ਨਿਊਜ਼ ਡੈਸਕ: ਅੰਤਰਰਾਸ਼ਟਰੀ ਮੁੱਕੇਬਾਜ਼ ਅਤੇ ਅਰਜੁਨ ਐਵਾਰਡੀ ਸਵੀਟੀ ਬੂਰਾ ਦਾ ਕਬੱਡੀ ਖਿਡਾਰੀ ਦੀਪਕ ਹੁੱਡਾ ਨਾਲ ਸਹਿਮਤੀ ਨਾਲ ਤਲਾਕ ਹੋ ਗਿਆ ਹੈ। ਹਿਸਾਰ ਦੇ ਸੈਕਟਰ 1-4 ਦੀ ਰਹਿਣ ਵਾਲੀ ਸਵੀਟੀ ਬੂਰਾ ਦਾ ਵਿਆਹ 2022 ‘ਚ ਰੋਹਤਕ ਨਿਵਾਸੀ ਦੀਪਕ ਹੁੱਡਾ ਨਾਲ ਹੋਇਆ ਸੀ ਪਰ ਸਾਲ 2025 ‘ਚ ਦੋਹਾਂ ਦੇ ਰਿਸ਼ਤੇ ‘ਚ ਖਟਾਸ ਆ ਗਈ ਹੈ।
ਮਾਮਲਾ ਲੜਾਈ-ਝਗੜੇ ਤੱਕ ਪਹੁੰਚ ਗਿਆ ਹੈ। ਦੋਵਾਂ ਨੇ ਇਕ-ਦੂਜੇ ‘ਤੇ ਕੁੱਟਮਾਰ ਅਤੇ ਤਸ਼ੱਦਦ ਦੇ ਦੋਸ਼ ਲਾਏ ਹਨ। ਜਦੋਂ ਪੁਲਿਸ ਨੇ ਦੋਵਾਂ ਧਿਰਾਂ ਨੂੰ ਸਮਝੌਤਾ ਕਰਵਾਉਣ ਲਈ ਮਹਿਲਾ ਥਾਣੇ ਵਿੱਚ ਬੁਲਾਇਆ ਤਾਂ ਉੱਥੇ ਵੀ ਲੜਾਈ ਹੋ ਗਈ। ਇਸ ਤੋਂ ਬਾਅਦ ਸਵੀਟੀ ਬੂਰਾ ਨੇ 2025 ‘ਚ ਤਲਾਕ ਦਾ ਕੇਸ ਦਾਇਰ ਕੀਤਾ ਸੀ।ਫੈਮਿਲੀ ਕੋਰਟ ਨੇ ਦੋਵਾਂ ਧਿਰਾਂ ਦੀ ਸਹਿਮਤੀ ਤੋਂ ਬਾਅਦ ਤਲਾਕ ਮਨਜ਼ੂਰ ਕਰ ਦਿੱਤਾ ਹੈ।
