ਨਿਊਜ਼ ਡੈਸਕ: ਟੀ.ਵੀ. ਦੇ ਕਾਮੇਡੀ ਕਿੰਗ ਕਪਿਲ ਸ਼ਰਮਾ ਨਾਂ ਸਿਰਫ ਟੀਵੀ ‘ਤੇ ਸਗੋਂ ਸੋਸ਼ਲ ਮੀਡੀਆ ‘ਤੇ ਵੀ ਛਾਏ ਰਹਿੰਦੇ ਹਨ। ਅਦਾਕਾਰ ਅਕਸਰ ਵੱਖੋਂ-ਵੱਖਰੀਆਂ ਪੋਸਟਾਂ ਕਰਕੇ ਫੈਨਜ਼ ਨੂੰ ਖੁਸ਼ ਕਰ ਦਿੰਦੇ ਹਨ। ਇਸੇ ਤਹਿਤ ਕਾਮੇਡਿਅਨ ਦੀ ਇੱਕ ਤਸਵੀਰ ਸੋਸ਼ਲ ਮੀਡੀਆ ‘ਤੇ ਤੇਜ਼ੀ ਨਾਲ ਵਾਇਰਲ ਹੋ ਰਹੀ ਹੈ, ਜਿਸ ਵਿੱਚ ਉਹ ਡਿਲੀਵਰੀ ਬੁਆਏ ਬਣ ਘਰ-ਘਰ ਖਾਣਾ ਪਹੁੰਚਾਉਂਦੇ ਨਜ਼ਰ ਆ ਰਹੇ ਹਨ।
ਅਸਲ ‘ਚ ਕਾਮੇਡੀਅਨ ਕਪਿਲ ਸ਼ਰਮਾ ਇਨ੍ਹੀਂ ਦਿਨੀਂ ਓਡਿਸ਼ਾ ਦੇ ਭੁਵਨੇਸ਼ਵਰ ਸ਼ਹਿਰ ’ਚ ਨੰਦਿਤਾ ਦਾਸ ਦੀ ਫ਼ਿਲਮ ਦੀ ਸ਼ੂਟਿੰਗ ਕਰ ਰਹੇ ਹਨ। ਫ਼ਿਲਮ ’ਚ ਕਪਿਲ ਸ਼ਰਮਾ ਇਕ ਫੂਡ ਡਿਲੀਵਰੀ ਰਾਈਡਰ ਦੀ ਭੂਮਿਕਾ ਨਿਭਾਉਂਦੇ ਨਜ਼ਰ ਆਉਣਗੇ।
ਹਾਲ ਹੀ ’ਚ ਸੋਸ਼ਲ ਮੀਡੀਆ ’ਤੇ ਇਕ ਫੈਨ ਨੇ ਕਪਿਲ ਸ਼ਰਮਾ ਦੀ ਇਕ ਤਸਵੀਰ ਸਾਂਝੀ ਕੀਤੀ ਹੈ, ਜਿਸ ’ਚ ਉਹ ਬਾਈਕ ’ਤੇ ਪਿੱਠ ’ਤੇ ਡਿਲਿਵਰੀ ਬੈਗ ਲੈ ਕੇ ਜਾਂਦੇ ਨਜ਼ਰ ਆ ਰਹੇ ਹਨ।
Kisi ko batana mat 🤓 https://t.co/3rCAjuPKva
— Kapil Sharma (@KapilSharmaK9) March 18, 2022
ਤਸਵੀਰ ਨੂੰ ਸਾਂਝਾ ਕਰਦਿਆਂ ਫੈਨਜ਼ ਨੇ ਲਿਖਿਆ, ‘ਸਰ ਜੀ ਮੈਂ ਅੱਜ ਤੁਹਾਨੂੰ ਲਾਈਵ ਦੇਖ ਲਿਆ।’ ਕਪਿਲ ਨੇ ਇਸ ਤਸਵੀਰ ਨੂੰ ਰੀ-ਟਵੀਟ ਕਰਦਿਆਂ ਲਿਖਿਆ, ‘ਕਿਸੇ ਨੂੰ ਦੱਸਣਾ ਨਹੀਂ।’
Disclaimer: This article is provided for informational purposes only. The information should not be taken to represent the opinions, policy, or views of Global Punjab TV, nor any of its staff, employees, or affiliates.
