ਨਵੀਂ ਦਿੱਲੀ: ਭਾਰਤ ਅਤੇ ਚੀਨ ਦੇ ਸੈਨਿਕਾਂ ਨੇ ਵੀਰਵਾਰ ਨੂੰ ਦੀਵਾਲੀ ਦੇ ਮੌਕੇ ਅਸਲ ਕੰਟਰੋਲ ਲਕੀਰ ‘ਤੇ ਕਈ ਸਰਹੱਦੀ ਚੌਕੀਆਂ ‘ਤੇ ਮਠਿਆਈਆਂ ਦਾ ਆਦਾਨ-ਪ੍ਰਦਾਨ ਕੀਤਾ। ਇਹ ਜਾਣਕਾਰੀ ਫ਼ੌਜ ਦੇ ਸੂਤਰਾਂ ਨੇ ਦਿੱਤੀ ਹੈ।
ਪੂਰਬੀ ਲੱਦਾਖ਼ ਦੇ ਤਣਾਅ ਵਾਲੇ ਦੋ ਟਿਕਾਣਿਆਂ ਦੇਮਚੋਕ ਅਤੇ ਦੇਪਸਾਂਗ ‘ਤੇ ਦੋਵਾਂ ਮੁਲਕਾਂ ਵੱਲੋਂ ਫ਼ੌਜਾਂ ਨੂੰ ਪਿੱਛੇ ਹਟਾ ਲਏ ਜਾਣ ਤੋਂ ਇਕ ਦਿਨ ਬਾਅਦ ਰਵਾਇਤੀ ਵਰਤ-ਵਿਹਾਰ ਦਾ ਨਜ਼ਾਰਾ ਦੇਖਣ ਨੂੰ ਮਿਲਿਆ, ਜਿਸ ਨਾਲ ਚੀਨ-ਭਾਰਤ ਸਬੰਧਾਂ ਵਿਚ ਨਵੀਂ ਗਰਮ-ਜੋਸ਼ੀ ਦਾ ਨਿੱਘ ਮਹਿਸੂਸ ਕੀਤਾ ਜਾ ਸਕਦਾ ਹੈ।
ਫੌਜ ਦੇ ਇਕ ਸੂਤਰ ਨੇ ਕਿਹਾ, ”ਦੀਵਾਲੀ ਦੇ ਮੌਕੇ ‘ਤੇ ਐੱਲਏਸੀ ਦੇ ਨਾਲ-ਨਾਲ ਕਈ ਸਰਹੱਦੀ ਚੌਕੀਆਂ ‘ਤੇ ਭਾਰਤ ਅਤੇ ਚੀਨ ਦੀਆਂ ਫੌਜਾਂ ਦੇ ਜਵਾਨਾਂ ਵਿਚਾਲੇ ਮਠਿਆਈਆਂ ਦਾ ਵਟਾਂਦਰਾ ਹੋਇਆ।” ਸੂਤਰਾਂ ਨੇ ਦੱਸਿਆ ਕਿ ਇਹ ਅਦਲਾ-ਬਦਲੀ ਐੱਲਏਸੀ ਉਤੇ ਨਾਲ ਪੰਜ ਬਾਰਡਰ ਪਰਸੋਨਲ ਮੀਟਿੰਗ (ਬੀਪੀਐਮ) ਚੌਕੀਆਂ ‘ਤੇ ਹੋਈ।
ਨੋਟ: ਪੰਜਾਬੀ ਦੀਆਂ ਖ਼ਬਰਾਂ ਪੜ੍ਹਨ ਲਈ ਤੁਸੀਂ ਸਾਡੀ ਐਪ ਨੂੰ ਡਾਊਨਲੋਡ ਕਰ ਸਕਦੇ ਹੋ। ਜੇ ਤੁਸੀਂ ਵੀਡੀਓ ਵੇਖਣਾ ਚਾਹੁੰਦੇ ਹੋ ਤਾਂ Global Punjab TV ਦੇ YouTube ਚੈਨਲ ਨੂੰ Subscribe ਕਰੋ। ਤੁਸੀਂ ਸਾਨੂੰ ਫੇਸਬੁੱਕ, ਟਵਿੱਟਰ ‘ਤੇ ਵੀ Follow ਕਰ ਸਕਦੇ ਹੋ। ਸਾਡੀ ਵੈੱਬਸਾਈਟ https://globalpunjabtv.com/ ‘ਤੇ ਜਾ ਕੇ ਵੀ ਹੋਰ ਖ਼ਬਰਾਂ ਨੂੰ ਪੜ੍ਹ ਸਕਦੇ ਹੋ।
