ਮਿਆਂਮਾਰ ਦੇ ਅੰਤਰਰਾਸ਼ਟਰੀ ਹਵਾਈ ਅੱਡੇ ‘ਤੇ ਐਤਵਾਰ ਨੂੰ ਵੱਡਾ ਹਾਦਸਾ ਟਲ ਗਿਆ। ਲੋਕਾਂ ਦੇ ਸਾਹ ਉਸ ਵੇਲੇ ਰੁਕ ਗਏ ਜਦੋਂ ਮਿਆਂਮਾਰ ਨੈਸ਼ਨਲ ਏਅਰਲਾਈਨਸ ਦੇ ਇੱਕ ਜਹਾਜ਼ ਨੇ ਪਿਛਲੇ ਪਹੀਆਂ ਦੇ ਜਰਿਏ ਐਮਰਜੈਂਸੀ ਲੈਂਡਿੰਗ ਕੀਤੀ। ਜਹਾਜ਼ ਵਿੱਚ 82 ਯਾਤਰੀ ਅਤੇ 7 ਕਰੂ ਮੈਂਬਰਸ ਸਨ, ਜੋ ਪੂਰੀ ਤਰ੍ਹਾਂ ਸੁਰੱਖਿਅਤ ਹਨ ਇਹ ਘਟਨਾ ਸਵੇਰੇ 9 ਵਜੇ ਦੀ ਹੈ।
#MNA (Embraer 190) #Yangon–#Mandalay this morning, landing at the #Mandalay airport – Nose Lansing Gear failure on landing. Flight Capt. has done the amazing job. #Myanmar pic.twitter.com/7dDzSIs13V
— Cape Diamond (@cape_diamond) May 12, 2019
ਅਧਿਕਾਰੀਆਂ ਮੁਤਾਬਕ ਯੰਗੂਨ ਤੋਂ ਉਡਾਨ ਭਰਨ ਮਗਰੋਂ ਜਦੋਂ ਇਹ ਜ਼ਹਾਜ ਮੰਡਾਲਯਾ ਏਅਰ ਪੋਰਟ ‘ਤੇ ਪੁੱਜਾ ਤਾਂ ਪਾਇਲਟ ਨੂੰ ਪਤਾ ਲੱਗਾ ਕਿ ਜਹਾਜ਼ ਦਾ ਲੈਂਡਿੰਗ ਗੇਅਰ ਕੰਮ ਨਹੀਂ ਕਰ ਰਿਹਾ। ਇਸ ਕਾਰਨ ਜਹਾਜ਼ ਦਾ ਅਗਲਾ ਪਹੀਆ ਨਹੀਂ ਖੁਲ੍ਹ ਸਕਦਾ। ਇਸ ਤੋਂ ਬਾਅਦ ਪਾਇਲਟ ਨੇ ਐਮਰਜੈਂਸੀ ਪ੍ਰੋਟੋਕਾਲ ਤਹਿਤ ਲੈਂਡਿੰਗ ਦਾ ਫ਼ੈਸਲਾ ਲਿਆ। ਇਸ ਦੌਰਾਨ ਜਹਾਜ਼ ਦਾ ਅਗਲਾ ਹਿੱਸਾ ਕੁਝ ਦੂਰ ਤਕ ਜ਼ਮੀਨ ਨਾਲ ਘੜੀਸਦਾ ਚਲਾ ਗਿਆ।
Evacuation footage from Myanmar National Airlines flight #UB103, the Embraer 190 which landed with its nose gear retracted earlier today at Mandalay airport, Myanmar. #AviationDaily pic.twitter.com/OJ6GY04t3M
— Aveonews (@aveonews) May 12, 2019
ਏਅਰਲਾਈਨ ਮੁਤਾਬਕ ਜਹਾਜ਼ (ਯੂ.ਬੀ. 103) ਨੇ ਯੰਗੂਨ ਤੋਂ ਮੰਡਾਲਯਾ ਲਈ ਉਡਾਨ ਭਰੀ ਸੀ। ਪਾਇਲਟ ਕੈਪਟਨ ਮਿਅਤ ਮੋਈ ਅੰਗੂ ਨੇ ਐਮਰਜੈਂਸੀ ਲੈਂਡਿੰਗ ਦੇ ਨਿਯਮ ਤਹਿਤ ਫ਼ੈਸਲਾ ਲਿਆ। ਟਰਾਂਸਪੋਰਟੇਸ਼ਨ ਮੰਤਰਾਲਾ ਦੇ ਸਕੱਤਰ ਵਿਨ ਖਾਂਤ ਨੇ ਪਾਇਲਟ ਦੀ ਤਰੀਫ਼ ਕੀਤੀ। ਉਨ੍ਹਾਂ ਦੱਸਿਆ ਕਿ ਕਿਸੇ ਮੁਸਾਫ਼ਰ ਨੂੰ ਸੱਟ ਨਹੀਂ ਲੱਗੀ ਹੈ। ਲੈਂਡਿੰਗ ਤੋਂ ਬਾਅਦ ਸਾਰੇ ਮੁਸਾਫ਼ਰਾਂ ਨੂੰ ਸੁਰੱਖਿਅਤ ਬਾਹਰ ਕੱਢ ਲਿਆ ਗਿਆ। ਸਰਕਾਰ ਨੇ ਐਮਬ੍ਰੇਅਰ 190 ਜਹਾਜ਼ ‘ਚ ਆਈ ਖ਼ਰਾਬੀ ਦੇ ਜਾਂਚ ਦੇ ਆਦੇਸ਼ ਦਿੱਤੇ ਹਨ।
