ਨਿਊਜ਼ ਡੈਸਕ : ਗਲੋਬਲ ਵਾਰਮਿੰਗ ਅੱਜ ਦੁਨੀਆ ਦੀ ਵੱਡੀ ਸਮੱਸਿਆਵਾਂ ਵਿੱਚੋਂ ਇੱਕ ਹੈ । ਇਹ ਗਲੋਬਲ ਵਾਰਮਿੰਗ ਦਾ ਹੀ ਅਸਰ ਹੈ ਕਿ ਰਿਤੂ ਚੱਕਰ ਦੇ ਸਮੇਂ ਵਿੱਚ ਬਦਲਾਅ ਆ ਚੁੱਕਾ ਹੈ । ਕੈਨੇਡਾ ਅਤੇ ਅਮਰੀਕਾ ਵਰਗੇ ਦੇਸ਼ ਇਸ ਸਮੇਂ ਹੁਣ ਤਕ ਦੀ ਸਭ ਤੋਂ ਭਿਅੰਕਰ ਗਰਮੀ ਦਾ ਸਾਹਮਣਾ ਕਰ ਰਹੇ ਹਨ । ਸਿਰਫ ਗਰਮੀ ਹੀ ਨਹੀਂ ਉੱਤਰੀ ਧਰੁਵ ਤੇ ਪਿਘਲ ਰਹੀ ਬਰਫ਼, ਗਲੇਸ਼ੀਅਰਾਂ ਦੇ ਸੁੰਗੜਨ ਕਾਰਨ ਵੀ ਪੂਰੀ ਦੁਨੀਆ ਲਈ ਵੱਡੇ ਖਤਰੇ ਪੈਦਾ ਹੋ ਚੁੱਕੇ ਹਨ। ਸਭ ਤੋਂ ਵੱਡਾ ਖਤਰਾ ਸਮੁੰਦਰ ਦੇ ਜਲ ਪੱਧਰ ‘ਚ ਵਾਧੇ ਦਾ ਹੈ। ਇਸ ਨਾਲ ਸਮੁੰਦਰ ਕੰਢੀ ਇਲਾਕੇ ਤੇ ਦਵੀਪ ਸਮੂਹ ਵੀ ਇਸ ਖਤਰੇ ਤੋਂ ਅਣਛੂਹੇ ਨਹੀਂ ਹਨ। ਹਾਲ ਹੀ ‘ਚ ਇਕ ਅਧਿਐਨ ‘ਚ ਇਸ ਖਤਰੇ ਨੂੰ ਬਹੁਤ ਕਰੀਬ ਤੋਂ ਮਹਿਸੂਸ ਕੀਤਾ ਗਿਆ ਹੈ। ਭਾਰਤ ਦੇ ਕੁਝ ਟਾਪੂਆਂ ਤੇ ਹੋਂਦ ਦੀ ਤਲਵਾਰ ਲਟਕ ਰਹੀ ਹੈ।
ਇਸ ਬਾਰੇ ਹੋਏ ਇੱਕ ਅਧਿਐਨ ‘ਚ ਕਿਹਾ ਗਿਆ ਹੈ ਕਿ ਦੇਸ਼ ਦੀ ਪੱਛਮੀ ਕੰਢੇ ਰੇਖਾ ਦੇ ਨਜ਼ਦੀਕ ਲਕਸ਼ਦੀਪ ‘ਚ ਸਮੁੰਦਰ ਤਲ ‘ਚ ਸਾਲਾਨਾ 0.4 ਐੱਮਐੱਮ ਤੋਂ ਲੈ ਕੇ 0.9 ਐੱਮਐੱਮ ਪ੍ਰਤੀ ਸਾਲ ਦੇ ਦਾਇਰੇ ‘ਚ ਵਾਧਾ ਹੋ ਸਕਦਾ ਹੈ। ਆਲਮ ਇਹ ਹੈ ਕਿ ਸਮੁੰਦਰ ਦੇ ਜਲ ਪੱਧਰ ‘ਚ ਵਾਧੇ ਨਾਲ ਇਹ ਪੂਰਾ ਦਵੀਪ ਸਮੂਹ ਸੰਵੇਦਨਸ਼ੀਲ ਹਾਲਾਤ ‘ਚ ਹਨ। ਲਕਸ਼ਦੀਪ ਨੂੰ ਲੈ ਕੇ ਕੀਤਾ ਗਿਆ ਇਹ ਆਪਣੀ ਤਰ੍ਹਾਂ ਦਾ ਪਹਿਲਾ ਅਧਿਐਨ ਹੈ, ਜਿਸ ‘ਚ ਕਲਾਈਮੇਟ ਮਾਡਲ ਅਨੁਮਾਨ ਦੇ ਆਧਾਰ ‘ਤੇ ਭਵਿੱਖ ਦੀ ਤਸਵੀਰ ਦਾ ਖਾਕਾ ਖਿੱਚਣ ਦਾ ਯਤਨ ਕੀਤਾ ਗਿਆ ਹੈ।
ਆਈਆਈਟੀ ਖੜਗਪੁਰ ਦੇ ਵਾਸਤੁਸ਼ਿਲਪ ਤੇ ਖੇਤਰੀ ਨਿਯੋਜਨ ਤੇ ਮਹਾਸਾਗਰ ਅਭਿਆਂਤਰਿਕੀ ਤੇ ਨੌਵਿਹਨ ਵਾਸਤੂਸ਼ਿਲਪ ਦੀ ਸੰਯੁਕਤ ਟੀਮ ਨੇ ਇਹ ਅਧਿਐਨ ਕੀਤਾ ਹੈ। ਇਸ ਅਧਿਐਨ ਲਈ ਭਾਰਤ ਸਰਕਾਰ ਦੇ ਵਿਗਿਆਨ ਤੇ ਪ੍ਰੋਧਯੋਗਿਕੀ ਵਿਭਾਗ ਦੇ ਅੰਤਰਗਤ ਸੰਚਾਲਿਤ ਹਵਾਈ ਪਰਿਵਰਤਨ ਪ੍ਰੋਗਰਾਮ (ਸੀਸੀਪੀ) ਨੇ ਵੀ ਸਹਿਯੋਗ ਕੀਤਾ ਹੈ।
ਵਰਨਣਯੋਗ ਹੈ ਕਿ 36 ਦਵੀਪਾਂ ਦਾ ਸਮੂਹ ਲਕਸ਼ਦੀਪ ਨਾ ਸਿਰਫ ਆਪਣੇ ਕੁਦਰਤੀ ਸੁੰਦਰਤਾ ਲਈ ਸਗੋਂ ਸਮੁੰਦਰਿਕ ਜੈਵ-ਵਿਵਿਧਤਾ ਦੇ ਦ੍ਰਿਸ਼ਟੀਕੋਣ ਤੋਂ ਵੀ ਬਹੁਤ ਮਹੱਤਵਪੂਰਨ ਹੈ। ਅਧਿਐਨ ਦੇ ਅਨੁਸਾਰ ਸਮੁੰਦਰ ਦੇ ਪੱਧਰ ‘ਚ ਵਾਧੇ ਨਾਲ ਲਕਸ਼ਦੀਪ ਦੇ ਚੇਲਟ ਤੇ ਅਮਿਨੀ ਜਿਹੇ ਛੋਟੇ ਦਵੀਪਾਂ ਨੂੰ ਭਾਰੀ ਨੁਕਸਾਨ ਹੋਵੇਗਾ।
