ਅੱਜ 28 ਸਤੰਬਰ 2021 ਨੂੰ, ਸੰਗੀਤ ਦੀ ਮਲਿਕਾ ਆਪਣਾ 91 ਵਾਂ ਜਨਮਦਿਨ ਮਨਾ ਰਹੀ ਹੈ। ਹਰ ਸੰਗੀਤ ਪ੍ਰੇਮੀ ਦਾ ਦਿਲ ਉਨ੍ਹਾਂ ਦੇ ਗੀਤਾਂ ਨੂੰ ਬਾਰ ਬਾਰ ਸੁਣਨਾ ਚਾਹੁੰਦਾ ਹੈ। ਮਸ਼ਹੂਰ ਗਾਇਕਾ ਤੇ ਭਾਰਤ ਰਤਨ ਲਤਾ ਮੰਗੇਸ਼ਕਰ ਨੇ ਹਿੰਦੀ ਸਿਨੇਮਾ ਦੇ ਬਹੁਤ ਸਾਰੇ ਯਾਦਗਾਰੀ ਗੀਤਾਂ ਨੂੰ ਆਪਣੀ ਆਵਾਜ਼ ਦਿੱਤੀ ਹੈ।ਅੱਜ ਲਤਾ ਜੀ ਦਾ ਜਨਮਦਿਨ ਇਸ ਲਈ ਵੀ ਖਾਸ ਹੋ ਗਿਆ ਹੈ ਕਿਉਂਕਿ 22 ਸਾਲ ਪਹਿਲਾਂ ਉਨ੍ਹਾਂ ਦੀ ਆਵਾਜ ‘ਚ ਰਿਕਾਰਡ ਕੀਤਾ ਗਿਆ ਗਾਣਾ ਅੱਜ ਹੀ ਉਨ੍ਹਾਂ ਦੇ ਜਨਮਦਿਨ ‘ਤੇ ਰਿਲੀਜ਼ ਕੀਤਾ ਜਾ ਰਿਹਾ ਹੈ।
ਲਤਾ ਮਗੇਸ਼ਕਰ ਦੇ ਜਨਮਦਿਨ ‘ਤੇ ਉਨ੍ਹਾਂ ਦੇ ਫੈਨਜ਼ ਲਈ ਇਹ ਖ਼ਾਸ ਤੋਹਫ਼ਾ ਸੰਗੀਤਕਾਰ ਵਿਸ਼ਾਲ ਭਾਰਦਵਾਜ ਲਿਆਏ ਹਨ। 22 ਸਾਲ ਪਹਿਲਾਂ ਜਿਸ ਗਾਣੇ ਨੂੰ ਰਿਕਾਰਡ ਕੀਤਾ ਗਿਆ ਸੀ, ਉਸ ਗੀਤ ਦੇ ਬੋਲ ‘ਸਭ ਠੀਕ ਤੋ ਹੈ, ਲੇਕਿਨ ਸਭ ਠੀਕ ਨਹੀਂ ਲਗਤਾ’ ਗੁਲਜ਼ਾਰ ਸਾਹਿਬ ਨੇ ਲਿਖੇ ਸਨ। ਇਸ ਗੀਤ ਨੂੰ ਇਕ ਫਿਲਮ ਲਈ ਲਿਖਿਆ ਗਿਆ ਸੀ ਪਰ ਉਹ ਫਿਲਮ ਬਾਅਦ ਵਿਚ ਬਣੀ ਹੀ ਨਹੀਂ, ਇਸ ਕਾਰਨ ਇਹ ਗਾਣਾ ਅੱਜ ਤਕ ਰਿਲੀਜ਼ ਨਹੀਂ ਹੋ ਸਕਿਆ । ਇਸ ਫਿਲਮ ਦੇ ਗਾਣਿਆਂ ਨੂੰ ਪਹਿਲਾਂ ਹੀ ਰਿਕਾਰਡ ਕਰ ਲਿਆ ਗਿਆ ਸੀ।
