ਨਵੀਂ ਦਿੱਲੀ: ਕੋਲਡ ਡਰਿੰਕਸ, ਸਿਗਰੇਟ ਅਤੇ ਤੰਬਾਕੂ ਵਰਗੇ ਹਾਨੀਕਾਰਕ ਉਤਪਾਦ ਮਹਿੰਗੇ ਹੋ ਸਕਦੇ ਹਨ। ਜੀਐਸਟੀ ਦਰਾਂ ਨੂੰ ਤਰਕਸੰਗਤ ਬਣਾਉਣ ਲਈ ਗਠਿਤ ਮੰਤਰੀਆਂ ਦੇ ਸਮੂਹ ਨੇ ਅਜਿਹੇ ਉਤਪਾਦਾਂ ‘ਤੇ ਟੈਕਸ ਦੀ ਦਰ ਮੌਜੂਦਾ 28 ਪ੍ਰਤੀਸ਼ਤ ਤੋਂ ਵਧਾ ਕੇ 35 ਪ੍ਰਤੀਸ਼ਤ ਕਰਨ ਦਾ ਪ੍ਰਸਤਾਵ ਦਿੱਤਾ ਹੈ। ਇਸ ਪ੍ਰਸਤਾਵ ‘ਤੇ ਅੰਤਿਮ ਫੈਸਲਾ 21 ਦਸੰਬਰ ਨੂੰ ਹੋਣ ਵਾਲੀ GST ਕੌਂਸਲ ਦੀ ਬੈਠਕ ‘ਚ ਲਿਆ ਜਾਵੇਗਾ। ਜੀਐਸਟੀ ਸਲੈਬ ਵਿੱਚ 35% ਦਾ ਨਵਾਂ ਪੱਧਰ ਜੋੜਨ ਦੀ ਸਿਫਾਰਸ਼ ਕੀਤੀ ਗਈ ਹੈ।
ਰੈਡੀਮੇਡ ਕੱਪੜਿਆਂ ‘ਤੇ GST ਦਰਾਂ ‘ਚ ਬਦਲਾਅ ਦਾ ਸੁਝਾਅ:
1500 ਰੁਪਏ ਤੱਕ ਦੇ ਕੱਪੜਿਆਂ ‘ਤੇ : 5% ਜੀ.ਐੱਸ.ਟੀ.
1500-10,000 ਰੁਪਏ ਦੇ ਕੱਪੜਿਆਂ ‘ਤੇ: 18% ਜੀ.ਐੱਸ.ਟੀ.
10,000 ਰੁਪਏ ਤੋਂ ਵੱਧ ਦੇ ਕੱਪੜਿਆਂ ‘ਤੇ: 28% ਜੀ.ਐੱਸ.ਟੀ.
ਮੰਤਰੀਆਂ ਦਾ ਸਮੂਹ ਕੁੱਲ 148 ਵਸਤੂਆਂ ‘ਤੇ ਟੈਕਸ ਦਰਾਂ ‘ਚ ਬਦਲਾਅ ਦਾ ਪ੍ਰਸਤਾਵ ਜੀਐੱਸਟੀ ਕੌਂਸਲ ਨੂੰ ਦੇਵੇਗਾ। ਇੱਕ ਅਧਿਕਾਰੀ ਨੇ ਕਿਹਾ, “ਇਸ ਕਦਮ ਦਾ ਸ਼ੁੱਧ ਮਾਲੀਆ ਪ੍ਰਭਾਵ ਸਕਾਰਾਤਮਕ ਹੋਵੇਗਾ।
ਇਨ੍ਹਾਂ ਉਤਪਾਦਾਂ ‘ਤੇ 35% ਟੈਕਸ ਲਗਾਉਣ ਲਈ ਸਹਿਮਤੀ
