ਚੰਡੀਗੜ੍ਹ: ਲੁਧਿਆਣਾ ਦੇ ਪਿੰਡ ਮੱਤੇਵਾੜਾ ਦੇ ਰਹਿਣ ਵਾਲਾ ਗੁਰਤੇਜ ਸਿੰਘ 2001 ਵਿੱਚ ਆਪਣੇ ਪਿੰਡ ਦੇ ਪੰਜ-ਛੇ ਹੋਰ ਲੋਕਾਂ ਨਾਲ ਲੇਬਨਾਨ ਗਿਆ ਸੀ। 2006 ਵਿੱਚ ਲੇਬਨਾਨ ਵਿੱਚ ਜੰਗ ਸ਼ੁਰੂ ਹੋਣ ਤੋਂ ਬਾਅਦ, ਬਾਕੀ ਘਰ ਵਾਪਸ ਪਰਤ ਗਏ, ਪਰ ਗੁਰਤੇਜ ਸਿੰਘ ਨਾਲ ਉਹ ਹੋਈ ਜਿਸ ਬਾਰੇ ਉਸ ਨੇ ਕਦੇ ਸੋਚਿਆ ਵੀ ਨਹੀਂ ਹੋਵੇਗਾ।
ਇਸ ਵੇਲੇ ਗੁਰਤੇਜ ਸਿੰਘ ਜੋ 55 ਸਾਲ ਦੇ ਹੋ ਗਏ ਹਨ ਉਹਨਾਂ ਦੱਸਿਆ ਕਿ ਪਰਿਵਾਰ ਨੂੰ ਗੁਰਬਤ ਦੀ ਜ਼ਿੰਦਗੀ ‘ਚੋਂ ਕੱਢਣ ਲਈ 2001 ਵਿੱਚ ਕੰਮ ਕਰਨ ਲਈ ਉਹ ਲੇਬਨਾਨ ਗਿਆ ਸੀਤੇ ਜਦੋਂ ਜੰਗ ਛਿੜੀ ਉਦੋਂ ਭਾਰਤ ਆਉਣਾ ਚਾਹੁੰਦਾ ਸੀ। ਉਹ ਕਈ ਵਾਰ ਦੁਤਾਵਾਸ ਗਿਆ, ਪਰ ਉਸਨੂੰ ਡੁਪਲੀਕੇਟ ਪਾਸਪੋਰਟ ਹਾਸਲ ਕਰਨ ਲਈ ਕੁਝ ਸਬੂਤ ਪੇਸ਼ ਕਰਨ ਲਈ ਕਿਹਾ ਗਿਆ।
‘ਆਪ’ ਦੇ ਰਾਜ ਸਭਾ ਮੈਂਬਰ ਬਲਬੀਰ ਸਿੰਘ ਸੀਚੇਵਾਲ ਵੱਲੋਂ ਇਹ ਮੁੱਦਾ ਵਿਦੇਸ਼ ਮੰਤਰਾਲੇ ਕੋਲ ਚੁੱਕੇ ਜਾਣ ਤੋਂ ਬਾਅਦ ਉਹ ਆਖਰਕਾਰ 6 ਸਤੰਬਰ ਨੂੰ ਭਾਰਤ ਪਰਤ ਆਇਆ। ਸੰਸਦ ਮੈਂਬਰ ਬਲਬੀਰ ਸੀਚੇਵਾਲ ਨੇ ਕਿਹਾ ਕਿ ਉਨ੍ਹਾਂ ਨੇ ਇਹ ਮਾਮਲਾ ਸਬੰਧਤ ਅਧਿਕਾਰੀਆਂ ਕੋਲ ਚੁੱਕਿਆ, ਜਿਸ ਤੋਂ ਬਾਅਦ ਸਿੰਘ ਨੂੰ ਉਸ ਦੇ ਗੁੰਮ ਹੋਏ ਪਾਸਪੋਰਟ ਦੀ ਕਾਪੀ ਮੁਹੱਈਆ ਕਰਵਾਈ ਗਈ ਅਤੇ ਆਖਰਕਾਰ ਉਹ ਵਾਪਸ ਆਉਣ ਦੇ ਯੋਗ ਹੋ ਗਿਆ।
