ਵਾਸ਼ਿੰਗਟਨ: ਅਮਰੀਕੀ ਰਾਸ਼ਟਰਪਤੀ ਡੋਨਲਡ ਟਰੰਪ ਨੇ ਮੰਗਲਵਾਰ ਨੂੰ ਅਰਜ਼ਨਟੀਨਾ ਨੂੰ ਸਪੱਸ਼ਟ ਚੇਤਾਵਨੀ ਦਿੱਤੀ ਕਿ ਜੇਕਰ ਆਉਣ ਵਾਲੀ ਚੋਣਾਂ ਤੋਂ ਬਾਅਦ ਉਸ ਦੀ ਅੰਦਰੂਨੀ ਰਾਜਨੀਤੀ ਅਮਰੀਕਾ ਦੇ ਹਿੱਤਾਂ ਨਾਲ ਨਾ ਮਿਲੀ ਤਾਂ ਵਿੱਤੀ ਸਹਾਇਤਾ ਬੰਦ ਕਰ ਦਿੱਤੀ ਜਾਵੇਗੀ। ਟਰੰਪ ਨੇ ਵ੍ਹਾਈਟ ਹਾਊਸ ਵਿੱਚ ਅਰਜ਼ਨਟੀਨਾ ਦੇ ਰਾਸ਼ਟਰਪਤੀ ਜੇਵੀਅਰ ਮਾਈਲੀ ਨਾਲ ਮੀਟਿੰਗ ਦੌਰਾਨ ਇਹ ਗੱਲ ਕਹੀ। ਮਾਈਲੀ ਦੀਆਂ ਨੀਤੀਆਂ ਅਮਰੀਕੀ ਰਿਪਬਲਿਕਨ ਪਾਰਟੀ ਨਾਲ ਮੇਲ ਖਾਂਦੀਆਂ ਹਨ। ਅਰਜ਼ਨਟੀਨਾ ਵਿੱਚ ਇਸ ਮਹੀਨੇ ਅੰਤ ਵਿੱਚ ਚੋਣਾਂ ਹੋਣੀਆਂ ਹਨ।
ਟਰੰਪ ਨੇ ਮਾਈਲੀ ਦੇ ਬਾਮਪੰਥੀ ਵਿਰੋਧੀ ਦਾ ਜ਼ਿਕਰ ਕਰਦੇ ਹੋਏ ਕਿਹਾ ਕਿ ਉਸ ਦੀ ਵਿਚਾਰਧਾਰਾ ਨੇ ਅਰਜ਼ਨਟੀਨਾ ਨੂੰ ਮੁਸੀਬਤ ਵਿੱਚ ਧੱਕ ਦਿੱਤਾ ਹੈ। ਉਨ੍ਹਾਂ ਨੇ ਕਿਹਾ ਕਿ ਅਰਜ਼ਨਟੀਨਾ ਉਨ੍ਹਾਂ ਵੱਲੋਂ ਵੇਖੇ ਸੁੰਦਰ ਦੇਸ਼ਾਂ ਵਿੱਚੋਂ ਇੱਕ ਹੈ ਅਤੇ ਅਸੀਂ ਚਾਹੁੰਦੇ ਹਾਂ ਕਿ ਇਹ ਕਾਮਯਾਬ ਹੋਵੇ। ਆਰਥਿਕ ਵਿਗਿਆਨੀ ਮਾਈਲੀ ਨੂੰ ਟਰੰਪ ਨੇ “ਪੂਰੀ ਤਰ੍ਹਾਂ MAGA” ਕਿਹਾ, ਜੋ ਉਨ੍ਹਾਂ ਦੇ ਨਾਅਰੇ “ਮੇਕ ਅਮਰੀਕਾ ਗ੍ਰੇਟ ਅਗੇਨ” ਨੂੰ ਦਰਸਾਉਂਦਾ ਹੈ ਪਰ ਇਸ ਵਾਰ “ਮੇਕ ਅਰਜ਼ਨਟੀਨਾ ਗ੍ਰੇਟ ਅਗੇਨ” ਵੀ।
