ਅਮਰੀਕਾ ‘ਚ ਬੈਂਕਿੰਗ ਸਿਸਟਮ ਨੂੰ ਲੱਗਿਆ ਵੱਡਾ ਝਟਕਾ! ਬੈਂਕਿੰਗ ਸਿਸਟਮ ਠੱਪ!

raajan tiwari
4 Min Read

America News : ਸੋਚੋ, ਤੁਹਾਨੂੰ ਅਚਾਨਕ ਪੈਸਿਆਂ ਦੀ ਲੋੜ ਪੈ ਜਾਵੇ, ਤੁਸੀਂ ਆਪਣੇ ਬੈਂਕ ਦੀ ਮੋਬਾਈਲ ਐਪ ਖੋਲ੍ਹੋ, ਪਰ ਨਾ ਖਾਤਾ ਖੁੱਲ੍ਹੇ, ਨਾ ਬੈਲੇਂਸ ਦਿਖਾਈ ਦੇਵੇ ਅਤੇ ਨਾ ਹੀ ਕਿਸੇ ਨੂੰ ਪੈਸੇ ਟਰਾਂਸਫਰ ਹੋ ਸਕਣ…! ਕੁਝ ਅਜਿਹੀ ਹੀ ਸਥਿਤੀ ਦਾ ਸਾਹਮਣਾ ਅਮਰੀਕਾ ਵਿੱਚ ਹਜ਼ਾਰਾਂ ਬੈਂਕ ਗਾਹਕਾਂ ਨੂੰ ਕਰਨਾ ਪਿਆ, ਜਿੱਥੇ ਇੱਕ ਨਹੀਂ, ਸਗੋਂ ਕਈ ਵੱਡੇ ਬੈਂਕਾਂ ਦੀਆਂ ਆਨਲਾਈਨ ਸੇਵਾਵਾਂ ਵਿੱਚ ਵਿਘਨ ਪੈਣ ਦੀਆਂ ਸ਼ਿਕਾਇਤਾਂ ਸਾਹਮਣੇ ਆਈਆਂ ਹਨ। ਇਸ ਪੂਰੇ ਮਾਮਲੇ ਵਿੱਚ ਸਭ ਤੋਂ ਵੱਧ ਚਰਚਾ Chase Bank ਦੀ ਹੋ ਰਹੀ ਹੈ, ਜਦਕਿ JP Morgan, Bank of America, Wells Fargo ਅਤੇ US Bank ਦੇ ਗਾਹਕਾਂ ਨੇ ਵੀ ਬੈਂਕਿੰਗ ਸੇਵਾਵਾਂ ਪ੍ਰਭਾਵਿਤ ਹੋਣ ਦੀਆਂ ਸ਼ਿਕਾਇਤਾਂ ਕੀਤੀਆਂ ਹਨ।

ਇਹ ਵੀ ਪੜ੍ਹੌ : ਸੋਨੀਆ ਗਾਂਧੀ ਦੇ ਸਮਾਗਮ ‘ਚ ਪਹੁੰਚੇ ਕੈਪਟਨ! ਕੈਪਟਨ ਦੀ ਭਾਜਪਾ ਨਾਲ ਦੂਰੀ ਜਾਂ ਪੁਰਾਣੇ ਰਿਸ਼ਤਿਆਂ ਦੀ ਝਲਕ?

ਦਰਅਸਲ, ਗਾਹਕਾਂ ਨੇ ਦੱਸਿਆ ਕਿ ਉਹ ਆਪਣੇ ਬੈਂਕ ਖਾਤਿਆਂ ਵਿੱਚ ਲੌਗਇਨ ਨਹੀਂ ਕਰ ਪਾ ਰਹੇ ਸਨ। ਕਈਆਂ ਨੂੰ ਆਪਣੇ ਖਾਤੇ ਦਾ ਬੈਲੇਂਸ ਚੈੱਕ ਕਰਨ ਵਿੱਚ ਦਿੱਕਤ ਆਈ, ਜਦਕਿ ਕੁਝ ਗਾਹਕ ਟਰਾਂਜ਼ੈਕਸ਼ਨ ਹਿਸਟਰੀ ਦੇਖਣ ਅਤੇ ਪੈਸੇ ਟਰਾਂਸਫਰ ਕਰਨ ਵਿੱਚ ਵੀ ਅਸਮਰੱਥ ਰਹੇ। ਯਾਨੀ ਜਿਨ੍ਹਾਂ ਲੋਕਾਂ ਦਾ ਰੋਜ਼ਾਨਾ ਦਾ ਲੈਣ-ਦੇਣ ਮੋਬਾਈਲ ਬੈਂਕਿੰਗ ‘ਤੇ ਨਿਰਭਰ ਹੈ, ਉਨ੍ਹਾਂ ਲਈ ਇਹ ਸਮੱਸਿਆ ਕਾਫ਼ੀ ਪਰੇਸ਼ਾਨੀ ਵਾਲੀ ਰਹੀ। ਇਸ ਦੌਰਾਨ Chase Bank ਨੇ ਵੀ ਆਨਲਾਈਨ ਬੈਂਕਿੰਗ ਵਿੱਚ ਸਮੱਸਿਆ ਆਉਣ ਦੀ ਪੁਸ਼ਟੀ ਕੀਤੀ ਹੈ। ਬੈਂਕ ਵੱਲੋਂ ਇੱਕ ਗਾਹਕ ਨੂੰ ਦਿੱਤੇ ਜਵਾਬ ਵਿੱਚ ਕਿਹਾ ਗਿਆ ਕਿ ਤਕਨੀਕੀ ਸਮੱਸਿਆ ਨੂੰ ਦੂਰ ਕਰਨ ਲਈ ਕੰਮ ਕੀਤਾ ਜਾ ਰਿਹਾ ਹੈ। ਨਾਲ ਹੀ ਗਾਹਕਾਂ ਨੂੰ ਕੁਝ ਸਮੇਂ ਬਾਅਦ ਮੁੜ ਕੋਸ਼ਿਸ਼ ਕਰਨ ਦੀ ਸਲਾਹ ਦਿੱਤੀ ਗਈ। ਆਨਲਾਈਨ ਸੇਵਾਵਾਂ ‘ਤੇ ਨਜ਼ਰ ਰੱਖਣ ਵਾਲੀ ਵੈੱਬਸਾਈਟ DownDetector ਦੇ ਅੰਕੜਿਆਂ ਮੁਤਾਬਕ ਸੋਮਵਾਰ ਸਵੇਰੇ Chase Bank ਨੂੰ ਲੈ ਕੇ ਸ਼ਿਕਾਇਤਾਂ ਵਿੱਚ ਅਚਾਨਕ ਤੇਜ਼ੀ ਨਾਲ ਵਾਧਾ ਹੋਇਆ।

