ਮਲਕਾਨਗਿਰੀ: ਮਾਓਵਾਦੀਆਂ ਖਿਲਾਫ ਕੀਤੀ ਜਾ ਕਾਰਵਾਈ ਦਰਮਿਆਨ ਉਨ੍ਹਾਂ ਦਾ ਸਾਥ ਦੇਣ ਵਾਲੇ 900 ਤੋਂ ਵੱਧ ਸਰਗਰਮ ਮਿਲਸ਼ੀਆ, ਨੇ ਮੰਗਲਵਾਰ ਨੂੰ ਇੱਥੇ ਓਡੀਸ਼ਾ ਪੁਲਿਸ ਅਤੇ ਸੀਮਾ ਸੁਰੱਖਿਆ ਬਲ (ਬੀਐਸਐਫ) ਅੱਗੇ ਆਤਮ ਸਮਰਪਣ ਕਰ ਦਿੱਤਾ। ਜਿਸ ਦੀ ਜਾਣਕਾਰੀ ਪੁਲਿਸ ਵਲੋਂ ਸਾਂਝੀ ਕੀਤੀ ਗਈ ਹੈ। ਮਲਕਾਨਗਿਰੀ ਦੇ ਐਸਪੀ ਨਿਤੇਸ਼ ਵਾਧਵਾਨੀ ਨੇ ਕਿਹਾ ਕਿ ਕੁੱਲ 907 ਲੋਕਾਂ ਨੇ ਆਤਮ ਸਮਰਪਣ ਕੀਤਾ ਹੈ, ਜਿਨ੍ਹਾਂ ਵਿੱਚ 467 ਸਰਗਰਮ ਮਿਲਿਸ਼ੀਆ ਦੇ ਜਵਾਨ ਵੀ ਸ਼ਾਮਲ ਹਨ।
ਉਨ੍ਹਾਂ ਦੱਸਿਆ ਕਿ ਇਹ ਲੋਕ ਮਾਓਵਾਦੀਆਂ ਨੂੰ ਉਨ੍ਹਾਂ ਦੀਆਂ ਹਿੰਸਕ ਗਤੀਵਿਧੀਆਂ ਵਿੱਚ ਮਦਦ ਕਰਦੇ ਸਨ ਅਤੇ ਸੁਰੱਖਿਆ ਬਲਾਂ ਅਤੇ ਆਮ ਨਾਗਰਿਕਾਂ ਨੂੰ ਮਾਰਨ ਤੋਂ ਇਲਾਵਾ ਉਨ੍ਹਾਂ ਨੂੰ ਹਰ ਤਰ੍ਹਾਂ ਦਾ ਸਾਮਾਨ ਸਪਲਾਈ ਕਰਦੇ ਸਨ।
