ਕੀ ਤੁਹਾਡੇ ਫੋਨ ਦੀ ਬੈਟਰੀ ਤੈਅ ਕਰਦੀ ਹੈ ਤੁਹਾਡਾ ਮੂਡ ? ਰਿਸਰਚ ‘ਚ ਆਇਆ ਸਾਹਮਣੇ

ਕੀ ਤੁਸੀਂ ਕਦੇ ਸੋਚਿਆ ਹੈ ਕਿ ਫੋਨ ਦੀ ਬੈਟਰੀ ਦੀ ਵਜ੍ਹਾ ਨਾਲ ਤੁਹਾਡਾ ਮੂਡ ਤੈਅ ਹੋ ਸਕਦਾ ਹੈ ਨਹੀਂ ਨਾ ਪਰ ਅਜਿਹਾ ਹੈ। ਅਸਲ ‘ਚ ਇੱਕ ਰਿਪੋਰਟ ਦੇ ਮੁਤਾਬਕ ਇਹ ਗੱਲ ਸਾਹਮਣੇ ਆਈ ਹੈ ਕਿ ਬੈਟਰੀ ਇਨਸਾਨ ਦਾ ਮੂਡ ਤੈਅ ਕਰਦੀ ਹੈ।

ਲੰਦਨ ਯੂਨੀਵਰਸਿਟੀ ਤੇ ਫਿਨਲੈਂਡ ਦੀ ਅਲਟੋ ਯੂਨੀਵਰਸਿਟੀ ਨੇ ਨਾਲ ਮਿਲਕੇ ਫੋਨ ਦੀ ਬੈਟਰੀ ‘ਤੇ ਰਿਸਰਚ ਕੀਤੀ ਹੈ। ਇਸ ਰਿਸਰਚ ਨਾਲ ਫੋਨ ਦੀ ਬੈਟਰੀ ਨੂੰ ਲੈ ਕੇ ਕਈ ਵੱਡੇ ਖੁਲਾਸੇ ਹੋਏ ਹਨ। ਅਸੀ ਤੁਹਾਨੂੰ ਦੱਸਦੇ ਹਾਂ ਕਿ ਕਿਵੇਂ ਫੋਨ ਦੀ ਬੈਟਰੀ ਇਨਸਾਨ ਦੇ ਮੂਡ ‘ਤੇ ਪ੍ਰਭਾਵ ਪਾਉਂਦੀ ਹੈ…

ਫੋਨ ਦੀ ਬੈਟਰੀ ਦਾ ਚਾਰਜ ਹੋਣਾ

ਰਿਸਰਚ ਦੇ ਮੁਤਾਬਕ ਜਿਨ੍ਹਾਂ ਲੋਕਾਂ ਦੇ ਫੋਨ ਦੀ ਬੈਟਰੀ ਪੂਰੀ ਤਰ੍ਹਾਂ ਚਾਰਜ ਰਹਿੰਦੀ ਹੈ, ਉਹ ਪੂਰੇ ਦਿਨ ਫਰੈਸ਼ ਰਹਿੰਦੇ ਹਨ ਅਤੇ ਆਪਣੇ ਸਾਰੇ ਕੰਮ ਤੇਜੀ ਨਾਲ ਪੂਰੇ ਕਰਦੇ ਹਨ। ਉਹੀ ਦੂਜੇ ਪਾਸੇ ਜਿਹੜੇ ਲੋਕ ਆਪਣੇ ਫੋਨ ਨੂੰ ਫੁੱਲ ਚਾਰਜ ਨਹੀਂ ਕਰਦੇ ਉਹ ਆਪਣੀ ਸਮਰੱਥਾ ਤੋਂ ਘੱਟ ਕੰਮ ਕਰਦੇ ਹਨ ਇਸ ਦੇ ਨਾਲ ਹੀ ਆਲਸ ‘ਚ ਰਹਿੰਦੇ ਹੈ।

