ਵਾਸ਼ਿੰਗਟਨ: ਨਵੇਂ ਚੁਣੇ ਗਏ ਰਾਸ਼ਟਰਪਤੀ ਜੋਅ ਬਾਇਨ ਅਤੇ ਉਪ-ਰਾਸ਼ਟਰਪਤੀ ਕਮਲਾ ਹੈਰਿਸ ਟਰੰਪ ਸਮਰਥਕਾਂ ਵੱਲੋਂ ਹਿੰਸਾ ਦੇ ਡਰ ਦੇ ਵਿਚਾਲੇ ਅੱਜ ਸਹੁੰ ਚੁੱਕਣਗੇ। ਉਨ੍ਹਾਂ ਦੀ ਤਾਜਪੋਸ਼ੀ ਸਖਤ ਸੁਰੱਖਿਆ ਪ੍ਰਬੰਧਾਂ ਹੇਠ ਹੋ ਰਹੀ ਹੈ। ਕਿਸੇ ਵੀ ਅਣਸੁਖਾਵੀਂ ਸਥਿਤੀ ਤੋਂ ਬਚਣ ਲਈ ਪੂਰਾ ਵਾਸ਼ਿੰਗਟਨ ਡੀ.ਸੀ. ਨੂੰ ਇੱਕ ਕਿਲ੍ਹੇ ‘ਚ ਤਬਦੀਲ ਕਰ ਦਿੱਤਾ ਗਿਆ ਹੈ। ਹਜ਼ਾਰਾਂ ਸੁਰੱਖਿਆ ਕਰਮਚਾਰੀ ਅਮਰੀਕੀ ਸੰਸਦ ਵੱਲ ਜਾਣ ਵਾਲੀਆਂ ਸੜਕਾਂ ਤੇ ਗਸ਼ਤ ਕਰ ਰਹੇ ਹਨ। ਚਿਹਰੇ ਨੂੰ ਢੱਕੇ ਹਥਿਆਰਬੰਦ ਸੁਰੱਖਿਆ ਕਰਮਚਾਰੀ ਵਾਹਨਾਂ ਦੀ ਜਾਂਚ ਕਰ ਰਹੇ ਹਨ ਤੇ ਟ੍ਰੈਫਿਕ ਦਾ ਰਸਤਾ ਵੀ ਦਿਖਾ ਰਹੇ ਹਨ।
ਦੱਸ ਦਈਏ ਅਮਰੀਕੀ ਸੰਸਦ ਭਵਨ, ਟਪੈਨਸਿਲਵੇਨੀਆ ਐਵੀਨਿਊ ਦੇ ਆਸ ਪਾਸ ਦਾ ਖੇਤਰ ਤੇ ਵ੍ਹਾਈਟ ਹਾਊਸ ਦੇ ਆਲੇ ਦੁਆਲੇ ਦਾ ਵੱਡਾ ਖੇਤਰ ਆਮ ਲੋਕਾਂ ਲਈ ਬੰਦ ਕਰ ਦਿੱਤਾ ਗਿਆ ਹੈ ਤੇ ਇਨ੍ਹਾਂ ਸਥਾਨਾਂ ‘ਤੇ ਅੱਠ ਫੁੱਟ ਉੱਚੇ ਬੈਰੀਕੇਡ ਲਗਾਏ ਗਏ ਹਨ। ਪੂਰਾ ਸ਼ਹਿਰ ਹਾਈ ਅਲਰਟ ‘ਤੇ ਹੈ।
ਇਸਤੋਂ ਇਲਾਵਾ ਸੰਯੁਕਤ ਰਾਜ ਮਾਰਸ਼ਲ ਸਰਵਿਸਿਜ਼ ਨੇ ਵਾਸ਼ਿੰਗਟਨ ਡੀ ਸੀ ‘ਚ ਚਾਰ ਹਜ਼ਾਰ ਅਫਸਰ ਤਾਇਨਾਤ ਕਰਨ ਦਾ ਫੈਸਲਾ ਕੀਤਾ ਹੈ। ਸਜਾਵਟ ਸਮਾਗਮ ਦੌਰਾਨ ਹਜ਼ਾਰਾਂ ਲੋਕ ਮੌਜੂਦ ਮਜੈਸਟਿਕ ਨੈਸ਼ਨਲ ਮਾਲ ਨੂੰ ਬੰਦ ਕਰ ਦਿੱਤਾ ਗਿਆ ਹੈ। ਜਿਸ ਕਰਕੇ ਆਮ ਲੋਕ ਸੱਤਾ ਦੇ ਤਬਾਦਲੇ ਦੇ ਗਵਾਹ ਨਹੀਂ ਬਣ ਸਕਣਗੇ। ਇਕ ਵੱਡੇ ਪਰਦੇ ‘ਤੇ ਪਿਛਲੀ ਸਹੁੰ ਚੁੱਕ ਸਮਾਰੋਹ ਨੂੰ ਵੇਖਣ ਲਈ ਲਗਭਗ ਇਕ ਲੱਖ ਲੋਕ ਨੈਸ਼ਨਲ ਮਾਲ ਵਿਖੇ ਇਕੱਠੇ ਹੋਏ ਸਨ।