ਅਮਰੀਕੀ ਰਾਸ਼ਟਰਪਤੀ ਆਮ ਤੌਰ ਤੇ ਹੋਰ ਦੇਸ਼ਾਂ ਦੀਆਂ ਚੋਣਾਂ ਵਿੱਚ ਦਖਲ ਨਹੀਂ ਕਰਦੇ, ਪਰ ਟਰੰਪ ਨੇ ਕਿਹਾ ਕਿ ਜੇ ਮਾਈਲੀ ਹਾਰ ਗਏ ਤਾਂ ਅਮਰੀਕਾ ਬਿਊਨਸ ਆਇਰਸ ਨਾਲ ਉਦਾਰਤਾ ਨਹੀਂ ਦਿਖਾਵੇਗਾ ਅਤੇ ਸਮਾਂ ਬਰਬਾਦ ਨਹੀਂ ਕਰੇਗਾ। ਮਾਈਲੀ ਨੇ ਜਵਾਬ ਵਿੱਚ ਕਿਹਾ ਕਿ ਅਸੀਂ ਸ਼ਾਂਤੀਪੂਰਨ ਰਾਹ ਚੁਣ ਸਕਦੇ ਹਾਂ ਅਤੇ ਅਰਜ਼ਨਟੀਨਾ ਨੂੰ ਖੁਸ਼ਹਾਲੀ ਦਾ ਉਦਾਹਰਣ ਬਣਾ ਸਕਦੇ ਹਾਂ।
ਅਮਰੀਕੀ ਵਿੱਤ ਮੰਤਰੀ ਸਕਾਟ ਬੈਸੈਂਟ ਨੇ ਕਿਹਾ ਕਿ ਟਰੰਪ ਪ੍ਰਸ਼ਾਸਨ ਨੂੰ ਵਿਸ਼ਵਾਸ ਹੈ ਕਿ ਮੱਧ ਅਵਧੀ ਚੋਣਾਂ ਵਿੱਚ ਮਾਈਲੀ ਦਾ ਗਠਜੋੜ ਜਿੱਤੇਗਾ ਅਤੇ ਸੁਧਾਰ ਐਜੰਡਾ ਜਾਰੀ ਰੱਖੇਗਾ। ਟਰੰਪ-ਮਾਈਲੀ ਮੀਟਿੰਗ ਨੇ ਅਰਜ਼ਨਟੀਨਾ ਵਿੱਚ ਸਿਆਸੀ ਅਖਾੜਾ ਭਖਾ ਦਿੱਤਾ ਹੈ। ਵਿਰੋਧੀ ਅਤੇ ਦੋ ਵਾਰ ਰਾਸ਼ਟਰਪਤੀ ਰਹੀ ਕ੍ਰਿਸਟੀਨਾ ਫਰਨਾਂਡਿਜ਼ ਡੀ ਕਿਰਚਨਰ ਨੇ ਸੋਸ਼ਲ ਮੀਡੀਆ ਤੇ ਲਿਖਿਆ, “ਅਰਜ਼ਨਟੀਨਾ ਦੇ ਲੋਕੋ…ਤੁਸੀਂ ਜਾਣਦੇ ਹੋ ਕੀ ਕਰਨਾ ਹੈ!” ਉਹ ਭ੍ਰਿਸ਼ਟਾਚਾਰ ਦੇ ਦੋਸ਼ਾਂ ਵਿੱਚ ਘਰ ਵਿੱਚ ਨਜ਼ਰਬੰਦ ਹੋ ਕੇ 6 ਸਾਲ ਦੀ ਸਜ਼ਾ ਕੱਟ ਰਹੀ ਹੈ।
ਨੋਟ: ਪੰਜਾਬੀ ਦੀਆਂ ਖ਼ਬਰਾਂ ਪੜ੍ਹਨ ਲਈ ਤੁਸੀਂ ਸਾਡੀ ਐਪ ਨੂੰ ਡਾਊਨਲੋਡ ਕਰ ਸਕਦੇ ਹੋ। ਜੇ ਤੁਸੀਂ ਵੀਡੀਓ ਵੇਖਣਾ ਚਾਹੁੰਦੇ ਹੋ ਤਾਂ Global Punjab TV ਦੇ YouTube ਚੈਨਲ ਨੂੰ Subscribe ਕਰੋ। ਤੁਸੀਂ ਸਾਨੂੰ ਫੇਸਬੁੱਕ, ਟਵਿੱਟਰ ‘ਤੇ ਵੀ Follow ਕਰ ਸਕਦੇ ਹੋ। ਸਾਡੀ ਵੈੱਬਸਾਈਟ https://globalpunjabtv.com/ ‘ਤੇ ਜਾ ਕੇ ਵੀ ਹੋਰ ਖ਼ਬਰਾਂ ਨੂੰ ਪੜ੍ਹ ਸਕਦੇ ਹੋ।
