ਫਾਜ਼ਿਲਕਾ: ਅਬੋਹਰ ਦੀ ਰਹਿਣ ਵਾਲੀ ਦੀਕਸ਼ਾ ਵਿਜ ਜੋ ਯੂਕਰੇਨ `ਚ ਪੜਾਈ ਕਰਨ ਲਈ ਗਈ ਸੀ, ਉਸ ਦੀ ਵਤਨ ਵਾਪਸੀ ਹੋ ਗਈ ਹੈ। ਦੀਕਸ਼ਾ ਦੀ ਵਾਪਸੀ `ਤੇ ਪਰਿਵਾਰਕ ਮੈਂਬਰਾਂ ਅਤੇ ਸਥਾਨਕ ਵਿਧਾਇਕ ਅਰੁਣ ਨਾਰੰਗ ਨੇ ਉਨ੍ਹਾਂ ਦਾ ਸਵਾਗਤ ਕੀਤਾ। ਇਸ ਦੌਰਾਨ ਦੀਕਸ਼ਾ ਨੇ ਯੂਕਰੇਨ ਦੇ ਹਾਲਾਤਾਂ ਬਾਰੇ ਦੱਸਿਆ ਕਿ ਕਿੰਨੇ ਮੁਸ਼ਕਿਲ ਹਾਲਾਤਾਂ `ਚੋਂ ਗੁਜ਼ਰਦੇ ਹੋਏ ਉਹ ਭਾਰਤ ਪਰਤੇ ਹਨ।
ਇਸ ਮੌਕੇ ਦੀਕਸ਼ਾ ਨੇ ਦੱਸਿਆ ਕਿ ਜਿਵੇਂ ਹੀ ਮੈਸੇਜ ਆਇਆ ਕਿ ਤੁਸੀਂ ਖਾਰਕਿਵ ਨੂੰ ਖਾਲੀ ਕਰੋ ਤਾਂ ਉਨ੍ਹਾਂ ਨੂੰ ਕੁਝ ਪਤਾ ਨਹੀਂ ਲੱਗਾ, ਕਈ ਵਾਰ ਉਹ ਟਰੇਨ ਨਹੀਂ ਫੜ ਸਕੇ ਤਾਂ ਬਾਹਰ ਕਰਫਿਊ ਲੱਗ ਗਿਆ, ਅਜਿਹੇ `ਚ ਉਨ੍ਹਾਂ ਨੇ ਭਾਰਤ ਦਾ ਤਿਰੰਗਾ ਲਹਿਰਾਇਆ। ਰੁਮਾਲ ‘ਤੇ ਰੰਗ ਨਾਲ ਉਨ੍ਹਾਂ ਦਾ ਅਤੇ ਉਨ੍ਹਾਂ ਨੂੰ ਕਰਫਿਊ ਵਿੱਚ ਬਹੁਤ ਮਦਦ ਮਿਲੀ ਅਤੇ ਅੱਜ ਤਿਰੰਗੇ ਦੀ ਮਦਦ ਨਾਲ ਉਹ ਭਾਰਤ ਵਿੱਚ ਆਪਣੇ ਘਰ ਪਰਤਣ ਵਿੱਚ ਕਾਮਯਾਬ ਹੋਈ ਹੈ।
ਤੁਹਾਨੂੰ ਦੱਸ ਦਈਏ ਕਿ ਯੂਕਰੇਨ ਅਤੇ ਰੂਸ ਵਿਚਾਲੇ ਜਾਰੀ ਜੰਗ ਦੌਰਾਨ ਭਾਰਤ ਦੇ ਵੱਡੀ ਗਿਣਤੀ `ਚ ਵਿਦਿਆਰਥੀ ਯੂਕਰੇਨ `ਚ ਫਸ ਗਏ ਸਨ। ਜਿਨ੍ਹਾਂ ਨੂੰ ਵਾਪਸ ਭਾਰਤ ਲਿਆਉਣ ਲਈ ਕੇਂਦਰ ਸਰਕਾਰ ਲਗਾਤਾਰ ਕੋਸ਼ਿਸ਼ਾਂ ਕਰ ਰਹੀ ਹੈ ਅਤੇ ਬਹੁਤੇ ਵਿਦਿਆਰਥੀ ਵਾਪਸ ਵਤਨ ਪਰਤ ਚੁੱਕੇ ਹਨ।
Disclaimer: This article is provided for informational purposes only. The information should not be taken to represent the opinions, policy, or views of Global Punjab TV, nor any of its staff, employees, or affiliates.
