ਓਂਟਾਰੀਓ : ਕੈਲਗਰੀ ਤੋਂ 69 ਸਾਲਾ ਐਮ.ਪੀ. ਦੀਪਕ ਓਬਰਾਏ ਦਾ ਕੈਂਸਰ ਦੀ ਬੀਮਾਰੀ ਦੇ ਚਲਦਿਆਂ ਦਿਹਾਂਤ ਹੋ ਗਿਆ। ਕੁਝ ਹਫਤੇ ਪਹਿਲਾਂ ਹੀ ਦੀਪਕ ਓਬਰਾਏ ਨੂੰ ਚੌਥੀ ਸਟੇਜ ‘ਤੇ ਪਹੁੰਚ ਚੁੱਕੇ ਲੀਵਰ ਕੈਂਸਰ ਤੋਂ ਪੀੜਤ ਹੋਣ ਬਾਰੇ ਪਤਾ ਲੱਗਿਆ ਸੀ। ਦੀਪਕ ਓਬਰਾਏ ਨੇ ਸ਼ੁੱਕਰਵਾਰ ਰਾਤ ਆਪਣੇ ਪਰਿਵਾਰ ਦੀ ਮੌਜੂਦਗੀ ਵਿਚ ਆਖਰੀ ਸਾਹ ਲਏ। 1997 ਤੋਂ ਪਾਰਲੀਮੈਂਟ ਮੈਂਬਰ ਵਜੋਂ ਕੈਲਗਰੀ ਦੀ ਨੁਮਾਇੰਦਗੀ ਕਰ ਰਹੇ ਦੀਪਕ ਓਬਰਾਏ ਕੰਜ਼ਰਵੇਟਿਵ ਪਾਰਟੀ ਦੇ ਡੀਨ ਵੀ ਸਨ।
Please see below: pic.twitter.com/xKU2zBx8yv
— Hon Deepak Obhrai PC (@deepakobhrai) August 3, 2019
ਉਹ ਕੈਨੇਡਾ ਦੀ ਸੰਸਦ ‘ਚ ਸਭ ਤੋਂ ਲੰਬੇ ਸਮੇਂ ਤੱਕ ਸੇਵਾਵਾਂ ਨਿਭਾਉਣ ਵਾਲੇ ਇੰਡੋ-ਕੈਨੇਡੀਅਨ ਹੋਣ ਤੋਂ ਇਲਾਵਾ ਵਿਦੇਸ਼ ਮੰਤਰਾਲੇ ਦੇ ਪਾਰਲੀਮੈਂਟ ਸਕੱਤਰ ਵਜੋਂ ਸਭ ਤੋਂ ਲੰਮਾ ਸਮਾਂ ਸੇਵਾਵਾਂ ਨਿਭਾਉਣ ਵਾਲੇ ਆਗੂ ਵਜੋਂ ਵੀ ਜਾਣੇ ਜਾਣਗੇ। ਤਨਜ਼ਾਨੀਆ ਵਿਚ ਪੈਦਾ ਹੋਏ ਦੀਪਕ ਓਬਰਾਏ ਨੂੰ ਕੈਨੇਡਾ ਦੀ ਸੰਸਦ ਵਿਚ ਪਹਿਲੇ ਹਿੰਦੂ ਆਗੂ ਵਜੋਂ ਕਦਮ ਰੱਖਣ ਦਾ ਮਾਣ ਹਾਸਲ ਹੋਇਆ।
Our parliamentary family is mourning a great colleague and friend today. Deepak Obhrai dedicated himself to serving his constituents with utmost integrity, and we will miss him dearly. I send my deepest condolences to his wife Neena, his children, grandkids, and loved ones.
— Justin Trudeau (@JustinTrudeau) August 3, 2019
ਕੰਜ਼ਰਵੇਟਿਵ ਪਾਰਟੀ ਦੇ ਆਗੂ ਐਂਡਰਿਊ ਸ਼ੀਅਰ ਨੇ ਕਿਹਾ ਕਿ ਦੀਪਕ ਓਬਰਾਏ ਹਮੇਸ਼ਾ ਨਵੇਂ ਸਿਆਸਤਦਾਨਾਂ ਲਈ ਪ੍ਰੇਰਨਾ ਸਰੋਤ ਰਹੇ। ਪ੍ਰਧਾਨ ਮੰਤਰੀ ਜਸਟਿਨ ਟਰੂਡੋ ਨੇ ਦੀਪਕ ਓਬਰਾਏ ਦੇ ਦਿਹਾਂਤ ‘ਤੇ ਦੁੱਖ ਪ੍ਰਗਟਾਉਂਦਿਆਂ ਕਿਹਾ ਕਿ ਉਹ ਆਪਣੇ ਹਲਕੇ ਦੇ ਵੋਟਰਾਂ ਪ੍ਰਤੀ ਸਮਰਪਿਤ ਸਨ ਅਤੇ ਉਨ੍ਹਾਂ ਦਾ ਵਿਛੋੜਾ ਕਦੇ ਭੁਲਾਇਆ ਨਹੀਂ ਜਾ ਸਕਦਾ।
