ਆਸਟ੍ਰੇਲੀਆ ‘ਚ ਕਰਨਾਲ ਦੇ ਨੌਜਵਾਨ ਦੀ ਸਮੁੰਦਰ ‘ਚ ਡੁੱਬਣ ਕਾਰਨ ਹੋਈ ਮੌਤ

ਨਿਊਜ਼ ਡੈਸਕ: ਆਪਣੇ ਚੰਗੇ ਭੱਵਿਖ ਲਈ ਨੌਜਵਾਨ ਪੀੜੀ ਵਿਦੇਸ਼ਾਂ ਦਾ ਰੁੱਖ ਕਰ ਰਹੀ ਹੈ। ਹਰਿਆਣਾ ਦੇ ਕਰਨਾਲ ਦੇ ਇੱਕ ਨੌਜਵਾਨ ਦੀ ਆਸਟ੍ਰੇਲੀਆ ਵਿੱਚ ਮੌਤ ਹੋ ਗਈ। ਮ੍ਰਿਤਕ ਦੀ ਪਹਿਚਾਣ ਸਾਹਿਲ ਵਜੋਂ ਹੋਈ ਹੈ।ਜੋ ਆਪਣੇ ਦੋਸਤਾਂ ਨਾਲ 12 ਜਨਵਰੀ ਨੂੰ ਵਿਕਟੋਰੀਆ ਬੀਚ ‘ਤੇ ਸਮੁੰਦਰ ‘ਚ ਨਹਾਉਣ ਗਿਆ ਸੀ। ਉੱਥੇ ਉਸ ਦੀ ਐਨਕ ਪਾਣੀ ਵਿੱਚ ਡਿੱਗ ਗਈ। ਜਿਵੇਂ ਹੀ ਉਹ ਐਨਕ ਚੁੱਕਣ ਲਈ ਹੇਠਾਂ ਝੁਕਿਆ ਤਾਂ ਪਾਣੀ ਦੀਆਂ ਤੇਜ਼ ਲਹਿਰਾਂ ਉਸ ਨੂੰ ਸਮੁੰਦਰ ਦੀਆਂ ਡੂੰਘਾਈਆਂ ਵਿੱਚ ਖਿੱਚ ਲੈ ਗਈਆਂ। ਉਸ ਨੂੰ ਬਚਾਉਣ ਲਈ ਦੋਸਤ ਵੀ ਗਏ ਪਰ ਉਨ੍ਹਾਂ ਦਾ ਕੋਈ ਸੁਰਾਗ ਨਹੀਂ ਮਿਲਿਆ।

ਇਸ ਤੋਂ ਬਾਅਦ ਦੋ ਆਸਟ੍ਰੇਲੀਅਨ ਨੌਜਵਾਨ ਸਮੁੰਦਰ ਦੀ ਡੂੰਘਾਈ ਵਿੱਚ ਸਾਹਿਲ ਨੂੰ ਲੱਭਣ ਲਈ ਨਿਕਲੇ ਪਰ ਉਹ ਵੀ ਉਸ ਨੂੰ ਨਹੀਂ ਲੱਭ ਸਕੇ। ਪੁਲਿਸ ਨੇ ਹੈਲੀਕਾਪਟਰ ਰਾਹੀਂ ਬਚਾਅ ਕਾਰਜ ਕੀਤਾ। ਇਸ ਤੋਂ ਬਾਅਦ ਵੀ ਧੁੰਦ ਅਤੇ ਹਨੇਰੇ ਕਾਰਨ ਸਾਹਿਲ ਦਾ ਪਤਾ ਨਹੀਂ ਲੱਗ ਸਕਿਆ। ਸਾਹਿਲ ਦੀ ਲਾਸ਼ ਰਾਤ 9 ਵਜੇ ਪਾਣੀ ਨਾਲ ਰੁੜ੍ਹ ਕੇ ਸਮੁੰਦਰ ਦੇ ਦੂਜੇ ਸਿਰੇ ‘ਤੇ ਚਲੀ ਗਈ। ਪੁਲਿਸ ਨੇ ਉਸ ਨੂੰ ਬਰਾਮਦ ਕਰ ਲਿਆ ਅਤੇ ਸਾਹਿਲ ਦੇ ਦੋਸਤਾਂ ਤੋਂ ਉਸ ਦੀ ਪਛਾਣ ਕਰਵਾਈ। ਮਿਲੀ ਜਾਣਕਾਰੀ ਅਨੁਸਾਰ ਸਾਹਿਲ ਦਾ ਵਿਆਹ 2020 ਵਿੱਚ ਅੰਨੂ ਨਾਲ ਹੋਇਆ ਸੀ। ਦੋਵੇਂ ਮੈਲਬੌਰਨ ਵਿੱਚ ਇਕੱਠੇ ਰਹਿੰਦੇ ਸਨ।