ਨਿਊਜ਼ ਡੈਸਕ: ਕਪਿਲ ਸ਼ਰਮਾ ਆਪਣੇ ਕਾਮੇਡੀ ਸ਼ੋਅ ਦੇ ਤੀਜੇ ਸੀਜ਼ਨ ਨਾਲ ਵਾਪਸੀ ਕਰ ਰਹੇ ਹਨ। ਇਹ 10 ਸਤੰਬਰ ਤੋਂ ਪ੍ਰਸਾਰਿਤ ਹੋਣ ਜਾ ਰਿਹਾ ਹੈ। ਨਵੇਂ ਪ੍ਰੋਮੋ ‘ਚ ਪਹਿਲੇ ਕੁਝ ਐਪੀਸੋਡਸ ਦੀ ਝਲਕ ਦੇਖਣ ਨੂੰ ਮਿਲੀ ਹੈ। ਇਨ੍ਹਾਂ ‘ਚੋਂ ਇਕ ‘ਚ ਅਕਸ਼ੈ ਕੁਮਾਰ ਆਪਣੀਆਂ ਫਲਾਪ ਫਿਲਮਾਂ ਲਈ ਕਪਿਲ ‘ਤੇ ਦੋਸ਼ ਲਗਾਉਂਦੇ ਨਜ਼ਰ ਆਉਣਗੇ। ਪ੍ਰੋਮੋ ‘ਚ ਅਕਸ਼ੈ ਇਹ ਕਹਿੰਦੇ ਹੋਏ ਨਜ਼ਰ ਆ ਰਹੇ ਹਨ ਕਿ ਉਹ ਜੋ ਵੀ ਕਰਦੇ ਹਨ, ਕਪਿਲ ਉਸ ਨੂੰ ਵਿਗਾੜ ਦਿੰਦੇ ਹਨ। ਉਹ ਕਪਿਲ ਬਾਰੇ ਤਾਂ ਇੱਥੋਂ ਤੱਕ ਕਹਿ ਦਿੰਦੇ ਹਨ, “ਇਹ ਆਦਮੀ ਬਹੁਤ ਨਜ਼ਰ ਲਗਾਉਂਦਾ ਹੈ।”
ਅਕਸ਼ੈ ਇਨ੍ਹੀਂ ਦਿਨੀਂ ਆਪਣੀ ਫਿਲਮ ‘ਕਠਪੁਤਲੀ’ ਦਾ ਪ੍ਰਮੋਸ਼ਨ ਕਰ ਰਹੇ ਹਨ। ਅਕਸ਼ੈ ਕੁਮਾਰ ਫਿਲਮ ਦੀ ਹੀਰੋਇਨ ਰਕੁਲ ਪ੍ਰੀਤ ਸਿੰਘ ਨਾਲ ‘ਦ ਕਪਿਲ ਸ਼ਰਮਾ ਸ਼ੋਅ’ ਦੇ ਸੈੱਟ ‘ਤੇ ਪਹੁੰਚੇ। ‘ਕਠਪੁਤਲੀ’ 2 ਸਤੰਬਰ ਨੂੰ Disney+ Hotstar ‘ਤੇ ਰਿਲੀਜ਼ ਹੋ ਚੁੱਕੀ ਹੈ।
ਸੋਨੀ ਐਂਟਰਟੇਨਮੈਂਟ ਵਲੋਂ ਸਾਂਝੇ ਕੀਤੇ ਗਏ ਤਾਜ਼ਾ ਪ੍ਰੋਮੋ ਵਿੱਚ, ਕਪਿਲ ਨੂੰ ਸਟੇਜ ‘ਤੇ ਅਕਸ਼ੈ ਅਤੇ ਰਕੁਲ ਦਾ ਸਵਾਗਤ ਕਰਦੇ ਦੇਖਿਆ ਜਾ ਸਕਦਾ ਹੈ। ਉਹ ਅਕਸ਼ੇ ਨੂੰ ਪੁੱਛਦਾ ਹੈ, ”ਭਾਜੀ, ਤੁਸੀਂ ਹਰ ਜਨਮ ਦਿਨ ‘ਤੇ ਇਕ ਸਾਲ ਛੋਟੇ ਕਿਵੇਂ ਹੋ ਜਾਂਦੇ ਹੋ? ਇਸ ਤੋਂ ਨਾਰਾਜ਼ ਹੋ ਕੇ ਅਕਸ਼ੈ ਨੇ ਜਵਾਬ ਦਿੱਤਾ, ‘ਇਹ ਆਦਮੀ ਹਰ ਚੀਜ਼ ‘ਤੇ ਇੰਨੀ ਨਜ਼ਰ ਲਗਾਉਂਦਾ ਹੈ… ਮੇਰੀਆਂ ਫਿਲਮਾਂ ‘ਤੇ, ਇਸ ਨੇ ਪੈਸੇ ‘ਤੇ ਨਜ਼ਰ ਪਾ ਦਿੱਤੀ.. ਹੁਣ ਕੋਈ ਫਿਲਮ ਨਹੀਂ ਚੱਲ ਰਹੀ।” ਕਪਿਲ ਨੇ ਅਕਸ਼ੈ ਤੋਂ ਬਾਅਦ ਇਹ ਗੱਲ ਕਹੀ ਤਾਂ ਉੱਥੇ ਮੌਜੂਦ ਸਾਰੇ ਹੱਸ ਪਏ।’
View this post on Instagram
Disclaimer: This article is provided for informational purposes only. The information should not be taken to represent the opinions, policy, or views of Global Punjab TV, nor any of its staff, employees, or affiliates.
