ਆਲੀਆ ਅਤੇ ਰਣਬੀਰ ਦੇ ਮਨਪਸੰਦ ਸਰਵਰ ਦਾ ਕੋਰੋਨਾ ਵਾਇਰਸ ਕਾਰਨ ਦੇਹਾਂਤ

ਕੋਰੋਨਾ ਵਾਇਰਸ ਦਾ ਪ੍ਰਕੋਪ ਭਾਰਤ ਸਮੇਤ ਵਿਸ਼ਵ ਭਰ ਵਿੱਚ ਜਾਰੀ ਹੈ। ਇਸ ਵਾਇਰਸ ਕਾਰਨ ਹੁਣ ਤੱਕ ਹਜ਼ਾਰਾਂ ਲੋਕਾਂ ਦੀ ਮੌਤ ਹੋ ਚੁੱਕੀ ਹੈ। ਬਾਲੀਵੁੱਡ ਅਦਾਕਾਰਾ ਆਲੀਆ ਭੱਟ ਅਤੇ ਅਭਿਨੇਤਾ ਰਣਬੀਰ ਕਪੂਰ ਦੇ ਮਨਪਸੰਦ ਸਰਵਰ ਰੋਨਾਲਡ ਡੀਮੈਲੋ ਦੀ ਵੀ ਕਰੋਨਾ ਵਾਇਰਸ ਕਾਰਨ ਮੌਤ ਹੋ ਗਈ ਹੈ। ਦਸਨਯੋਗ ਹੈ ਕਿ ਰੋਨਾਲਡ ਤਾਜ ਹੋਟਲ ਦਾ ਰਿਟਾਇਰਡ ਕਰਮਚਾਰੀ ਸਨ।
ਦੱਸ ਦੇਈਏ ਕਿ ਆਲੀਆ ਨੇ ਰੋਨਾਲਡ ਦੀ ਮੌਤ ਦੀ ਖ਼ਬਰ ਸੁਣਦਿਆਂ ਹੀ ਇਸ ਤੇ ਸੋਗ ਜ਼ਾਹਰ ਕੀਤਾ ਹੈ। ਇਸ ਮੌਕੇ ਉਨ੍ਹਾਂ ਆਪਣੀ, ਰਣਬੀਰ ਅਤੇ ਰੋਨਾਲਡ ਦੀ ਇੱਕ ਤਸਵੀਰ ਸਾਂਝੀ ਕੀਤੀ ਜੋ ਹੁਣ ਸੋਸ਼ਲ ਮੀਡੀਆ ਉੱਤੇ ਵਾਇਰਲ ਹੋ ਰਹੀ ਹੈ। ਇਸਦੇ ਨਾਲ ਉਨ੍ਹਾਂ ਲਿਖਿਆ, ‘ਰੋਨਾਲਡ ਡੀਮੈਲੋ ਦੀ ਮੌਤ ਦਾ ਸੁਣਕੇ ਬਹੁਤ ਦੁੱਖ ਹੋਇਆ। ਉਹ ਸਚਮੁੱਚ ਬਹੁਤ ਹੀ ਨਰਮ ਵਿਅਕਤੀ ਸਨ.
ਅਦਾਕਾਰਾ ਨੇ ਅੱਗੇ ਲਿਖਿਆ, ‘ਰੋਨਾਲਡ ਆਪਣੇ ਖੇਤਰ ਵਿਚ ਸਰਬੋਤਮ ਸੀ। ਉਸਨੇ ਸਾਡੀ ਕਈ ਵਾਰ ਸੇਵਾ ਕੀਤੀ. ਉਹ ਹਮੇਸ਼ਾਂ ਸਾਡੇ ਦਿਨ ਬਾਰੇ ਪੁੱਛਦਾ ਰਹਿੰਦਾ ਸੀ. ਇਹ ਫੋਟੋ ਉਸ ਦੇ ਆਖਰੀ ਕਾਰਜਕਾਰੀ ਦਿਨ ