ਨਿਊਜ਼ ਡੈਸਕ: ਮੱਧ ਪ੍ਰਦੇਸ਼ (ਐੱਮ. ਪੀ.) ਦੇ ਸਿੱਧੀ ‘ਚ ਇਕ ਆਦਿਵਾਸੀ ਵਿਅਕਤੀ ‘ਤੇ ਪਿਸ਼ਾਬ ਕਰਨ ਦਾ ਮਾਮਲਾ ਅਜੇ ਸੁਲਝਿਆ ਹੀ ਸੀ ਕਿ ਯੂਪੀ ਦੇ ਸੋਨਭੱਦਰ ਦੇ ਇਕ ਨੌਜਵਾਨ ਨਾਲ ਬਦਸਲੂਕੀ ਦਾ ਵੀਡੀਓ ਸਾਹਮਣੇ ਆਇਆ ਹੈ। ਜੋ ਸੋਸ਼ਲ ਮੀਡੀਆ ‘ਤੇ ਤੇਜ਼ੀ ਨਾਲ ਵਾਇਰਲ ਹੋ ਰਿਹਾ ਹੈ। ਵਾਇਰਲ ਵੀਡੀਓ ‘ਚ ਨੌਜਵਾਨ ਵਿਅਕਤੀ ਨੂੰ ਬੇਹਰਿਮੀ ਨਾਲ ਕੁਟਦਾ ਹੈ ਫਿਰ ਆਪਣੇ ਪੈਰਾਂ ਨੂੰ ਜੀਭ ਨਾਲ ਚਟਾਉਦਾਂ ਹੈ। ਦਬੰਗ ਬਿਜਲੀ ਵਿਭਾਗ ‘ਚ ਠੇਕੇ ‘ਤੇ ਲਾਈਨਮੈਨ ਵਜੋਂ ਕੰਮ ਕਰਦਾ ਹੈ। ਇਹ ਘਟਨਾ 6 ਜੁਲਾਈ ਦੀ ਦੱਸੀ ਜਾ ਰਹੀ ਹੈ।
ਪੁਲਿਸ ਅਨੁਸਾਰ ਮਾਮਲੇ ‘ਚ ਪੀੜਿਤ ਸ਼ਾਹਗੰਜ ਥਾਣਾ ਖੇਤਰ ਦੇ ਬਲਾਦੀਹ ਪਿੰਡ ‘ਚ ਆਪਣੇ ਮਾਮੇ ਦੇ ਘਰ ਆਈ ਸੀ, ਜਿੱਥੇ ਉਸ ਨੇ ਬਿਜਲੀ ‘ਚ ਆਈ ਤਕਨੀਕੀ ਖਰਾਬੀ ਨੂੰ ਠੀਕ ਕੀਤਾ। ਦੋਸ਼ੀ ਲਾਈਨਮੈਨ ਤੇਜਬਲੀ ਸਿੰਘ ਪੀੜਤ ਨੂੰ ਬਿਜਲੀ ਦੀ ਮੁਰੰਮਤ ਕਰਦੇ ਦੇਖ ਕੇ ਇੰਨਾ ਗੁੱਸੇ ‘ਚ ਆ ਗਿਆ ਕਿ ਉਸ ਨੇ ਪੀੜਿਤ ਨੂੰ ਆਪਣੀ ਜੁੱਤੀ ‘ਤੇ ਥੁੱਕ ਕੇ ਚੱਟਣ ਲਈ ਕਿਹਾ। ਵੀਡੀਓ ਵਾਇਰਲ ਹੋਣ ਤੋਂ ਬਾਅਦ ਪੁਲਿਸ ਨੇ ਦੋਸ਼ੀ ਲਾਈਨਮੈਨ ਖਿਲਾਫ ਮਾਮਲਾ ਦਰਜ ਕਰ ਲਿਆ ਹੈ। ਪੁਲਿਸ ਦਾ ਕਹਿਣਾ ਹੈ ਕਿ ਦੋਸ਼ੀ ਨੂੰ ਜਲਦ ਗ੍ਰਿਫਤਾਰ ਕਰ ਲਿਆ ਜਾਵੇਗਾ। ਉਸਦੀ ਤਲਾਸ਼ ਜਾਰੀ ਹੈ। ਅਸੀਂ ਮਾਮਲੇ ਦੀ ਜਾਂਚ ਕਰ ਰਹੇ ਹਾਂ।
ਦਸ ਦਈਏ ਕਿ ਹਾਲ ਹੀ ਵਿੱਚ ਐਮਪੀ ਤੋਂ ਸਿੱਧਾ ਇੱਕ ਵੀਡੀਓ ਸਾਹਮਣੇ ਆਇਆ ਸੀ ਜਿਸ ਵਿੱਚ ਇੱਕ ਵਿਅਕਤੀ ਅਣਮਨੁੱਖੀ ਹਰਕਤਾਂ ਕਰਦਾ ਨਜ਼ਰ ਆ ਰਿਹਾ ਸੀ। ਉਸ ਨੇ ਕਬਾਇਲੀ ਭਾਈਚਾਰੇ ਦੇ ਇਕ ਵਿਅਕਤੀ ‘ਤੇ ਪਿਸ਼ਾਬ ਕਰ ਦਿੱਤਾ ਸੀ।
Disclaimer: This article is provided for informational purposes only. The information should not be taken to represent the opinions, policy, or views of Global Punjab TV, nor any of its staff, employees, or affiliates.
