ਗੁਰਦਾਸਪੁਰ: ਪੰਜਾਬ ਦੀ ਆਪ ਸਰਕਾਰ ਦੇ ਕੈਬਨਿਟ ਮੰਤਰੀ ਹਰਭਜਨ ਸਿੰਘ ਈਟੀਓ ਦੇ ਕਾਫਲੇ ਨਾਲ ਗੁਰਦਾਸਪੁਰ ਵਿੱਚ ਭਿਆਨਕ ਹਾਦਸਾ ਵਾਪਰ ਗਿਆ। ਉਨ੍ਹਾਂ ਦੀ ਪਾਇਲਟ ਗੱਡੀ ਨਾਲ ਇੱਕ ਹੋਰ ਗੱਡੀ ਦੀ ਟੱਕਰ ਹੋ ਗਈ, ਜੋ ਅਚਾਨਕ ਕਾਫਲੇ ਵਿੱਚ ਆ ਕੇ ਵੱਜੀ ਸੀ। ਇਸ ਟੱਕਰ ਨਾਲ ਦੋਵੇਂ ਗੱਡੀਆਂ ਬੁਰੀ ਤਰ੍ਹਾਂ ਨੁਕਸਾਨੀਆਂ ਗਈਆਂ ਅਤੇ ਚਾਰ ਗਨਮੈਨ ਤੇ ਡਰਾਈਵਰ ਗੰਭੀਰ ਜ਼ਖ਼ਮੀ ਹੋ ਗਏ। ਹਾਦਸਾ ਕਲਾਨੌਰ-ਗੁਰਦਾਸਪੁਰ ਰੋਡ ਤੇ ਅੱਡਾ ਨੜਾਵਾਲੀ ਨੇੜੇ ਵਾਪਰਿਆ। ਉਸ ਵੇਲੇ ਮੰਤਰੀ ਵੀ ਕਾਫਲੇ ਵਿੱਚ ਸਨ ਅਤੇ ਅਫਸਰਾਂ ਦੀ ਟੀਮ ਨਾਲ ਬਿਨਾਂ ਰੁਕੇ ਚੱਲ ਰਹੇ ਸਨ।
ਹਾਦਸੇ ਬਾਅਦ ਮੰਤਰੀ ਨੇ ਤੁਰੰਤ ਕਾਫਲਾ ਰੋਕਿਆ ਅਤੇ 108 ਐਂਬੂਲੈਂਸ ਨੂੰ ਕਾਲ ਕੀਤੀ। ਜ਼ਖ਼ਮੀ ਗਨਮੈਨਾਂ ਅਤੇ ਡਰਾਈਵਰ ਨੂੰ ਕਲਾਨੌਰ ਦੇ ਕਮਿਊਨਿਟੀ ਹੈਲਥ ਸੈਂਟਰ ਭੇਜ ਦਿੱਤਾ। ਡਾਕਟਰਾਂ ਅਨੁਸਾਰ ਚਾਰ ਵਿੱਚੋਂ ਤਿੰਨ ਗਨਮੈਨਾਂ ਦੇ ਸਿਰ ਗੰਭੀਰ ਸੱਟਾ ਲੱਗੀਆਂ ਹਨ। ਜ਼ਖ਼ਮੀਆਂ ਨੂੰ ਹਸਪਤਾਲ ਭੇਜਣ ਤੋਂ ਬਾਅਦ ਮੰਤਰੀ ਆਪਣੇ ਪ੍ਰੋਗਰਾਮ ਵੱਲ ਰਵਾਨਾ ਹੋ ਗਏ।
ਮੰਤਰੀ ਦੀਨਾਨਗਰ ਵਿੱਚ ਹੜ੍ਪੀਹ ੜਤਾਂ ਨੂੰ ਚੈੱਕ ਵੰਡਣ ਜਾ ਰਹੇ ਸਨ ਅਤੇ ਤਿੰਨ ਪ੍ਰੋਗਰਾਮ ਸਨ। ਪਹਿਲਾ ਪ੍ਰੋਗਰਾਮ ਖਤਮ ਕਰਕੇ ਕਲਾਨੌਰ ਜਾਂਦੇ ਵੇਲੇ ਗੱਡੀ ਅਚਾਨਕ ਹਾਦਸਾਗ੍ਰਸਤ ਹੋ ਗਈ। ਪਾਇਲਟ ਜੀਪ ਦਾ ਅਗਲਾ ਹਿੱਸਾ ਬੁਰੀ ਤਰ੍ਹਾਂ ਨੂੰ ਨੁਕਸਾਨਿਆ ਗਿਆ, ਡਰਾਈਵਰ ਦੀ ਸੀਟ ਦਬ ਗਈ। ਹਾਦਸੇ ਨਾਲ ਸੜਕ ਤੇ ਜਾਮ ਲੱਗ ਗਿਆ ਅਤੇ ਵੱਡੀ ਭੀੜ ਇਕੱਠੀ ਹੋ ਗਈ। ਮੰਤਰੀ ਅਤੇ ਟੀਮ ਨੇ ਜ਼ਖ਼ਮੀਆਂ ਨੂੰ ਐਂਬੂਲੈਂਸ ਵਿੱਚ ਬਿਠਾ ਕੇ ਹਸਪਤਾਲ ਭੇਜਿਆ।
ਨੋਟ: ਪੰਜਾਬੀ ਦੀਆਂ ਖ਼ਬਰਾਂ ਪੜ੍ਹਨ ਲਈ ਤੁਸੀਂ ਸਾਡੀ ਐਪ ਨੂੰ ਡਾਊਨਲੋਡ ਕਰ ਸਕਦੇ ਹੋ। ਜੇ ਤੁਸੀਂ ਵੀਡੀਓ ਵੇਖਣਾ ਚਾਹੁੰਦੇ ਹੋ ਤਾਂ Global Punjab TV ਦੇ YouTube ਚੈਨਲ ਨੂੰ Subscribe ਕਰੋ। ਤੁਸੀਂ ਸਾਨੂੰ ਫੇਸਬੁੱਕ, ਟਵਿੱਟਰ ‘ਤੇ ਵੀ Follow ਕਰ ਸਕਦੇ ਹੋ। ਸਾਡੀ ਵੈੱਬਸਾਈਟ https://globalpunjabtv.com/ ‘ਤੇ ਜਾ ਕੇ ਵੀ ਹੋਰ ਖ਼ਬਰਾਂ ਨੂੰ ਪੜ੍ਹ ਸਕਦੇ ਹੋ।