ਇਹ ਵੀ ਪੜ੍ਹੌ : ਅੰਮ੍ਰਿਤਪਾਲ ਸਿੰਘ ਦੀ ਪਟੀਸ਼ਨ ‘ਤੇ ਵੱਡੀ ਅਪਡੇਟ! ਅੰਮ੍ਰਿਤਸਰ ਕੋਰਟ ਨੇ ਪੰਜਾਬ ਸਰਕਾਰ ਨੂੰ ਜਾਰੀ ਕੀਤਾ ਨੋਟਿਸ!

ਸਵੇਰੇ 10 ਵਜੇ ਤੋਂ ਕੁਝ ਸਮੇਂ ਬਾਅਦ ਹੀ 3,400 ਤੋਂ ਵੱਧ ਸ਼ਿਕਾਇਤਾਂ ਦਰਜ ਕੀਤੀਆਂ ਗਈਆਂ। ਇਸ ਤੋਂ ਇਲਾਵਾ Bank of America ਅਤੇ Wells Fargo ਦੇ ਗਾਹਕਾਂ ਵੱਲੋਂ ਵੀ ਇਸੇ ਤਰ੍ਹਾਂ ਦੀਆਂ ਮੁਸ਼ਕਲਾਂ ਦੀ ਜਾਣਕਾਰੀ ਦਿੱਤੀ ਗਈ। ਹਾਲਾਂਕਿ ਇਨ੍ਹਾਂ ਸਾਰੇ ਬੈਂਕਾਂ ਵਿੱਚ ਸਮੱਸਿਆ ਦੀ ਅਸਲ ਹੱਦ ਕਿੰਨੀ ਸੀ ਅਤੇ ਕੁੱਲ ਕਿੰਨੇ ਗਾਹਕ ਪ੍ਰਭਾਵਿਤ ਹੋਏ, ਇਸ ਬਾਰੇ ਅਜੇ ਤੱਕ ਸਪੱਸ਼ਟ ਅੰਕੜੇ ਸਾਹਮਣੇ ਨਹੀਂ ਆਏ। ਸਭ ਤੋਂ ਵੱਡਾ ਸਵਾਲ ਇਹ ਹੈ ਕਿ ਆਖ਼ਰ ਅਮਰੀਕਾ ਦੇ ਇਨ੍ਹਾਂ ਵੱਡੇ ਬੈਂਕਾਂ ਦੀਆਂ ਸੇਵਾਵਾਂ ਇੱਕੋ ਸਮੇਂ ਕਿਉਂ ਪ੍ਰਭਾਵਿਤ ਹੋਈਆਂ? ਕੀ ਇਸ ਪਿੱਛੇ ਕੋਈ ਤਕਨੀਕੀ ਖ਼ਰਾਬੀ ਸੀ ਜਾਂ ਫਿਰ ਕਿਸੇ ਹੋਰ ਸਿਸਟਮ ਦੀ ਸਮੱਸਿਆ? ਫਿਲਹਾਲ ਇਸ ਦਾ ਅਸਲ ਕਾਰਨ ਸਪੱਸ਼ਟ ਨਹੀਂ ਹੋਇਆ ਹੈ। ਗਾਹਕ ਹੁਣ ਬੈਂਕਾਂ ਵੱਲੋਂ ਅਧਿਕਾਰਤ ਜਾਣਕਾਰੀ ਅਤੇ ਸੇਵਾਵਾਂ ਪੂਰੀ ਤਰ੍ਹਾਂ ਬਹਾਲ ਹੋਣ ਦੀ ਉਡੀਕ ਕਰ ਰਹੇ ਹਨ। ਤੁਸੀਂ ਦੱਸੋ, ਜੇਕਰ ਅਚਾਨਕ ਤੁਹਾਡੇ ਬੈਂਕ ਦੀ ਆਨਲਾਈਨ ਸੇਵਾ ਬੰਦ ਹੋ ਜਾਵੇ ਤਾਂ ਤੁਹਾਨੂੰ ਕਿੰਨੀ ਪਰੇਸ਼ਾਨੀ ਹੋ ਸਕਦੀ ਹੈ? ਆਪਣੀ ਰਾਏ ਕੁਮੈਂਟ ਕਰਕੇ ਜ਼ਰੂਰ ਦਿਓ।

Share This Article
1 Comment