2 ਜੂਨ 2025 ਨੂੰ ਅਹਿਮਦਾਬਾਦ ਦੇ ਸਰਦਾਰ ਵੱਲਭਭਾਈ ਪਟੇਲ ਅੰਤਰਰਾਸ਼ਟਰੀ ਹਵਾਈ ਅੱਡੇ ਤੋਂ ਲੰਡਨ ਜਾ ਰਹੀ ਏਅਰ ਇੰਡੀਆ ਦੀ ਫਲਾਈਟ AI171, ਬੋਇੰਗ 787-8, ਉਡਾਣ ਭਰਨ ਦੇ ਕੁਝ ਮਿੰਟਾਂ ਬਾਅਦ ਹਾਦਸਾਗ੍ਰਸਤ ਹੋ ਗਈ। ਇਸ ਭਿਆਨਕ ਤਰਾਸਦੀ ਵਿੱਚ ਜਹਾਜ਼ ‘ਚ ਸਵਾਰ 241 ਯਾਤਰੀਆਂ ਅਤੇ ਚਾਲਕ ਦਲ ਦੇ ਮੈਂਬਰਾਂ ਦੀ ਮੌਤ ਹੋ ਗਈ। ਪਰ ਇਸ ਹਾਦਸੇ ‘ਚ ਇੱਕ ਜ਼ਿੰਦਗੀ ਇੱਕ ਅਜੀਬ ਚਮਤਕਾਰ ਨਾਲ ਬਚ ਗਈ। ਭੂਮੀ ਚੌਹਾਨ , ਜੋ ਆਪਣੇ ਪਤੀ ਨਾਲ ਲੰਡਨ ਵਿੱਚ ਰਹਿੰਦੀ ਹੈ ਅਤੇ ਛੁੱਟੀਆਂ ਮਨਾਉਣ ਲਈ ਭਾਰਤ ਆਈ ਸੀ, ਨੂੰ ਸਿਰਫ਼ 10 ਮਿੰਟ ਦੀ ਦੇਰੀ ਨੇ ਮੌਤ ਦੇ ਮੂੰਹ ਵਿੱਚੋਂ ਬਾਹਰ ਕੱਢਿਆ।
ਭੂਮੀ ਚੌਹਾਨ ਨੂੰ 12 ਜੂਨ ਨੂੰ ਦੁਪਹਿਰ 1:10 ਵਜੇ ਦੀ ਫਲਾਈਟ ਲਈ ਹਵਾਈ ਅੱਡੇ ‘ਤੇ ਪਹੁੰਚਣਾ ਸੀ। ਪਰ ਅਹਿਮਦਾਬਾਦ ਸ਼ਹਿਰ ਵਿੱਚ ਭਾਰੀ ਟਰੈਫਿਕ ਦੇ ਕਾਰਨ, ਉਹ ਸਮੇਂ ਸਿਰ ਨਹੀਂ ਪਹੁੰਚ ਸਕੀ। ਉਸ ਨੇ ਮੀਡੀਆ ਨੂੰ ਦੱਸਿਆ, “ਮੈਂ ਸੜਕ ‘ਤੇ ਟਰੈਫਿਕ ਵਿੱਚ ਫਸ ਗਈ ਸੀ। ਜਦੋਂ ਮੈਂ ਹਵਾਈ ਅੱਡੇ ‘ਤੇ ਪਹੁੰਚੀ, ਬੋਰਡਿੰਗ ਗੇਟ ਪਹਿਲਾਂ ਹੀ ਬੰਦ ਹੋ ਚੁੱਕਾ ਸੀ। ਮੈਨੂੰ ਬਹੁਤ ਅਫਸੋਸ ਹੋਇਆ ਕਿ ਮੇਰੀ ਫਲਾਈਟ ਖੁੱਸ ਗਈ। ਪਰ ਜਦੋਂ ਮੈਂ ਬਾਹਰ ਨਿਕਲੀ, ਤਾਂ ਮੋਬਾਈਲ ‘ਤੇ ਖਬਰ ਦੇਖੀ ਕਿ ਉਹੀ ਜਹਾਜ਼ ਉਡਾਣ ਤੋਂ ਪੰਜ ਮਿੰਟ ਬਾਅਦ ਕਰੈਸ਼ ਹੋ ਗਿਆ। ਮੈਂ ਸੁੰਨ ਹੋ ਗਈ।”
ਫਲਾਈਟ ਛੁੱਟਣ ਦਾ ਗਮ ਜਲਦੀ ਹੀ ਹੈਰਾਨੀ ਅਤੇ ਖੁਸ਼ਕਿਸਮਤੀ ਦੀ ਭਾਵਨਾ ਵਿੱਚ ਬਦਲ ਗਿਆ। ਭੂਮੀ ਨੇ ਭਾਵੁਕ ਹੁੰਦਿਆਂ ਕਿਹਾ, “ਮੇਰੇ ਗਣਪਤੀ ਬਾਪਾ ਨੇ ਮੈਨੂੰ ਬਚਾਇਆ। ਮੈਨੂੰ ਅਜੇ ਵੀ ਯਕੀਨ ਨਹੀਂ ਹੁੰਦਾ ਕਿ ਮੈਂ ਅੱਜ ਆਪਣੇ ਪਰਿਵਾਰ ਨਾਲ ਸੁਰੱਖਿਅਤ ਹਾਂ। ਇਹ ਸਭ ਰੱਬ ਦੀ ਮਿਹਰ ਹੈ।”
ਨੋਟ: ਪੰਜਾਬੀ ਦੀਆਂ ਖ਼ਬਰਾਂ ਪੜ੍ਹਨ ਲਈ ਤੁਸੀਂ ਸਾਡੀ ਐਪ ਨੂੰ ਡਾਊਨਲੋਡ ਕਰ ਸਕਦੇ ਹੋ। ਜੇ ਤੁਸੀਂ ਵੀਡੀਓ ਵੇਖਣਾ ਚਾਹੁੰਦੇ ਹੋ ਤਾਂ Global Punjab TV ਦੇ YouTube ਚੈਨਲ ਨੂੰ Subscribe ਕਰੋ। ਤੁਸੀਂ ਸਾਨੂੰ ਫੇਸਬੁੱਕ, ਟਵਿੱਟਰ ‘ਤੇ ਵੀ Follow ਕਰ ਸਕਦੇ ਹੋ। ਸਾਡੀ ਵੈੱਬਸਾਈਟ https://globalpunjabtv.com/ ‘ਤੇ ਜਾ ਕੇ ਵੀ ਹੋਰ ਖ਼ਬਰਾਂ ਨੂੰ ਪੜ੍ਹ ਸਕਦੇ ਹੋ।
