Home / ਕੈਨੇਡਾ / ਕੈਨੇਡਾ ਫੈਡਰਲ ਚੋਣਾਂ ‘ਚ 19 ਪੰਜਾਬੀਆਂ ਨੇ ਗੱਡੇ ਜਿੱਤ ਦੇ ਝੰਡੇ

ਕੈਨੇਡਾ ਫੈਡਰਲ ਚੋਣਾਂ ‘ਚ 19 ਪੰਜਾਬੀਆਂ ਨੇ ਗੱਡੇ ਜਿੱਤ ਦੇ ਝੰਡੇ

ਕੈਨੇਡਾ ਆਮ ਚੋਣਾਂ ਵਿੱਚ ਪੰਜਾਬੀਆਂ ਨੇ ਫਿਰ ਤੋਂ ਜਿੱਤ ਦਾ ਝੰਡਾ ਲਹਿਰਾਉਂਦੇ ਹੋਏ 19 ਸੰਸਦੀ ਸੀਟਾਂ ‘ਤੇ ਜਿੱਤ ਹਾਸਲ ਕੀਤੀ ਹੈ। ਸਭ ਤੋਂ ਜ਼ਿਆਦਾ ਲਿਬਰਲ ਪਾਰਟੀ ਦੇ ਪੰਜਾਬੀ ਮੂਲ ਦੇ ਉਮੀਦਵਾਰਾਂ ਨੇ ਜਿੱਤ ਹਾਸਲ ਕੀਤੀ ਹੈ।

ਦੱਸ ਦੇਈਏ ਇਨ੍ਹਾਂ ਚੋਣਾਂ ‘ਚ ਲਿਬਰਲ ਪਾਰਟੀ ਨੇ 20, ਕੰਜ਼ਰਵੇਟਿਵ ਨੇ 16, ਐੱਨਡੀਪੀ ਨੇ 12 ਤੇ ਉੱਥੇ ਹੀ ਪੀਪਲਸ ਪਾਰਟੀ ਨੇ ਭਾਰਤੀ ਮੂਲ ਦੇ ਪੰਜ ਉਮੀਦਵਾਰ ਨੂੰ ਚੋਣ ਮੈਦਾਨ ਵਿੱਚ ਉਤਾਰਿਆ ਸੀ, ਜਿਨ੍ਹਾਂ ‘ਚੋਂ 50 ਪੰਜਾਬੀ ਉਮੀਦਵਾਰ ਮੈਦਾਨ ਵਿੱਚ ਸਨ।

ਐਨਡੀਪੀ ਦੇ ਆਗੂ:

ਜਗਮੀਤ ਸਿੰਘ (ਬਰਨਬੀ ਸਾਊਥ)

ਲਿਬਰਲ ਪਾਰਟੀ ਨਾਲ ਸਬੰਧਤ ਜੇਤੂ ਆਗੂ:

ਸੁੱਖ ਧਾਲੀਵਾਲ (ਸਰੀ ਨਿਊਟਨ)
ਰਣਦੀਪ ਸਿੰਘ ਸਰਾਏ (ਸਰੀ ਸੈਂਟਰ)
ਰੂਬੀ ਸਹੋਤਾ (ਬਰੈਂਪਟਨ)
ਮਨਿੰਦਰ ਸਿੱਧੂ (ਬਰੈਂਪਟਨ ਈਸਟ)
ਕਮਲ ਖੇਰਾ (ਬਰੈਂਪਟਨ)
ਰਮੇਸ਼ ਸੰਘਾ (ਬਰੈਂਪਟਨ ਸੈਂਟਰ)
ਅਨੀਤਾ ਅਨੰਦ (ਓਕਵਿਲ)
ਸੋਨੀਆ ਸਿੱਧੂ (ਬਰੈਂਪਟਨ ਸਾਊਥ)
ਹਰਜੀਤ ਸੱਜਣ (ਵੈਂਨਕੁਵਰ ਸਾਊਥ)
ਨਵਦੀਪ ਬੈਂਸ ( ਮਿਸੀਸਾਗਾ ਮਿਲਟਨ)
ਗਗਨ ਸਕੰਦ (ਮਿਸੀਸਾਗਾ ਸਟਰੀਟਵਿਲੇਅ)
ਬਰਦੀਸ਼ ਚੱਗਰ (ਵਾਟਰਲੂ)
ਰਾਜ ਸੈਣੀ (ਕਿਚਨਰ ਸੈਂਟਰ)

ਕੰਜ਼ਰਵੇਟਿਵ ਪਾਰਟੀ ਦੇ ਜੇਤੂ ਆਗੂ :

ਜਸਰਾਜ ਹਾਲਾਂ (ਕੈਲਗਰੀ ਫੌਰੈਸਟ ਲਾਅਨ)
ਜੱਗ ਸਹੋਤਾ (ਕੈਲਗਰੀ ਸਕਾਈਵਿਊ)
ਟਿਮ ਉੱਪਲ (ਐਡਮਿੰਟਨ ਮਿਲਵੁੱਡਜ਼)
ਬੌਬ ਸਰੋਆ (ਮਾਰਖਮ)

ਪਿੱਛਲੀ ਵਾਰ ਸੰਸਦ ‘ਚ 18 ਪੰਜਾਬੀ ਸਨ ਤੇ ਪੰਜਾਬੀਆਂ ਦਾ ਮੁੱਖ ਕੇਂਦਰ ਮੰਨੇ ਜਾਂਦੇ ਬਰੈਂਪਟਨ ਦੀਆਂ ਸਾਰੀਆਂ ਸੀਟਾਂ ‘ਤੇ ਵੀ ਪੰਜਾਬੀ ਮੂਲ ਦੇ ਲੋਕਾਂ ਦਾ ਕਬਜਾ ਹੋ ਗਿਆ ਹੈ। ਇਸ ਵਾਰ ਫਰੈਂਚ ਭਾਸ਼ਾ ਬਹੁਤਾਤ ਵਾਲੇ ਖੇਤਰ ਵਿੱਚ ਵੀ ਪੰਜਾਬੀ ਮੂਲ ਦੀ ਅੰਜੂ ਢਿੱਲੋਂ ਨੇ ਲਿਬਰਲ ਦੀ ਟਿਕਟ ‘ਤੇ ਜਿੱਤ ਹਾਸਲ ਕੀਤੀ ਹੈ।

ਕੈਨੇਡਾ ਚੋਣ ‘ਤੇ ਇੱਕ ਨਜ਼ਰ 338 ਮੈਂਮਬਰੀ ਹਾਉਸ ਆਫ ਕਾਮਨਸ ‘ਚ ਸਰਕਾਰ ਬਣਾਉਣ ਲਈ 170 ਸੀਟਾਂ ਚਾਹੀਦੀਆਂ ਹਨ

ਪ੍ਰਧਾਨਮੰਤਰੀ ਜਸਟਿਨ ਟਰੂਡੋ ਦੀ ਲਿਬਰਲ ਪਾਰਟੀ ਨੂੰ 157 ਸੀਟਾਂ ਮਿਲੀਆਂ

ਜਗਮੀਤ ਸਿੰਘ ਦੀ ਅਗਵਾਈ ਵਾਲੀ ਨਿਊ ਡੈਮੋਕਰੈਟਿਕ ਪਾਰਟੀ ਨੇ 24 ਸੀਟਾਂ ਤੋਂ ਜਿੱਤ ਹਾਸਲ ਕੀਤੀ

ਕੰਜ਼ਰਵੇਟਿਵ ਨੂੰ 121, ਬਲਾਕ ਕਿਊਬੇਕੋਇਸ ਨੂੰ 32, ਗਰੀਨ ਪਾਰਟੀ ਨੂੰ ਤਿੰਨ ਤੇ ਹੋਰਾਂ ਨੂੰ ਇੱਕ ਸੀਟ ਮਿਲੀ

Check Also

ਕੈਨੇਡਾ: ਦੋ ਗੁੱਟਾਂ ‘ਚ ਹੋਈ ਝੜੱਪ ਦੀ ਵੀਡੀਓ ਵਾਇਰਲ ਹੋਣ ਤੋਂ ਬਾਅਦ ਤਿੰਨ ਡਿਪੋਰਟ

ਸਰੀ : ਸਰੀ ਦੇ ਨਿਊਟਨ ਇਲਾਕੇ ‘ਚ ਬੀਤੇ ਦਿਨੀਂ ਦੋ ਗੁੱਟਾ ‘ਚ ਹੋਈ ਝੜੱਪ ਦੀ …

Leave a Reply

Your email address will not be published. Required fields are marked *