ਅਧਿਕਾਰੀ ਨੇ ਕਿਹਾ, ‘ਮੰਤਰੀਆਂ ਦੇ ਸਮੂਹ ਨੇ ਤੰਬਾਕੂ ਅਤੇ ਇਸ ਦੇ ਉਤਪਾਦਾਂ ਤੋਂ ਇਲਾਵਾ ਹਵਾਦਾਰ ਪੀਣ ਵਾਲੇ ਪਦਾਰਥਾਂ (ਕੋਲਡ ਡਰਿੰਕਸ) ‘ਤੇ 35 ਫੀਸਦੀ ਦੀ ਵਿਸ਼ੇਸ਼ ਦਰ ਲਗਾਉਣ ਲਈ ਸਹਿਮਤੀ ਦਿੱਤੀ ਹੈ।’ ਅਧਿਕਾਰੀ ਨੇ ਕਿਹਾ ਕਿ 5, 12, 18 ਅਤੇ 28 ਫੀਸਦੀ ਦੀ ਚਾਰ-ਪੱਧਰੀ ਟੈਕਸ ਸਲੈਬ ਜਾਰੀ ਰਹੇਗੀ। ਜੀਓਐਮ ਦੁਆਰਾ 35 ਪ੍ਰਤੀਸ਼ਤ ਦੀ ਨਵੀਂ ਦਰ ਦਾ ਪ੍ਰਸਤਾਵ ਕੀਤਾ ਗਿਆ ਹੈ।
ਬੀਮਾ ਪ੍ਰੀਮੀਅਮ ‘ਤੇ ਰਾਹਤ ਦੀ ਸੰਭਾਵਨਾ
ਸਿਹਤ ਅਤੇ ਜੀਵਨ ਬੀਮਾ ਪਾਲਿਸੀਆਂ ‘ਤੇ ਜੀਐਸਟੀ ਦਰਾਂ ਨੂੰ ਘਟਾਉਣ ਦੀ ਸੰਭਾਵਨਾ ‘ਤੇ ਵਿਚਾਰ ਕੀਤਾ ਜਾ ਰਿਹਾ ਹੈ।
ਵਿੱਤ ਮੰਤਰੀ ਨਿਰਮਲਾ ਸੀਤਾਰਮਨ ਨੇ ਕਿਹਾ ਕਿ ਮੰਤਰੀ ਸਮੂਹ ਇਸ ਬਾਰੇ ਰਿਪੋਰਟ ਤਿਆਰ ਕਰ ਰਿਹਾ ਹੈ।
ਜੀਐਸਟੀ ਕੌਂਸਲ ਦੀ ਮੀਟਿੰਗ
GST ਕੌਂਸਲ ਦੀ ਪ੍ਰਧਾਨਗੀ ਵਿੱਤ ਮੰਤਰੀ ਨਿਰਮਲਾ ਸੀਤਾਰਮਨ ਕਰਨਗੇ। ਮੀਟਿੰਗ ਵਿੱਚ ਮੰਤਰੀ ਸਮੂਹ ਦੀਆਂ ਸਿਫ਼ਾਰਸ਼ਾਂ ‘ਤੇ ਚਰਚਾ ਕੀਤੀ ਜਾਵੇਗੀ ਅਤੇ ਫੈਸਲਾ ਕੀਤਾ ਜਾਵੇਗਾ।
ਨੋਟ: ਪੰਜਾਬੀ ਦੀਆਂ ਖ਼ਬਰਾਂ ਪੜ੍ਹਨ ਲਈ ਤੁਸੀਂ ਸਾਡੀ ਐਪ ਨੂੰ ਡਾਊਨਲੋਡ ਕਰ ਸਕਦੇ ਹੋ। ਜੇ ਤੁਸੀਂ ਵੀਡੀਓ ਵੇਖਣਾ ਚਾਹੁੰਦੇ ਹੋ ਤਾਂ Global Punjab TV ਦੇ YouTube ਚੈਨਲ ਨੂੰ Subscribe ਕਰੋ। ਤੁਸੀਂ ਸਾਨੂੰ ਫੇਸਬੁੱਕ, ਟਵਿੱਟਰ ‘ਤੇ ਵੀ Follow ਕਰ ਸਕਦੇ ਹੋ। ਸਾਡੀ ਵੈੱਬਸਾਈਟ https://globalpunjabtv.com/ ‘ਤੇ ਜਾ ਕੇ ਵੀ ਹੋਰ ਖ਼ਬਰਾਂ ਨੂੰ ਪੜ੍ਹ ਸਕਦੇ ਹੋ।
