ਵਾਸ਼ਿੰਗਟਨ: ਅਮਰੀਕਾ ਦੀ ਪਹਿਲੀਂ ਮਹਿਲਾ ਵਿਦੇਸ਼ ਮੰਤਰੀ ਮੈਡਲਿਨ ਅਲਬ੍ਰਾਈਟ ਦਾ ਦੇਹਾਂਤ ਹੋ ਗਿਆ ਹੈ। ਇਸ ਸਬੰਧੀ ਜਾਣਕਾਰੀ ਦਿੰਦਿਆਂ ਅਲਬ੍ਰਾਈਟ ਦੇ ਪਰਿਵਾਰ ਨੇ ਦੱਸਿਆ ਕਿ ਉਹ ਲੰਬੇ ਸਮੇਂ ਤੋਂ ਕੈਂਸਰ ਨਾਲ ਪੀੜਤ ਸਨ। ਮੈਡੇਲਿਨ ਨੇ ਅਮਰੀਕਾ ਦੇ ਵਿਦੇਸ਼ ਮੰਤਰੀ ਵਜੋਂ 4 ਸਾਲ ਸੇਵਾ ਕੀਤੀ। ਇਸ ਤੋਂ ਇਲਾਵਾ ਅਲਬ੍ਰਾਈਟ ਸਯੁੰਕਤ ਰਾਸ਼ਟਰ ਵਿੱਚ ਅਮਰੀਕਾ ਦੇ ਰਾਜਦੂਤ ਰਹਿ ਚੁੱਕੇ ਸਨ।
ਰਾਸ਼ਟਰਪਤੀ ਬਿੱਲ ਕਲਿੰਟਨ ਨੇ 1996 ਵਿੱਚ ਮੈਡਲਿਨ ਅਲਬ੍ਰਾਈਟ ਨੂੰ ਅਮਰੀਕਾ ਦੀ ਚੋਟੀ ਦੇ ਡਿਪਲੋਮੈਟ ਚੁਣਿਆ ਅਤੇ ਉਨ੍ਹਾਂ ਨੇ ਕਲਿੰਟਨ ਪ੍ਰਸ਼ਾਸਨ ਦੇ ਅਖੀਰਲੇ 4 ਸਾਲਾਂ ਵਿੱਚ ਪੂਰੀ ਸਮਰਥਾ ਨਾਲ ਸੇਵਾ ਕੀਤੀ ।
ਅਲਬ੍ਰਾਈਟ ਉਸ ਸਮੇਂ ਅਮਰੀਕੀ ਸਰਕਾਰ ਦੇ ਇਤਿਹਾਸ ਵਿੱਚ ਸਭ ਤੋਂ ਉੱਚੇ ਦਰਜੇ ਦੀ ਔਰਤ ਸੀ। ਹਾਲਾਂਕਿ ਉਹ ਕਦੇ ਵੀ ਰਾਸ਼ਟਰਪਤੀ ਅਹੁਦੇ ਦੀ ਰੇਸ ਵਿੱਚ ਨਹੀ ਰਹੇ, ਕਿਉਂਕਿ ਉਹ ਚੈਕੋਸਲੋਵਾਕੀਆ ਦੀ ਮੂਲ ਨਿਵਾਸੀ ਸਨ ਤੇ ਉਹ ਪਰਾਗ ਵਿੱਚ ਪੈਦਾ ਹੋਏ ਸਨ।
ਮੈਡਲਿਨ ਅਲਬ੍ਰਾਈਟ ਦੇ ਪਰਿਵਾਰ ਨੇ ਟਵਿੱਟਰ ‘ਤੇ ਜਾਣਕਾਰੀ ਦਿੰਦੇ ਹੋਏ ਦੱਸਿਆ ਕਿ, ‘ਉਹ ਆਪਣੇ ਆਖਰੀ ਪਲਾਂ ਵਿੱਚ ਪਰਿਵਾਰ ਅਤੇ ਦੋਸਤਾਂ ਨਾਲ ਸੀ। ਅਸੀ ਇੱਕ ਪਿਆਰੀ ਮਾਂ,ਦਾਦੀ, ਭੈਣ ਅਤੇ ਦੋਸਤ ਨੂੰ ਖੋਹ ਦਿੱਤਾ। ਇਸ ਦਾ ਕਾਰਨ ਕੈੈਂਸਰ ਸੀ।’
2012 ਵਿੱਚ ਰਾਸ਼ਟਰਪਤੀ ਬਰਾਕ ਓਬਾਮਾ ਨੇ ਅਲਬ੍ਰਾਈਟ ਨੂੰ ਆਫ਼ ਫਰੀਡਮ ਦੇਸ਼ ਦੇ ਸਰਵਉੱਚ ਨਾਗਰਿਕ ਸਨਮਾਨ ਨਾਲ ਨਵਾਜਿਆ ਸੀ। ਓਬਾਮਾ ਨੇ ਕਿਹਾ ਸੀ ਕਿ ਮੈਡਲਿਨ ਦਾ ਜੀਵਨ ਅਮਰੀਕਾ ਲਈ ਪ੍ਰੇਰਣਾ ਹੈ।
Disclaimer: This article is provided for informational purposes only. The information should not be taken to represent the opinions, policy, or views of Global Punjab TV, nor any of its staff, employees, or affiliates.
