ਲੁਧਿਆਣਾ: ਖੰਨਾ ਦੇ ਮਿਲਟਰੀ ਗਰਾਊਂਡ ‘ਚ ਬੰਬ ਮਿਲਣ ਦੀ ਖ਼ਬਰ ਸਾਹਮਣੇ ਆਈ ਹੈ। ਜਾਣਕਾਰੀ ਮੁਤਾਬਕ ਇਹ ਮਿਜ਼ਾਇਲ ਵਰਗੀ ਧਮਾਕਾਖੇਜ ਸਮੱਗਰੀ ਹੈ। ਬੰਬ ਦੀ ਜਾਣਕਾਰੀ ਮਿਲਣ ਤੋਂ ਬਾਅਦ ਪੁਲਿਸ ਨੇ ਇਲਾਕਾ ਸੀਲ ਕਰ ਦਿੱਤਾ ਹੈ। ਪੁਲਿਸ ਨੇ ਜਾਣਕਾਰੀ ਦਿੱਤੀ ਹੈ ਕਿ ਜਿਸ ਥਾਂ ਉਪਰ ਬੰਬ ਮਿਲਿਆ ਉਸਦੇ ਨਾਲ ਹੀ ਸਬਜ਼ੀ ਮੰਡੀ ਅਤੇ ਰਿਹਾਇਸ਼ੀ ਇਲਾਕਾ ਹੈ। ਬੰਬ ਨਿਰੋਧਕ ਦਸਤੇ ਨੇ ਬੰਬ ਨੂੰ ਕਬਜ਼ੇ ਚ ਲੈਕੇ ਅਗਲੀ ਕਾਰਵਾਈ ਸ਼ੁਰੂ ਕੀਤੀ।
ਬੰਬ ਦੇਖਣ ਵਾਲੇ ਬਜ਼ੁਰਗ ਨੇ ਜਾਣਕਾਰੀ ਦਿੰਦੇ ਦੱਸਿਆ ਜਦੋਂ ਉਹ ਸਵੇਰੇ ਗਰਾਊਂਡ ‘ਚ ਗਿਆ ਤਾਂ ਉਸ ਨੇ ਦੇਖਿਆ ਕਿ ਕੰਧ ਨਾਲ ਬੰਬ ਪਿਆ ਸੀ। ਜਿਸ ਬਾਰੇ ਉਸ ਨੇ ਤੁਰੰਤ ਸਥਾਨਕ ਲੋਕਾਂ ਤੇ ਪੁਲਿਸ ਨੂੰ ਜਾਣਕਾਰੀ ਦਿੱਤੀ।
ਮੌਕੇ ਤੇ ਪੁੱਜੇ ਡੀਐਸਪੀ ਹਰਪਾਲ ਸਿੰਘ ਨੇ ਕਿਹਾ ਕਿ ਗਰਾਊਂਡ ਚ ਜਿੰਦਾ ਬੰਬ ਮਿਲਿਆ। ਜਿਸਨੂੰ ਨਸ਼ਟ ਕਰਨ ਲਈ ਲੁਧਿਆਣਾ ਤੋਂ ਟੀਮ ਬੁਲਾਈ ਗਈ ਜੋਕਿ ਇਸ ਬੰਬ ਨੂੰ ਲੈਕੇ ਢੁਕਵੀਂ ਥਾਂ ਉਪਰ ਜਾ ਰਹੀ ਹੈ। ਡੀਐਸਪੀ ਨੇ ਕਿਹਾ ਕਿ ਲਗਦਾ ਹੈ ਕਿ ਇਹ ਬੰਬ ਸਕਰੈਪ ‘ਚੋਂ ਇੱਥੇ ਆਇਆ।
ਉੱਥੇ ਹੀ ਇਸ ਦੌਰਾਨ ਬੰਬ ਨਿਰੋਧਕ ਦਸਤੇ ਦੀ ਵੱਡੀ ਲਾਪਰਵਾਹੀ ਸਾਹਮਣੇ ਆਈ। ਇਹ ਦਸਤਾ ਬਿਨ੍ਹਾਂ ਸੇਫਟੀ ਤੋਂ ਬੰਬ ਨੂੰ ਇਸ ਤਰ੍ਹਾਂ ਚੁੱਕ ਕੇ ਲੈਕੇ ਗਿਆ ਜਿਵੇਂ ਕੋਈ ਖਿਡੌਣਾ ਹੋਵੇ, ਜਦਕਿ ਇਹ ਜ਼ਿੰਦਾ ਬੰਬ ਸੀ। ਦਸਤੇ ਚ ਸ਼ਾਮਲ ਮੁਲਾਜ਼ਮ ਇਸਦਾ ਜਵਾਬ ਦੇਣ ਤੋਂ ਭੱਜਦੇ ਨਜ਼ਰ ਆਏ।
Disclaimer: This article is provided for informational purposes only. The information should not be taken to represent the opinions, policy, or views of Global Punjab TV, nor any of its staff, employees, or affiliates.
