ਨਿਊਜ਼ ਡੈਸਕ: ਨੇਪਾਲ ਦੇ ਪ੍ਰਧਾਨ ਮੰਤਰੀ ਪੁਸ਼ਪਕਮਲ ਦਹਿਲ ‘ਪ੍ਰਚੰਡ’ ਬੁੱਧਵਾਰ ਨੂੰ ਚਾਰ ਦਿਨਾਂ ਦੌਰੇ ‘ਤੇ ਭਾਰਤ ਪਹੁੰਚਣਗੇ। ਦੌਰੇ ਤੋਂ ਪਹਿਲਾਂ, ਪ੍ਰਚੰਡ ਨੇ ਕਿਹਾ ਹੈ ਕਿ ਉਹ ਨਵੀਂ ਦਿੱਲੀ ਨਾਲ ਲੰਬੇ ਸਮੇਂ ਦੇ ਬਿਜਲੀ ਵਪਾਰ ਦਾ ਮੁੱਦਾ ਉਠਾਉਣਗੇ, ਉਮੀਦ ਹੈ ਕਿ ਇਹ “ਰੁਕਾਵਟ” ਹੱਲ ਹੋ ਜਾਵੇਗੀ। ਦਸ ਦਈਏ ਕਿ ਦਸੰਬਰ 2022 ਵਿੱਚ ਨੇਪਾਲ ਦੇ ਪ੍ਰਧਾਨ ਮੰਤਰੀ ਦਾ ਅਹੁਦਾ ਸੰਭਾਲਣ ਤੋਂ ਬਾਅਦ 68 ਸਾਲਾ ਸੀਪੀਐਨ-ਮਾਓਵਾਦੀ ਆਗੂ ਦਾ ਇਹ ਪਹਿਲਾ ਵਿਦੇਸ਼ੀ ਦੌਰਾ ਹੈ।
ਪ੍ਰਚੰਡ ਇਕ ਉੱਚ ਪੱਧਰੀ ਵਫਦ ਨਾਲ ਭਾਰਤ ਦਾ ਦੌਰਾ ਕਰਨਗੇ। ਇਸ ਦੌਰਾਨ ਉਹ ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਅਤੇ ਹੋਰ ਨੇਤਾਵਾਂ ਨਾਲ ਦੋਹਾਂ ਦੇਸ਼ਾਂ ਦੇ ਸਦੀਆਂ ਪੁਰਾਣੇ ਸਬੰਧਾਂ ਨੂੰ ਮਜ਼ਬੂਤ ਕਰਨ ‘ਤੇ ਚਰਚਾ ਕਰਨਗੇ। ਅਧਿਕਾਰਤ ਸੂਤਰਾਂ ਅਨੁਸਾਰ, ਪ੍ਰਚੰਡ ਉਜੈਨ ਦੇ ਮਸ਼ਹੂਰ ਮਹਾਕਾਲੇਸ਼ਵਰ ਮੰਦਿਰ ਅਤੇ ਇੰਦੌਰ ਵਿੱਚ ਇੱਕ ਆਈਟੀ ਵਿਸ਼ੇਸ਼ ਆਰਥਿਕ ਖੇਤਰ ਦਾ ਵੀ ਦੌਰਾ ਕਰਨਗੇ।
ਦਸਣਯੋਗ ਹੈ ਕਿ ਪੀਐਮ ਪ੍ਰਚੰਡ ਨੇ ਮੰਗਲਵਾਰ ਨੂੰ ਦੱਸਿਆ ਕਿ ਊਰਜਾ ਦੇ ਖੇਤਰ ‘ਚ ਭਾਰਤ ਨਾਲ ਇਕ ਸਮਝੌਤੇ ਦੀ ਉਮੀਦ ਹੈ, ਜੋ ਨੇਪਾਲ ਦੇ ਲੰਬੇ ਸਮੇਂ ਦੇ ਹਿੱਤ ‘ਚ ਹੈ। ਉਨ੍ਹਾਂ ਕਿਹਾ ਕਿ ਅਸੀਂ ਆਪਣੇ ਦੌਰੇ ਦੌਰਾਨ ਭਾਰਤ ਨਾਲ ਲੰਬੇ ਸਮੇਂ ਦੇ ਬਿਜਲੀ ਵਪਾਰ ਨਾਲ ਜੁੜੇ ਕੁਝ ਮੁੱਦੇ ਉਠਾਵਾਂਗੇ। ਪ੍ਰਚੰਡ ਨੇ ਕਿਹਾ ਕਿ ਇਹ ਨੇਪਾਲ ਦੀ ਸਾਲਾਂ ਤੋਂ ਮੰਗ ਰਹੀ ਹੈ।
Disclaimer: This article is provided for informational purposes only. The information should not be taken to represent the opinions, policy, or views of Global Punjab TV, nor any of its staff, employees, or affiliates.
