ਚੰਡੀਗੜ੍ਹ : ਕਰਫਿਊ ਦੌਰਾਨ ਅੱਜ ਅਜਿਹੀ ਘਟਨਾ ਸਾਹਮਣੇ ਆਈ ਹੈ ਜਿਸਦੀ ਸਾਰੇ ਪਾਸੇ ਨਿੰਦਾ ਹੋ ਰਹੀ ਹੈ । ਦਰਅਸਲ ਨਿਹੰਗ ਸਿੰਘ ਵਲੋਂ ਪੁੱਛ ਗਿੱਛ ਦੌਰਾਨ ਪੁਲਿਸ ਤੇ ਹਮਲਾ ਕਰ ਦਿੱਤਾ ਗਿਆ ਸੀ । ਇਸ ਦੌਰਾਨ ਪੁਲਿਸ ਅਧਿਕਾਰੀ ਗੰਭੀਰ ਰੂਪ ਚ ਜ਼ਖਮੀ ਹੋ ਗਏ ਸਨ । ਇਸ ਨੂੰ ਲੈ ਕੇ ਹੁਣ ਪੰਜਾਬ ਦੇ ਡੀਜੀਪੀ ਦਿਨਕਰ ਗੁਪਤਾ ਨੇ ਸਖ਼ਤ ਰੁੱਖ ਅਖਤਿਆਰ ਕਰ ਲਿਆ ਹੈ । ਜਾਣਕਾਰੀ ਮੁਤਾਬਿਕ ਦਿਨਕਰ ਗੁਪਤਾ ਨੇ ਕਿਹਾ ਕਿ ਹਮਲਾ ਕਰਨ ਵਾਲੇ ਨਿਹੰਗ ਸਿੰਘਾਂ ਵਿਰੁੱਧ ਸਖ਼ਤ ਕਾਰਵਾਈ ਕੀਤੀ ਜਾਵੇਗੀ ।
Grateful to PGI for full support. Director PGI tells me that surgery has already started by 2 senior surgeons who will do their best. All of us praying to Waheguru for his full recovery!
— DGP Punjab Police (@DGPPunjabPolice) April 12, 2020
ਦੱਸ ਦੇਈਏ ਕਿ ਇਸ ਸਬੰਧੀ ਜਾਣਕਾਰੀ ਦਿੰਦਿਆਂ ਐਸ ਐਸ ਪੀ ਮਨਦੀਪ ਸਿੰਘ ਸਿੱਧੂ ਨੇ ਦਸਿਆ ਸੀ ਕਿ ਕਿ ਇਥੇ ਪਟਿਆਲਾ ਦੀ ਸਬਜ਼ੀ ਮੰਡੀ ਵਿਚ ਕੁਝ ਅਧਿਕਾਰੀ ਆਪਣੀ ਡਿਊਟੀ ਤੇ ਸਨ ਅਤੇ ਇਕੱਠ ਹੋਣ ਤੋਂ ਰੋਕ ਰਹੇ ਸਨ ।ਐਸ ਐਸ ਪੀ ਸਿੱਧੂ ਅਨੁਸਾਰ ਇਸ ਦੌਰਾਨ ਕੁਝ ਨਿਹੰਗ ਸਿੰਘ ਇਕ ਵਹੀਕਲ ਤੇ ਸਵਾਰ ਹੋ ਕੇ ਆਏ ਤਾ ਉਨ੍ਹਾਂ ਨੂੰ ਅਧਿਆਕਰੀਆਂ ਨੇ ਪੁੱਛਿਆ ਕਿ ਤੁਹਾਡੇ ਕੋਲ ਕਰਫਿਊ ਪਾਸ ਹੈ ? ਪਰ ਨਿਹੰਗ ਸਿੰਘਾਂ ਨੇ ਬੈਰੀਕੇਡ ਤੋਂ ਆਪਣੀ ਗੱਡੀ ਲੰਘਾ ਦਿਤੀ ਅਤੇ ਮੰਡੀ ਦੇ ਗੇਟ ਵਿਚ ਗੱਡੀ ਮਾਰੀ । ਐਸ ਐਸ ਪੀ ਮਨਦੀਪ ਸਿੰਘ ਸਿੱਧੂ ਨੇ ਦਸਿਆ ਕਿ ਪੁਲਿਸ ਮੁਲਾਜ਼ਮ ਨੇ ਉਨ੍ਹਾਂ ਨੂੰ ਰੋਕਣਾ ਚਾਹਿਆ ਪਰ ਉਨ੍ਹਾਂ ਨੇ ਅਧਿਕਾਰੀਆਂ ਤੇ ਹਮਲਾ ਕਰ ਦਿੱਤਾ । ਉਨ੍ਹਾਂ ਦਸਿਆ ਕਿ ਇਸ ਹਮਲੇ ਦੌਰਾਨ ਐਸ ਐਚ ਓ ਥਾਣਾ ਸਦਰ ਪਟਿਆਲਾ ਦੇ ਬਾਹ ਤੇ ਗੰਭੀਰ ਸਟ ਲਗੀ ਹੈ, ਇਕ ਏਐਸਆਈ ਦਾ ਇਸ ਦੌਰਾਨ ਹੱਥ ਕੱਟਿਆ ਗਿਆ ।
