ਨਿਊਜ਼ ਡੈਸਕ: ਕੋਰੋਨਾ ਸੰਕਰਮਣ ਦਾ ਅਸਰ ਸਿਹਤਯਾਬ ਹੋਣ ਤੋਂ ਬਾਅਦ ਵੀ ਲੋਕਾਂ ‘ਤੇ ਨਜ਼ਰ ਆ ਰਿਹਾ ਹੈ। ਵਾਇਰਸ ਨੂੰ ਮਾਤ ਦੇ ਚੁੱਕੇ ਲੋਕਾਂ ਵਿੱਚ ਵੱਖ-ਵੱਖ ਪਰੇਸ਼ਾਨੀਆਂ ਦੇਖਣ ਨੂੰ ਮਿਲ ਰਹੀਆਂ ਹਨ। ਕਿਸੇ ਦੀਆਂ ਅੱਖਾਂ ਦੀ ਰੋਸ਼ਨੀ ਤੇ ਕਿਸੇ ਦੀ ਯਾਦਦਾਸ਼ਤ ਘੱਟ ਹੋ ਗਈ ਹੈ। ਡਾਕਟਰ ਵੀ ਇਸ ਨੂੰ ਕੋਰੋਨਾ ਸੰਕਰਮਣ ਤੋਂ ਬਾਅਦ ਦੀ ਸਥਿਤੀ ਮੰਨ ਰਹੇ ਹਨ।
ਕੋਰੋਨਾ ਸੰਕਰਮਣ ਨੂੰ ਹਰਾਉਣ ਵਾਲੇ ਕਈ ਲੋਕਾਂ ਵਿੱਚ ਵੱਖ-ਵੱਖ ਸਿਹਤ ਸਬੰਧੀ ਪਰੇਸ਼ਾਨੀਆਂ ਸਾਹਮਣੇ ਆਈਆਂ ਹਨ। ਮਾਹਰਾਂ ਮੁਤਾਬਕ ਕੋਰੋਨਾ ਨਾਲ ਠੀਕ ਹੋਏ ਕਈ ਲੋਕਾਂ ਦੀ ਯਾਦਦਾਸ਼ਤ ‘ਤੇ ਅਸਰ ਪਿਆ ਹੈ। ਲੋਕ ਛੋਟੀ-ਛੋਟੀ ਗੱਲਾਂ ਨੂੰ ਭੁੱਲਣ ਲੱਗੇ ਹਨ। ਇਸ ਤੋਂ ਇਲਾਵਾ ਕੁਝ ਦੀਆਂ ਅੱਖਾਂ ਦੀ ਰੋਸ਼ਨੀ ਵੀ ਪ੍ਰਭਾਵਿਤ ਹੋਈ ਹੈ।
ਇਸ ਦੇ ਨਾਲ ਹੀ ਮਾਸਪੇਸ਼ੀਆਂ ਵਿੱਚ ਦਰਦ ਦੀ ਪਰੇਸ਼ਾਨੀ ਵੀ ਪਾਈ ਗਈ ਹੈ। ਮਨੋਚਕਿਤਸਿਕ ਮਾਹਰ ਅਨੁਸਾਰ ਕੋਰੋਨਾ ਤੋਂ ਬਾਅਦ ਲੋਕਾਂ ‘ਚ ਚਿੜਚਿੜਾਪਨ ਵਧ ਗਿਆ ਹੈ ਤੇ ਹਸਪਤਾਲ ਵਿੱਚ ਆਪਣਿਆਂ ਤੋਂ ਦੂਰ ਰਹਿਣ ਕਾਰਨ ਲੋਕ ਤਣਾਅ ‘ਚ ਹਨ।
ਇੱਕ ਮਹੀਨੇ ‘ਚ ਖਤਮ ਹੋਵੇਗੀ ਪਰੇਸ਼ਾਨੀ
ਮਾਹਰਾਂ ਅਨੁਸਾਰ ਕੋਰੋਨਾ ਤੋਂ ਬਾਅਦ ਹੋਣ ਵਾਲੀਆਂ ਸਾਰੀਆਂ ਸਿਹਤ ਸਬੰਧੀ ਪਰੇਸ਼ਾਨੀਆਂ ਲਗਭਗ ਇੱਕ ਮਹੀਨੇ ਬਾਅਦ ਆਪਣੇ ਆਪ ਖ਼ਤਮ ਹੋਣ ਦੀ ਉਮੀਦ ਰਹਿੰਦੀ ਹੈ। ਕਈ ਮਾਮਲਿਆਂ ਵਿੱਚ ਅਜਿਹਾ ਦੇਖਿਆ ਵੀ ਗਿਆ ਹੈ। ਜੇਕਰ ਇਸ ਤੋਂ ਬਾਅਦ ਵੀ ਪਰੇਸ਼ਾਨੀ ਹੈ ਤਾਂ ਬਿਨ੍ਹਾ ਕਿਸੇ ਦੇਰੀ ਦੇ ਡਾਕਟਰ ਨੂੰ ਦਿਖਾਉਣਾ ਚਾਹੀਦਾ ਹੈ। ਮਾਹਰਾਂ ਦਾ ਕਹਿਣਾ ਹੈ ਕਿ ਚੰਗਾ ਖਾਣ-ਪੀਣ ਹੀ ਇਨ੍ਹਾਂ ਪਰੇਸ਼ਾਨੀਆਂ ਤੋਂ ਛੁਟਕਾਰੇ ਦਾ ਪ੍ਰਮੁੱਖ ਉਪਾਅ ਹੈ।
Disclaimer: This content including advice provides generic information only. Always consult a specialist or your own doctor for more information. Global Punjab TV does not claim responsibility for this information.
