. at https://t.co/ypmgZbVRvn.
— Christine Elliott (@celliottability) November 14, 2021
ਸਿਹਤ ਵਿਭਾਗ ਅਨੁਸਾਰ 126 ਲੋਕ ਕੋਵਿਡ-19 ਨਾਲ ਹਸਪਤਾਲ ਵਿੱਚ ਦਾਖਲ ਹਨ ਅਤੇ 133 ਲੋਕ ਆਈਸੀਯੂ ਵਿੱਚ ਹਨ।
ਇਸ ਸਮੇਂ ਨਵੇਂ ਕੇਸਾਂ ਦੀ ਸੱਤ ਦਿਨਾਂ ਦੀ ਰੋਲਿੰਗ ਔਸਤ ਹੁਣ 563 ਹੈ, ਜੋ ਕਿ ਇੱਕ ਹਫ਼ਤਾ ਪਹਿਲਾਂ 468 ਸੀ ।