ਸਕਾਰਾਤਮਕ ਮਹਿਸੂਸ ਕਰਨਾ

ਲੰਦਨ ਯੂਨੀਵਰਸਿਟੀ ਦੀ ਜਾਂਚ ਦੇ ਅਨੁਸਾਰ , ਜਿਨ੍ਹਾਂ ਲੋਕਾਂ ਦੇ ਫੋਨ ਦੀ ਬੈਟਰੀ 100 ਫ਼ੀਸਦੀ ਚਾਰਜ ਹੁੰਦੀ ਹੈ, ਉਹ ਸਕਾਰਾਤਮਕ ਮਹਿਸੂਸ ਕਰਦੇ ਹਨ। ਦੂਜੇ ਪਾਸੇ 50 ਜਾਂ ਇਸ ਤੋਂ ਘੱਟ ਬੈਟਰੀ ਹੋਣ ਨਾਲ ਯੂਜ਼ਰਸ ਨਕਾਰਾਤਮਕ ਮਹਿਸੂਸ ਕਰਦੇ ਹਨ। ਰਿਸਰਚ ਦੌਰਾਨ ਲੋਕਾਂ ਨੇ ਦੱਸਿਆ ਕਿ ਉਨ੍ਹਾਂਨੂੰ ਬੈਟਰੀ ਫੁੱਲ ਚਾਰਜ ਦੇਖਣ ਨਾਲ ਚੰਗਾ ਫੀਲ ਹੁੰਦਾ ਹੈ ਨਾਲ ਕਈ ਲੋਕਾਂ ਨੇ ਦੱਸਿਆ ਕਿ ਅੱਧੀ ਬੈਟਰੀ ਦੇਖਣ ਨਾਲ ਉਨ੍ਹਾਂ ਨੂੰ ਚਿੰਤਾਜਨਕ ਮਹਿਸੂਸ ਹੁੰਦਾ ਹੈ।

ਬੈਟਰੀ ਕਰਦੀ ਹੈ ਟਰੈਵਲ ਦਾ ਸਮਾਂ ਤੈਅ
ਰਿਸਰਚਰ ਨੇ 23 ਤੋਂ ਲੈ ਕੇ 57 ਸਾਲ ਦੇ ਲੋਕਾਂ ‘ਤੇ ਜਾਂਚ ਕੀਤੀ ਹੈ। ਇਹ ਲੋਕ ਹਰ ਦਿਨ 60 ਤੋਂ 180 ਮਿੰਟ ਤੱਕ ਦਾ ਸਫਰ ਤੈਅ ਕਰਦੇ ਹਨ। ਉਹ ਆਪਣੇ ਸਫਰ ਦੀ ਤੁਲਨਾ ਬੈਟਰੀ ਦੇ ਸਟੇਟਸ ਨਾਲ ਕਰਦੇ ਹਨ। ਜੇਕਰ ਉਨ੍ਹਾਂ ਦੇ ਫੋਨ ਦੀ ਬੈਟਰੀ 50 ਫੀਸਦੀ ਹੈ, ਤਾਂ ਉਨ੍ਹਾਂ ਨੂੰ ਆਪਣੀ ਮੰਜਿਲਨ ਉੱਤੇ ਪੁੱਜਣ ਉੱਤੇ ਕਿੰਨਾ ਸਮਾਂ ਲੱਗੇਗਾ। ਉਥੇ ਹੀ ਲੋਕਾਂ ਨੂੰ 50 ਫ਼ੀਸਦੀ ਬੈਟਰੀ ਹੋਣ ‘ਤੇ ਪਰੇਸ਼ਾਨੀ ਤੇ 100 ਫ਼ੀਸਦੀ ਹੋਣ ਉੱਤੇ ਆਰਾਮ ਮਹਿਸੂਸ ਹੁੰਦਾ ਹੈ ।

ਦੱਸ ਦੇਈਏ ਫੋਨ ਦੀ ਬੈਟਰੀ ਨੂੰ ਲੈ ਕੇ ਡਾ.ਰਾਬਿੰਸਨ ਨੇ ਕਿਹਾ ਹੈ ਕਿ ਜਿਨ੍ਹਾਂ ਲੋਕਾਂ ਦੀ ਬੈਟਰੀ ਫੁੱਲ ਚਾਰਜ ਰਹਿੰਦੀ ਹੈ , ਉਹ ਆਪਣੇ ਸਾਰੇ ਕੰਮ ਤੇਜੀ ਦੇ ਨਾਲ ਪੂਰਾ ਕਰਦੇ ਹਨ। ਉੱਥੇ ਹੀ ਦੂਜੇ ਪਾਸੇ ਜਿਨ੍ਹਾਂ ਦੀ ਬੈਟਰੀ ਘੱਟ ਚਾਰਜ ਰਹਿੰਦੀ ਹੈ ਉਹ ਹਮੇਸ਼ਾ ਨਕਾਰਾਤਮਕ ਮਹਿਸੂਸ ਕਰਦੇ ਹਨ।