ਐਸਏਐਸ ਨਗਰ: ਕੋਰੋਨਾ ਦੇ ਖਤਰੇ ਦੇ ਮੱਦੇਨਜ਼ਰ ਅਤੇ ਜਨਤਕ ਸਿਹਤ ਤੇ ਸੁਰੱਖਿਆ ਲਈ ਚੁਣੌਤੀਆਂ ਨਾਲ ਸੰਬਧਤ ਨਵੇਂ ਅਤੇ ਵੱਡੇ ਸਿਸਟਮ ਨਾਲ ਜੁੜਨ ਲਈ, ਐਸਐਸਪੀ ਕੁਲਦੀਪ ਸਿੰਘ ਚਾਹਲ ਦੀ ਅਗਵਾਈ ਹੇਠ ਐਸ ਏ ਐਸ ਨਗਰ ਪੁਲਿਸ ਨੇ ‘ਕੋਵਿਡ ਕਮਾਂਡੋਜ਼’ ਦੀ ਸ਼ੁਰੂਆਤ ਕੀਤੀ ਹੈ। ਕੋਵਿਡ ਕਮਾਂਡੋ ਦੀ ਕੁੱਲ ਗਿਣਤੀ 19 ਹੈ।
ਇਹ ਕੋਵਿਡ ਕਮਾਂਡੋਜ਼ ਜ਼ਿਲ੍ਹਾ ਕੋਵਿਡ -19 ਐਮਰਜੈਂਸੀ ਰਿਸਪਾਂਸ ਟੀਮ ਦੇ ਰੂਪ ਵਿੱਚ ਨਾਮਜ਼ਦ ਕੀਤੇ ਗਏ ਹਨ। ਉਹ ਕੋਵਿਡ -19 ਨਾਲ ਪ੍ਰਭਾਵਿਤ ਵਿਅਕਤੀਆਂ ਅਤੇ ਖੇਤਰਾਂ ਦੀ ਮਦਦ ਕਰਨਗੇ।
ਕੋਵਿਡ ਕਮਾਂਡੋ ਐਸ.ਏ.ਐੱਸ ਨਗਰ ਦੀ ਪੁਲਿਸ ਦੇ ਸਰੀਰਕ ਤੌਰ ਤੇ ਤੰਦਰੁਸਤ ਅਤੇ ਸਵੈ-ਪ੍ਰੇਰਿਤ ਕਾਂਸਟੇਬਲ ਹਨ ਜੋ ਖ਼ੁਦ ਕੋਵੀਡ -19 ਨੂੰ ਕੰਟਰੋਲ ਕਰਨ ਲਈ ਸਵੈ-ਇੱਛਾ ਨਾਲ ਕੰਮ ਕਰਨ ਲਈ ਅੱਗੇ ਆਏ ਹਨ।