ਗੁਰਤੇਜ ਸਿੰਘ ਨੇ ਮੰਨਿਆ ਕਿ ਪਾਸਪੋਰਟ ਗੁੰਮ ਹੋਣ ਕਰਕੇ ਉਸ ਨੂੰ ਲਗਾਤਾਰ ਫੜੇ ਜਾਣ ਦਾ ਡਰ ਸੀ। ਉਸ ਨੇ ਕਿਹਾ ਕਿ ਉਸ ਨੂੰ ਹਮੇਸ਼ਾ ਲੱਗਦਾ ਸੀ ਕਿ ਪਾਸਪੋਰਟ ਨਾ ਹੋਣ ਕਰਕੇ ਉਹ ਭਾਰਤ ਕਿਵੇਂ ਆਵੇਗਾ। ਭਾਰਤ ਵਿੱਚ ਰਹਿੰਦੇ ਉਸ ਦੇ ਪਰਿਵਾਰ ਨੇ ਵੀ ਉਸਨੂੰ ਵਾਪਸ ਲਿਆਉਣ ਦੀ ਕੋਸ਼ਿਸ਼ ਕੀਤੀ, ਪਰ ਕੋਈ ਫਾਇਦਾ ਨਹੀਂ ਹੋਇਆ।
ਉਨ੍ਹਾਂ ਨੇ ਕਿਹਾ ਕਿ ਪਾਸਪੋਰਟ ਨਾ ਮਿਲਣ ‘ਤੇ ਉਸ ਨੂੰ ਲੱਗਦਾ ਸੀ ਕਿ ਸ਼ਾਇਦ ਹੀ ਉਹ ਆਪਣੇ ਪਰਿਵਾਰ ਨੂੰ ਕਦੇ ਮਿਲ ਸਕੇ। ਗੁਰਤੇਜ ਸਿੰਘ ਨੇ ਕਿਹਾ, “ਮੈਂ ਸੋਚ ਰਿਹਾ ਸੀ ਕਿ ਮੈਂ ਭਾਰਤ ਵਾਪਸ ਕਿਵੇਂ ਜਾਵਾਂਗਾ। ਉਹ ਲੇਬਨਾਨ ਵਿੱਚ ਸਬਜ਼ੀਆਂ ਦੇ ਖੇਤ ਵਿੱਚ ਮਜ਼ਦੂਰ ਵਜੋਂ ਕੰਮ ਕਰਦਾ ਸੀ। ਲੇਬਨਾਨ ਜਾਣ ਤੋਂ ਪਹਿਲਾਂ ਉਹ ਲੁਧਿਆਣਾ ਵਿੱਚ ਇੱਕ ਸਵੈਟਰ ਬਣਾਉਣ ਵਾਲੀ ਫੈਕਟਰੀ ਵਿੱਚ ਕੰਮ ਕਰਦਾ ਸੀ। ਇਸ ਤੋਂ ਇਲੲਵੲ ਉਸਨੇ ਭਾਵੁਕ ਹੁੰਦੇ ਜ਼ਿਕਰ ਕੀਤਾ ਕਿ ਜਦੋਂ ਉਹ ਲੇਬਨਾਨ ਗਿਆ ਸੀ ਤਾਂ ਉਸ ਦਾ ਵੱਡਾ ਪੁੱਤਰ ਸਿਰਫ 6 ਸਾਲ ਦਾ ਸੀ ਜਦੋਂ ਕਿ ਛੋਟਾ ਪੁੱਤਰ 3 ਸਾਲ ਦਾ ਸੀ ਤੇ ਹੁਣ ਉਦਸਾ ਪੋਤਾ ਵੀ 6 ਸਾਲ ਦਾ ਹੋ ਗਿਆ ਹੈ।
