ਲੰਦਨ: ਯੂਕੇ ‘ਚ ਲੰਬੇ ਸਮੇਂ ਤੋਂ ਲਾਪਤਾ ਭਾਰਤੀ ਮੂਲ ਦੇ 58 ਸਾਲਾ ਵਿਅਕਤੀ ਦੀ ਲਾਸ਼ ਬਰਾਮਦ ਹੋਈ ਹੈ। ਚਾਰ ਬੱਚਿਆਂ ਦੇ ਪਿਤਾ ਹਰਜਿੰਦਰ ਹੈਰੀ ਤੱਖੜ ਪਿਛਲੇ ਸਾਲ ਅਕਤੂਬਰ ਮਹੀਨੇ ‘ਚ ਲਾਪਤਾ ਹੋ ਗਏ ਸਨ ਤੇ ਹੁਣ ਇੰਗਲੈਂਡ ਦੇ ਵੈਸਟ ਮਿਡਲੈਂਡਸ ਖੇਤਰ ਦੇ ਇੱਕ ਸੁੰਨਸਾਲ ਜੰਗਲੀ ਖੇਤਰ ‘ਚੋਂ ਉਨ੍ਹਾਂ ਦੀ ਲਾਸ਼ ਮਿਲੀ ਹੈ।
ਪੁਲਿਸ ਨੇ ਇਸ ਸਬੰਧੀ ਜਾਣਕਾਰੀ ਦਿੰਦੇ ਦੱਸਿਆ ਕਿ ਟੇਲਫੋਰਡ ‘ਚੋਂ ਮਿਲੀ ਇੱਕ ਲਾਸ਼ ਦੀ ਪਛਾਣ ਹਰਜਿੰਦਰ ਤੱਖੜ ਦੀ ਵਜੋਂ ਹੋਈ ਹੈ ਤੇ ਹਰਜਿੰਦਰ ਦੇ ਪਰਿਵਾਰ ਨੂੰ ਇਸ ਬਾਰੇ ਸੂਚਿਤ ਕਰ ਦਿੱਤਾ ਗਿਆ ਅਤੇ ਅਜਿਹਾ ਨਹੀਂ ਲਗਦਾ ਕਿ ਉਸ ਦੀ ਮੌਤ ਕਿਸੇ ਸ਼ੱਕੀ ਹਾਲਾਤ ਵਿੱਚ ਹੋਈ ਹੈ, ਬਾਕੀ ਜਾਂਚ ਕੀਤੀ ਜਾ ਰਹੀ ਹੈ, ਜਿਸ ਵਿੱਚ ਸਾਰਾ ਖੁਲਾਸਾ ਹੋ ਜਾਵੇਗਾ।
UPDATE | A body found in Bridgnorth Road in #Telford earlier this week is believed to be missing man Harjinder ‘Harry’ Takhar.
The discovery was made in an isolated woodland area off Bridgnorth Road in Telford around midday on Monday 23 Jan.
Read more- https://t.co/g5XUl2CG0o pic.twitter.com/gKE1d4OMOK
— West Mercia Police (@WMerciaPolice) January 25, 2023
ਜਾਂਚ ਦੀ ਅਗਵਾਈ ਕਰ ਰਹੇ ਡਿਟੈਕਟਿਵ ਇੰਸਪੈਕਟਰ ਜੋਅ ਵਾਈਟ ਹੈੱਡ ਨੇ ਹਰਜਿੰਦਰ ਤੱਖੜ ਦੇ ਕੇਸ ਵਿੱਚ ਪੁਲਿਸ ਦੀ ਮਦਦ ਕਰਨ ਵਾਲੇ ਲੋਕਾਂ ਧੰਨਵਾਦ ਕੀਤਾ ਹੈ। ਵੈਸਟ ਮਰਸੀਆ ਪੁਲਿਸ ਇਸ ਤੋਂ ਪਹਿਲਾਂ ਕਈ ਮਹੀਨੇ ਤੋਂ ਤੱਖੜ ਦੀ ਭਾਲ ਲਈ ਲੋਕਾਂ ਕੋਲੋਂ ਮਦਦ ਦੀ ਮੰਗ ਕਰਦੀ ਆ ਰਹੀ ਸੀ। ਪੂਰੀ ਮੁਸ਼ਤੈਦੀ ਦੇ ਨਾਲ ਤੱਖੜ ਦੀ ਭਾਲ ਕੀਤੀ ਗਈ ਸੀ, ਪਰ ਹੁਣ ਸਿਰਫ਼ ਉਨ੍ਹਾਂ ਦੀ ਲਾਸ਼ ਹੀ ਬਰਾਮਦ ਹੋਈ ਹੈ। ਦੱਸਣਯੋਗ ਹੈ ਕਿ ਹੈਰੀ ਦੀ ਭਾਲ ਲਈ ਫੇਸਬੁੱਕ ‘ਤੇ ਹੈਸ਼ਟੈਗ ‘#ਹੈਲਪਹੈਰੀਹੋਮ’ ਦੀ ਵਰਤੋਂ ਕਰਕੇ ਮੁਹਿੰਮ ਵੀ ਚਲਾਈ ਗਈ ਸੀ।
The family of Harjinder ‘Harry’ Takhar have today (Monday 30 January) released the following tribute to him and have created a JustGiving page in his memory: https://t.co/HThfkG1avb:
Read the full tribute here ➡️ https://t.co/7VcKYBvQb7 pic.twitter.com/paUQ7HPjFU
— West Mercia Police (@WMerciaPolice) January 30, 2023
ਤੱਖੜ ਦੀ ਪਤਨੀ ਨੇ ਮੀਡੀਆ ਨੂੰ ਦੱਸਿਆ ਕਿ ਉਹ ਇੱਕ ਬਹੁਤ ਹੀ ਖੁਸ਼ਮਿਜ਼ਾਜ ਵਿਅਕਤੀ ਸੀ, ਜੋ ਹਮੇਸ਼ਾ ਊਰਜਾ ਨਾਲ ਭਰਪੂਰ ਰਹਿੰਦੇ ਸਨ ਤੇ ਦੂਜਿਆਂ ਨੂੰ ਵੀ ਖੁਸ਼ ਰੱਖਣ ਦਾ ਯਤਨ ਕਰਦੇ ੳਨ ਉਹ ਪਿਛਲੇ ਸਾਲ ਅਕਤੂਬਰ ਮਹੀਨੇ ਵਿੱਚ ਸ਼੍ਰੋਪਸ਼ਾਇਰ ਵਿੱਚ ਟੇਲਫੋਰਡ ਦੇ ਸਟਰਿਚਲੇ ਪੁਲ ਖੇਤਰ ਵਿੱਚ ਲਾਪਤਾ ਹੋ ਗਏ ਸੀ, ਜਿਸ ਤੋਂ ਬਾਅਦ ਉਨ੍ਹਾਂ ਬਾਰੇ ਕੁਝ ਪਤਾ ਨਹੀਂ ਲੱਗਿਆ।
