ਬੰਗਲੁਰੂ: ਕਰਨਾਟਕ ਵਿੱਚ ਕਾਂਗਰਸ ਵਰਕਰਾਂ ਨੇ ਸੋਮਵਾਰ ਨੂੰ ਰਾਜ ਵਿਧਾਨ ਸਭਾ ਦੇ ਸ਼ੁੱਧੀਕਰਨ ਦੀ ਰਸਮ ਅਦਾ ਕੀਤੀ। ਸੱਤਾਧਾਰੀ ਪਾਰਟੀ ਦੇ ਵਰਕਰਾਂ ਨੂੰ ਇੱਕ ਪੁਜਾਰੀ ਦੇ ਨਾਲ ਵਿਧਾਨ ਸਭਾ ਦੇ ਸਾਹਮਣੇ ਡੈਟਾਲ ਅਤੇ ਗਊ ਮੂਤਰ ਨਾਲ ਸ਼ੁੱਧੀਕਰਨ ਕਰਦੇ ਦੇਖਿਆ ਗਿਆ। ਨਵੀਂ ਵਿਧਾਨ ਸਭਾ ਦੇ ਤਿੰਨ ਦਿਨਾਂ ਸੈਸ਼ਨ ਦੀ ਸ਼ੁਰੂਆਤ ਤੋਂ ਪਹਿਲਾਂ ਕਾਂਗਰਸੀ ਵਰਕਰ ਰਸਮ ਦੇ ਹਿੱਸੇ ਵਜੋਂ ਗਊ ਮੂਤਰ ਛਿੜਕ ਰਹੇ ਸਨ।
ਅਸੈਂਬਲੀ ਦੇ ਚਾਰੇ ਪਾਸੇ ਗਊ ਮੂਤਰ ਦਾ ਛਿੜਕਾਅ ਕੀਤਾ ਗਿਆ
ਨਿਊਜ਼ ਏਜੰਸੀ ਵਲੋਂ ਟਵਿੱਟਰ ‘ਤੇ ਕਾਂਗਰਸ ਵਰਕਰਾਂ ‘ਤੇ ਵਿਧਾਨ ਸਭਾ ‘ਚ ਗਊ ਮੂਤਰ ਛਿੜਕ ਕੇ ਪੂਜਾ ਕਰਨ ਦਾ ਵੀਡੀਓ ਸਾਂਝ ਕੀਤੀ ਹੈ, ਜਿਸ ‘ਚ ਦੇਖਿਆ ਜਾ ਸਕਦਾ ਹੈ ਕਿ ਕਾਂਗਰਸੀ ਵਰਕਰ ਇੱਕ ਭਾਂਡੇ ‘ਚ ਗਊ ਮੂਤਰ ਲੈ ਕੇ ਵਿਧਾਨ ਸਭਾ ਦੇ ਚਾਰੇ ਪਾਸੇ ਇਸ ਦਾ ਛਿੜਕਾਅ ਕਰਦੇ ਜਾ ਰਹੇ ਹਨ।
ਤੁਹਾਨੂੰ ਦੱਸ ਦੇਈਏ ਕਿ ਭਾਜਪਾ ‘ਤੇ ਵਿਧਾਨ ਸਭਾ ਨੂੰ ਭ੍ਰਿਸ਼ਟਾਚਾਰ ਨਾਲ ਦੂਸ਼ਿਤ ਕਰਨ ਦਾ ਦੋਸ਼ ਲਗਾਉਂਦੇ ਹੋਏ ਕਾਂਗਰਸ ਪਾਰਟੀ ਨੇ ਸੱਤਾ ‘ਚ ਆਉਣ ਤੋਂ ਬਾਅਦ ਵਿਧਾਨ ਸਭਾ ਨੂੰ ਗਊ ਮੂਤਰ ਨਾਲ ਸਾਫ ਕਰਨ ਦਾ ਵਾਅਦਾ ਕੀਤਾ ਸੀ। ਹਾਲਾਂਕਿ ਇਸ ਪ੍ਰੋਗਰਾਮ ‘ਚ ਕਾਂਗਰਸ ਦਾ ਕੋਈ ਮੰਤਰੀ ਜਾਂ ਵਿਧਾਇਕ ਸ਼ਾਮਲ ਨਹੀਂ ਹੋਇਆ। ਕਰਨਾਟਕ ਪ੍ਰਦੇਸ਼ ਕਾਂਗਰਸ ਕਮੇਟੀ (ਕੇਪੀਸੀਸੀ) ਦੇ ਪ੍ਰਧਾਨ ਡੀਕੇ ਸ਼ਿਵਕੁਮਾਰ ਨੇ ਜਨਵਰੀ ਵਿੱਚ ਕਿਹਾ ਸੀ ਕਿ ਉਹ ਸੱਤਾ ਵਿੱਚ ਆਉਣ ਤੋਂ ਬਾਅਦ ਵਿਧਾਨ ਸਭਾ ਨੂੰ ਡੈਟੋਲ ਅਤੇ ਗਊ ਮੂਤਰ ਨਾਲ ਸਾਫ਼ ਕਰਨਗੇ।
Disclaimer: This article is provided for informational purposes only. The information should not be taken to represent the opinions, policy, or views of Global Punjab TV, nor any of its staff, employees, or affiliates.
