ਚੰਡੀਗੜ੍ਹ : ਪੰਜਾਬ ਪੁਲਿਸ ਨੇ ਗੁਰਜੰਟ ਸਿੰਘ ਹੱਤਿਆ ਮਾਮਲੇ “ਚ ਦੋ ਸ਼ੂਟਰਾਂ ਨੂੰ ਗ੍ਰਿਫ਼ਤਾਰ ਕੀਤਾ ਹੈ। ਇਹ ਸ਼ੂਟਰ ਲੰਡਾ-ਸੱਤਾ ਗੈਂਗ ਨਾਲ ਜੁੜੇ ਹਨ ਤੇ ਇਨ੍ਹਾਂ ਬੀਤੇ ਦਿਨੀਂ ਹੱਤਿਆ ਦੀ ਵਾਰਦਾਤ ਨੂੰ ਅੰਜਾਮ ਦਿੱਤਾ ਸੀ। ਫੜੇ ਗਏ ਦੋਸ਼ੀ ਦਾ ਨਾਂ ਅਜਮੀਤ ਸਿੰਘ ਹੈ। ਉਸ ਨੂੰ ਉਸੇ ਦੇ ਪਿੰਡ ਨੌਸ਼ਹਿਰਾ ਪੰਨੂੰਆਂ ਤੋਂ ਗ੍ਰਿਫਤਾਰ ਕੀਤਾ ਗਿਆ ਹੈ। ਅਜਮੀਤ ਸਿੰਘ ਉਸ ਗਰੁੱਪ ਦਾ ਹਿੱਸਾ ਹੈ ਜਿਸ ਨੂੰ ਖੁਦ ਲੰਡਾ ਕੈਨੇਡਾ ਵਿਚ ਬੈਠਾ ਲੀਡ ਕਰਦਾ ਹੈ। ਕੁਝ ਦਿਨ ਪਹਿਲਾਂ ਤਰਨਤਾਰਨ ਦੇ ਪਿੰਡ ਅਲਾਦੀਨਪੁਰ ਵਿਚ ਇਕ ਕੱਪੜਾ ਵਪਾਰੀ ਦੀ ਗੋਲੀਆਂ ਮਾਰ ਕੇ ਹੱਤਿਆ ਕਰ ਦਿੱਤੀ ਗਈ ਸੀ। ਜਾਂਚ ਦੋਰਾਨ ਪਤਾ ਚੱਲਿਆ ਸੀ ਕਿ ਇਸ ਪਿੱਛੇ ਗੈਂਗਸਟਰ ਲਖਬੀਰ ਸਿੰਘ ਲੰਡਾ ਦਾ ਹੱਥ ਸੀ।
ਡੀਜੀਪੀ ਨੇ ਟਵੀਟ ਰਾਹੀਂ ਦੱਸਿਆ ਕਿ ਤਰਨਤਾਰਨ ਪੁਲਿਸ, ਅੰਮ੍ਰਿਤਸਰ ਸੀਪੀ ਤੇ AGTF ਦੀ ਇਕ ਸਾਂਝੀ ਮੁਹਿੰਮ ‘ਚ ਵੱਡੀ ਸਫਲਤਾ ਮਿਲੀ ਹੈ। ਪੁਲਿਸ ਦੀਆਂ ਟੀਮਾਂ ਨੇ ਗੁਰਜੰਟ ਸਿੰਘ ਦੀ ਹੱਤਿਆ ਮਾਮਲੇ ‘ਚ ਲੰਡਾ-ਸੱਤਾ ਗੈਂਗ ਦੇ ਦੋ ਸ਼ੂਟਰਾਂ ਨੂੰ ਗ੍ਰਿਫ਼ਤਾਰ ਕੀਤਾ ਹੈ। ਇਨ੍ਹਾਂ ਦੇ ਕਬਜ਼ੇ ‘ਚੋਂ 4 ਵਿਦੇਸ਼ੀ ਨਿਰਮਿਤ ਹਥਿਆ ਬਰਾਮਦ ਕੀਤੇ ਹਨ। ਪੁਲਿਸ ਨੂੰ ਫਿਲਹਾਲ ਇਨ੍ਹਾਂ ਦੇ ਦੋ ਸਾਥੀਆਂ ਦੀ ਤਲਾਸ਼ ਹੈ।
In a major breakthrough, @TarnTaranPolice, @cpamritsar & #AGTF, in a joint operation arrested two shooters among four members of #Landa–#Satta #Gang for murder of #Gurjant Singh. 4 foreign-made weapons recovered. (1/2) pic.twitter.com/VlnqGeUlTa
— DGP Punjab Police (@DGPPunjabPolice) October 23, 2022
