ਨਵੀਂ ਦਿੱਲੀ: ਦੁਨੀਆ ਭਰ ਦੇ ਆਗੂਆਂ ‘ਚ ਪ੍ਰਸਿੱਧੀ ਦੇ ਮਾਮਲੇ ‘ਚ ਭਾਰਤ ਦੇ ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਹਾਲੇ ਵੀ ਚੋਟੀ ‘ਤੇ ਹਨ। ਅਮਰੀਕੀ ਫੋਰਮ ਮਾਰਨਿੰਗ ਕੰਸਲਟ ਵਲੋਂ 22 ਦੇਸ਼ਾਂ ‘ਚ ਕਰਵਾਏ ਗਏ ਸਰਵੇਖਣ ਮੁਤਾਬਕ ਦੁਨੀਆ ਦੇ ਮਸ਼ਹੂਰ ਆਗੂਆਂ ‘ਚ ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ 76 ਫੀਸਦੀ ਅਪਰੂਵਲ ਰੇਟਿੰਗ ਦੇ ਨਾਲ ਸਿਖਰ ‘ਤੇ ਹਨ ਅਤੇ ਸਰਵੇ ‘ਚ ਸਿਰਫ 19 ਫੀਸਦੀ ਲੋਕਾਂ ਨੇ ਉਨ੍ਹਾਂ ਨੂੰ ਮਨਜ਼ੂਰੀ ਨਹੀਂ ਦਿੱਤੀ, ਅਤੇ ਇਹ ਅੰਕੜਾ ਵੀ ਸਰਵੇਖਣ ਦੇ ਸਾਰੇ ਨੇਤਾਵਾਂ ‘ਚੋਂ ਸਭ ਤੋਂ ਘੱਟ ਹੈ।
ਮਾਰਨਿੰਗ ਕੰਸਲਟ ਵਲੋਂ ਜਾਰੀ ਗਲੋਬਲ ਲੀਡਰ ਅਪਰੂਵਲ ਰੇਟਿੰਗ ਦੇ ਅਨੁਸਾਰ, ਯੂਐਸ ਦੇ ਰਾਸ਼ਟਰਪਤੀ ਜੋਅ ਬਾਇਡਨ ਅਤੇ ਯੂਨਾਈਟਿਡ ਕਿੰਗਡਮ, ਯਾਨੀ ਯੂਕੇ ਦੇ ਪ੍ਰਧਾਨ ਮੰਤਰੀ ਰਿਸ਼ੀ ਸੁਨਕ ਵੀ ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਦੇ ਮੁਕਾਬਲੇ ਆਪਣੇ-ਆਪਣੇ ਦੇਸ਼ਾਂ ਵਿੱਚ ਬਹੁਤ ਪਿੱਛੇ ਹਨ। ਅਸਲ ਵਿੱਚ, ਮਾਰਨਿੰਗ ਕੰਸਲਟ ਨੇ ਦੁਨੀਆ ਭਰ ਦੇ 22 ਦੇਸ਼ਾਂ ਵਿੱਚ ਇੱਕ ਹਫ਼ਤੇ ਦਾਡੇਟਾ ਇਕੱਠਾ ਕਰਨ ਤੋਂ ਬਾਅਦ ਆਪਣੀ ਔਸਤ ਜਾਰੀ ਕੀਤੀ ਹੈ।
ਮਹੱਤਵਪੂਰਨ ਗੱਲ ਇਹ ਹੈ ਕਿ ਭਾਰਤੀ ਪ੍ਰਧਾਨ ਮੰਤਰੀ ਤੋਂ ਬਾਅਦ ਸਵਿਟਜ਼ਰਲੈਂਡ ਦੇ ਰਾਸ਼ਟਰਪਤੀ ਐਲੇਨ ਬਰਸੇਟ ਇਸ ਸੂਚੀ ਵਿੱਚ ਦੂਜੇ ਸਥਾਨ ‘ਤੇ ਮੌਜੂਦ ਹਨ, ਪਰ ਅਪਰੂਵਲ ਦੇ ਮਾਮਲੇ ਵਿੱਚ ਉਹ ਪੀਐਮ ਮੋਦੀ ਤੋਂ ਕਾਫੀ ਪਿੱਛੇ ਹਨ। ਐਲਨ ਨੂੰ ਪ੍ਰਧਾਨ ਮੰਤਰੀ ਮੋਦੀ ਦੀ 76 ਫੀਸਦ ਰੇਟਿੰਗ ਦੇ ਮੁਕਾਬਲੇ 60 ਫੀਸਦ ਲੋਕਾਂ ਵਲੋਂ ਮਨਜ਼ੂਰੀ ਦਿੱਤੀ ਗਈ ਹੈ ਅਤੇ ਉਸਦੇ ਦੇਸ਼ ਵਿੱਚ 28 ਪ੍ਰਤੀਸ਼ਤ ਲੋਕਾਂ ਵਲੋਂ ਨਾਮਨਜ਼ੂਰ ਕੀਤੀ ਗਈ ਹੈ। ਤੀਜੇ ਨੰਬਰ ‘ਤੇ ਮੈਕਸੀਕੋ ਦੇ ਰਾਸ਼ਟਰਪਤੀ ਆਂਦਰੇਸ ਮੈਨੁਅਲ ਲੋਪੇਜ਼ ਓਬਰਾਡੋਰ ਹਨ, ਜਿਨ੍ਹਾਂ ਨੂੰ ਮੈਕਸੀਕਨਾਂ ਦੇ 59 ਫੀਸਦੀ ਲੋਕਾਂ ਨੇ ਮਨਜ਼ੂਰੀ ਦਿੱਤੀ ਅਤੇ 36 ਫੀਸਦੀ ਨਾਗਰਿਕਾਂ ਨੇ ਨਾਮਨਜ਼ੂਰ ਕੀਤਾ।
Global Leader Approval: *Among all adults
Modi: 76%
López Obrador: 59%
Albanese: 54%
Meloni: 52%
Lula da Silva: 51%
Biden: 40%
Sánchez: 40%
Trudeau: 40%
Scholz: 32%
Sunak: 31%
Macron: 26%
*Updated 06/22/23https://t.co/Qxc6HbLPz4 pic.twitter.com/vtJK6t5jnG
— Morning Consult (@MorningConsult) June 22, 2023
Disclaimer: This article is provided for informational purposes only. The information should not be taken to represent the opinions, policy, or views of Global Punjab TV, nor any of its staff, employees, or affiliates.
