ਨਿਊਜ਼ ਡੈਸਕ: ਡੇਰਾ ਸੱਚਾ ਸੌਦਾ ਮੁਖੀ ਰਾਮ ਰਹੀਮ ਦੀ ਮੂੰਹ ਬੋਲੀ ਧੀ ਹਨੀਪ੍ਰੀਤ ਦੇ ਇੰਸਟਾਗ੍ਰਾਮ ‘ਤੇ 10 ਲੱਖ ਫਾਲੋਅਰਜ਼ ਹੋ ਗਏ ਹਨ। ਇਸ ਖੁਸ਼ੀ ‘ਚ ਦੋਵਾਂ ਨੇ ਇੱਕ ਦੂਜੇ ਦਾ ਹੱਥ ਫੜ ਕੇ ਕੇਕ ਕੱਟਿਆ। ਰਾਮ ਰਹੀਮ ਨੇ ਹਨੀਪ੍ਰੀਤ ਨੂੰ ਕੇਕ ਖਵਾਇਆ ਅਤੇ ਉਸ ਦੇ ਸਿਰ ‘ਤੇ ਹੱਥ ਰੱਖ ਕੇ ਆਸ਼ੀਰਵਾਦ ਲਿਆ।
ਸਮਾਗਮ ‘ਚ ਹਨੀਪ੍ਰੀਤ ਨੇ ਕਿਹਾ, ‘ਮੈਂ ਤੁਹਾਡਾ ਧੰਨਵਾਦ ਕਿਵੇਂ ਕਰਾਂ, ਮੇਰੇ ਕੋਲ ਸ਼ਬਦ ਨਹੀਂ ਹਨ। ਜ਼ਿੰਦਗੀ ਐਨੀ ਸੋਹਣੀ ਨਾਂ ਹੁੰਦੀ ਜੇ ਪਿਤਾ ਜੀ ਨਾਂ ਮਿਲੇ ਹੁੰਦੇ। ਪਾਪਾ ਸਾਨੂੰ ਇਸ ਤਰ੍ਹਾਂ ਤੁਹਾਡੀਆਂ ਸਿੱਖਿਆਵਾਂ ‘ਤੇ ਚੱਲਦੇ ਰਹਿਣ ਦਿਓ। ਮੈਨੂੰ ਤੁਹਾਡੀ ਮਿਹਰ ‘ਤੇ ਮਾਣ ਹੁੰਦਾ ਹੈ, ਜਦੋਂ ਲੋਕ ਮੈਨੂੰ ਤੇਰੀ ਧੀ ਕਹਿੰਦੇ ਹਨ।’
ਦੱਸਣਯੋਗ ਹੈ ਕਿ ਪਿਛਲੀ ਪੈਰੋਲ ਦੌਰਾਨ ਰਾਮ ਰਹੀਮ ਨੇ ਹਨੀਪ੍ਰੀਤ ਦਾ ਨਾਮ ਰੁਹਾਦੀ ਯਾਨੀ ਰੂਹ ਦੀਦੀ ਰੱਖਿਆ ਸੀ। ਹਨੀਪ੍ਰੀਤ ਡੇਰਾ ਮੁਖੀ ਰਾਮ ਰਹੀਮ ਦੀ ਮੁੱਖ ਚੇਲੀ ਹੋਣ ਤੋਂ ਇਲਾਵਾ ਉਨ੍ਹਾਂ ਦੀ ਧਾਰਮਿਕ ਧੀ ਵੀ ਰਹਿ ਚੁੱਕੀ ਹੈ। ਰਾਮ ਰਹੀਮ ਨੇ ਆਪਣੇ ਪਰਿਵਾਰ ਪਹਿਚਾਣ ਪੱਤਰ (ਪੀ.ਪੀ.ਪੀ.) ਵਿੱਚ ਹਨੀਪ੍ਰੀਤ ਨੂੰ ਆਪਣੀ ਮੁੱਖ ਚੇਲੀ ਕਰਾਰ ਦਿੱਤਾ ਹੈ। ਇਸ ਦਸਤਾਵੇਜ਼ ਵਿੱਚ ਉਸ ਦੇ ਪਰਿਵਾਰ ਦੇ ਕਿਸੇ ਮੈਂਬਰ ਦਾ ਨਾਮ ਨਹੀਂ ਹੈ। ਹਨੀਪ੍ਰੀਤ ਡੇਰਾ ਸੱਚਾ ਸੌਦਾ ਮੈਨੇਜਮੈਂਟ ਦੀ ਚੇਅਰਪਰਸਨ ਅਤੇ ਵਾਈਸ ਸਰਪ੍ਰਸਤ ਵੀ ਹੈ।
View this post on Instagram
Disclaimer: This article is provided for informational purposes only. The information should not be taken to represent the opinions, policy, or views of Global Punjab TV, nor any of its staff, employees, or affiliates.
