ਮਾਸਕੋ : ਰੂਸ ਦੇ ਤਾਤਾਰਸਤਾਨ ‘ਚ ਐਤਵਾਰ ਨੂੰ ਇਕ ਜਹਾਜ਼ ਹਾਦਸਾਗ੍ਰਸਤ ਹੋ ਗਿਆ। ਇਸ ਹਾਦਸੇ ‘ਚ 16 ਲੋਕਾਂ ਦੀ ਮੌਤ ਹੋ ਗਈ ਹੈ ਜਦਕਿ 7 ਹੋਰ ਜ਼ਖ਼ਮੀ ਹੋ ਗਏ। ਜਹਾਜ਼ ਵਿੱਚ 23 ਲੋਕ ਸਵਾਰ ਸਨ, ਜਿਨ੍ਹਾਂ ਵਿੱਚ 21 ਪੈਰਾਸ਼ੂਟ ਗੋਤਾਖੋਰ ਵੀ ਸ਼ਾਮਲ ਸਨ।
ਚਸ਼ਮਦੀਦਾਂ ਨੇ ਦੱਸਿਆ ਕਿ ਜਹਾਜ਼ ਉਡਾਣ ਭਰਨ ਤੋਂ ਤੁਰੰਤ ਬਾਅਦ ਜ਼ਮੀਨ ‘ਤੇ ਡਿੱਗ ਗਿਆ। ਜਿਵੇਂ ਹੀ ਇਹ ਡਿੱਗਿਆ, ਜਹਾਜ਼ ਪੂਰੀ ਤਰ੍ਹਾਂ ਚਕਨਾਚੂਰ ਹੋ ਗਿਆ ਸੀ ਅਤੇ ਇਸ ਦੀ ਪੂਛ ਦਾ ਸਿਰਫ ਕੁਝ ਹਿੱਸਾ ਹੀ ਸਹੀ ਦਿਖਾਈ ਦੇ ਰਿਹਾ ਸੀ।
A Let L-410 Turbolet aircraft, owned by an aero club, has crashed in the city of Menzelinsk, Tatarstan, a source from emergency services has told TASS: https://t.co/1JkJWzfOGt pic.twitter.com/cVseahRzR2
— TASS (@tassagency_en) October 10, 2021
ਸਥਾਨਕ ਮੀਡੀਆ ਨੇ ਇਹ ਜਾਣਕਾਰੀ ਦਿੱਤੀ ਹੈ। ਐਮਰਜੈਂਸੀ ਸੇਵਾਵਾਂ ਨੇ ਸਪੁਤਨਿਕ ਨੂੰ ਦੱਸਿਆ ਕਿ ਸੱਤ ਜ਼ਖ਼ਮੀ ਹਸਪਤਾਲ ‘ਚ ਦਾਖ਼ਲ ਹਨ, ਬਾਕੀ 16 ਲੋਕਾਂ ਦੀ ਮੌਤ ਹੋ ਗਈ ਹੈ।
ਸਥਾਨਕ ਸਿਹਤ ਮੰਤਰਾਲੇ ਨੇ ਦੱਸਿਆ ਕਿ ਜ਼ਖ਼ਮੀ ਹੋਏ 7 ਲੋਕਾਂ ‘ਚੋਂ ਇਕ ਦੀ ਹਾਲਤ ਗੰਭੀਰ ਹੈ। ਰੂਸੀ ਮੀਡੀਆ ਰਿਪੋਰਟਸ ਮੁਤਾਬਕ ਇਹ ਐੱਲ-410 ਟਰਬੋਲੈੱਟ ਜਹਾਜ਼ ਸੀ, ਜਿਸ ਵਿਚ ਇਹ ਲੋਕ ਸਵਾਰ ਸਨ। ਇਹ ਛੋਟਾ ਜਹਾਜ਼ ਇੱਕ ਟਵਿਨ ਇੰਜਨ ਸ਼ਾਰਟ ਰੇਂਜ ਟਰਬੋ ਪ੍ਰੋਪ ਜਹਾਜ਼ ਸੀ।
