ਨਵੀਂ ਦਿੱਲੀ : ਅਪਰੇਸ਼ਨ ਗੰਗਾ ਤਹਿਤ ਭਾਰਤੀਆਂ ਨੂੰ ਯੂਕਰੇਨ ਤੋਂ ਕੱਢਿਆ ਜਾ ਰਿਹਾ ਹੈ। ਇਸੇ ਤਹਿਤ ਬੀਤੇ ਦਿਨੀਂ ਪੋਲੈਂਡ ਤੋਂ ਕਰੀਬ 200 ਵਿਦਿਆਰਥੀਆਂ ਨੂੰ ਲੈ ਕੇ ਏਅਰਫੋਰਸ ਦਾ ਸੀ70 ਗੋਲਬਮਾਸਟਰ ਹਿੰਡਨ ਏਅਰਬੇਸ ਪਹੁੰਚ ਗਿਆ। ਇਸੇ ਜਹਾਜ਼ ‘ਚ ਗੋਲੀ ਲੱਗਣ ਕਾਰਨ ਜ਼ਖਮੀ ਹੋਇਆ ਹਰਜੋਤ ਵੀ ਸ਼ਾਮਲ ਸੀ।
ਕੇਂਦਰੀ ਮੰਤਰੀ ਵੀਕੇ ਸਿੰਘ ਨੇ ਦੱਸਿਆ ਕਿ ਯੂਕਰੇਨ ‘ਚ ਏਅਰਪੋਰਟ ’ਤੇ ਹਮਲਾ ਹੋਇਆ ਸੀ ਜਿਸ ਤੋਂ ਬਾਅਦ ਯੂਕਰੇਨ ਅੰਬੈਸੀ ਨੇ ਉਨ੍ਹਾਂ ਨੂੰ ਉਥੋਂ ਕੱਢਣ ਲਈ ਕਾਫੀ ਜੱਦੋ-ਜਹਿਦ ਕੀਤੀ। ਕਰੀਬ ਸਾਢੇ ਚਾਰ ਵਜੇ ਉਹ ਏਅਰਪੋਰਟ ਪੁੱਜੇ ਸੀ, ਉਨ੍ਹਾਂ ਦੀ ਹਾਲਤ ਅਜੇ ਠੀਕ ਹੈ, ਉਨ੍ਹਾਂ ਰਿਸਰਚ ਅਤੇ ਰੈਫਰਲ ਹਸਪਤਾਲ ਵਿਚ ਭੇਜਿਆ ਗਿਆ ਹੈ। ਜਿੱਥੇ ਉਨ੍ਹਾਂ ਦਾ ਇਲਾਜ ਹੋਵੇਗਾ।
ਪੋਲੈਂਡ ਤੋਂ ਅਪਰੇਸ਼ਨ ਗੰਗਾ ਤਹਿਤ ਇਹ ਆਖਰੀ ਫਲਾਈਟ ਹੈ। ਅਪਰੇਸ਼ਨ ਗੰਗਾ ਤਹਿਤ ਯੂਕਰੇਨ ਦੇ ਗੁਆਂਢੀ ਦੇਸ਼ਾਂ ਤੋਂ 7 ਵਿਸ਼ੇਸ਼ ਉਡਾਣਾਂ ਰਾਹੀਂ 1314 ਭਾਰਤੀਆਂ ਨੂੰ ਏਅਰਲਿਫਟ ਕੀਤਾ ਗਿਆ ਹੈ। ਹੁਣ ਤੱਕ ਕੁਲ 17,400 ਤੋਂ ਜ਼ਿਆਦਾ ਭਾਰਤੀਆਂ ਨੂੰ ਵਾਪਸ ਲਿਆਇਆ ਜਾ ਚੁੱਕਾ ਹੈ। ਇਹ ਜਾਣਕਾਰੀ ਹਵਾਬਾਜ਼ੀ ਮੰਤਰਾਲੇ ਨੇ ਦਿੱਤੀ। ਮੰਤਰਾਲੇ ਮੁਤਾਬਕ 73 ਵਿਸ਼ੇਸ਼ ਜਹਾਜ਼ਾਂ ਉਡਾਣਾਂ ਰਾਹੀਂ 15206 ਭਾਰਤੀ ਏਅਰਲਿਫਟ ਕੀਤੇ ਗਏ ਹਨ। ਆਈਏਐਫ ਨੇ ਅਪਰੇਸ਼ਨ ਗੰਗਾ ਤਹਿਤ ਪਹਿਲਾਂ 2056 ਯਾਤਰੀਆਂ ਨੂੰ ਵਾਪਸ ਲਿਆਉਣ ਲਈ 10 ਉਡਾਣਾਂ ਭਰੀ ਸੀ। ਹੁਣ ਹੋਰ ਉਡਾਣਾਂ ਰਾਹੀਂ 400 ਤੋਂ ਜ਼ਿਆਦਾ ਭਾਰਤੀ ਘਰ ਪਰਤਣਗੇ।
Disclaimer: This article is provided for informational purposes only. The information should not be taken to represent the opinions, policy, or views of Global Punjab TV, nor any of its staff, employees, or affiliates.
