ਨਿਊਜ਼ ਡੈਸਕ: ਸਵੇਰੇ ਉੱਠਣ ਤੋਂ ਬਾਅਦ ਸਾਹ ‘ਚ ਬਦਬੂ ਆਉਣਾ ਆਮ ਗੱਲ ਹੈ ਕਿਉਂਕਿ ਇਹ ਰਾਤ ਭਰ ਮੂੰਹ ‘ਚ ਰਹਿਣ ਵਾਲੇ ਬੈਕਟੀਰੀਆ ਕਾਰਨ ਹੁੰਦਾ ਹੈ। ਆਮ ਤੌਰ ‘ਤੇ ਕੁਰਲੀ ਕਰਨ ਜਾਂ ਬੁਰਸ਼ ਕਰਨ ਤੋਂ ਬਾਅਦ ਇਹ ਠੀਕ ਹੋ ਜਾਂਦਾ ਹੈ, ਪਰ ਕਈ ਵਾਰ ਬੁਰਸ਼ ਕਰਨ ਤੋਂ ਬਾਅਦ ਵੀ, ਦਿਨ ਭਰ ਬਦਬੂ ਆਉਂਦੀ ਰਹਿੰਦੀ ਹੈ। ਡਾਕਟਰੀ ਭਾਸ਼ਾ ਵਿੱਚ ਇਸ ਨੂੰ ਹੈਲੀਟੋਸਿਸ ਕਿਹਾ ਜਾਂਦਾ ਹੈ ਅਤੇ ਇਹ ਬੱਚਿਆਂ ਵਿੱਚ ਜ਼ਿਆਦਾ ਹੁੰਦਾ ਹੈ। ਜੇਕਰ ਤੁਹਾਡੇ ਬੱਚੇ ਨਾਲ ਵੀ ਅਜਿਹਾ ਹੁੰਦਾ ਹੈ ਤਾਂ ਸਮਝ ਲੈਣਾ ਚਾਹੀਦਾ ਹੈ ਕਿ ਇਹ ਸਮੱਸਿਆ ਆਮ ਨਹੀਂ ਹੈ। ਮਾਹਿਰਾਂ ਦਾ ਕਹਿਣਾ ਹੈ ਕਿ ਸਾਹ ਦੀ ਬਦਬੂ ਦਾ ਕਾਰਨ ਮੂੰਹ ਦੀ ਸਫਾਈ ਮਤਲਬ ਕਿ ਓਰਲ ਹਾਈਜੀਨ ਨਾਲ ਸਬੰਧਤ ਹੈ।
ਪੀ.ਐੱਸ.ਆਰ.ਆਈ ਹਸਪਤਾਲ, ਨਵੀਂ ਦਿੱਲੀ ਦੇ ਸੀਨੀਅਰ ਕੰਸਲਟੈਂਟ ਅਤੇ ਬਾਲ ਰੋਗਾਂ ਦੀ ਮਾਹਿਰ ਡਾ: ਸਰਿਤਾ ਸ਼ਰਮਾ ਅਨੁਸਾਰ ਬੱਚਿਆਂ ਵਿੱਚ ਸਾਹ ਦੀ ਬਦਬੂ ਦਾ ਇੱਕ ਅਹਿਮ ਕਾਰਨ ਉਨ੍ਹਾਂ ਦੇ ਖਾਣ-ਪੀਣ ਦੀਆਂ ਆਦਤਾਂ ਵੀ ਹਨ। ਮੂੰਹ ਵਿੱਚੋਂ ਆਉਣ ਵਾਲੀ ਬਦਬੂ ਤੋਂ ਬਚਣ ਲਈ ਦੰਦਾਂ ਦੀ ਚੰਗੀ ਸਫਾਈ ਅਤੇ ਪਾਣੀ ਦਾ ਸੇਵਨ ਕਰਨਾ ਸਭ ਤੋਂ ਜ਼ਰੂਰੀ ਹੈ। ਅਕਸਰ ਦੇਖਿਆ ਜਾਂਦਾ ਹੈ ਕਿ ਬੱਚੇ ਜ਼ਿਆਦਾ ਪਾਣੀ ਨਹੀਂ ਪੀਂਦੇ। ਉਨ੍ਹਾਂ ਨੂੰ ਵਾਰ-ਵਾਰ ਪਾਣੀ ਪੀਣ ਲਈ ਕਹਿਣਾ ਪੈਂਦਾ ਹੈ। ਜ਼ਿਆਦਾਤਰ ਬੱਚੇ ਖਾਣਾ ਖਾਣ ਤੋਂ ਬਾਅਦ ਵੀ ਪਾਣੀ ਦੀ ਸਹੀ ਮਾਤਰਾ ਨਹੀਂ ਪੀਂਦੇ।
ਡਾਕਟਰ ਮੁਤਾਬਕ ਕਈ ਵਾਰ ਦੇਖਿਆ ਗਿਆ ਹੈ ਕਿ ਬੱਚੇ ਸਵੇਰੇ ਬੁਰਸ਼ ਕਰਦੇ ਹਨ ਪਰ ਰਾਤ ਨੂੰ ਬਿਨਾਂ ਬੁਰਸ਼ ਕੀਤੇ ਹੀ ਸੌਂ ਜਾਂਦੇ ਹਨ। ਜਦੋਂ ਕਿ ਇਹ ਸਭ ਤੋਂ ਮਹੱਤਵਪੂਰਨ ਹੈ। ਇਹ ਯਕੀਨੀ ਬਣਾਓ ਕਿ ਬੱਚੇ ਖਾਣਾ ਖਾਣ ਤੋਂ ਬਾਅਦ ਆਪਣੇ ਦੰਦ ਬੁਰਸ਼ ਕਰਨ। ਡਾ: ਸਰਿਤਾ ਅਨੁਸਾਰ ਕਿਹੜਾ ਟੂਥਪੇਸਟ ਕਰਨਾ ਹੈ, ਇਹ ਜ਼ਰੂਰੀ ਨਹੀਂ ਹੈ, ਖਾਣਾ ਖਾਣ ਤੋਂ ਬਾਅਦ ਬੱਚਿਆਂ ਨੂੰ ਬੁਰਸ਼ ਕਰਵਾਉਣਾ ਜ਼ਰੂਰੀ ਹੈ। ਤਾਂ ਜੋ ਭੋਜਨ ਦੇ ਕਣ ਜੋ ਖਾਣ ਤੋਂ ਬਾਅਦ ਦੰਦਾਂ ਵਿੱਚ ਫਸ ਜਾਂਦੇ ਹਨ, ਉਹ ਬਾਹਰ ਨਿਕਲ ਜਾਣ।
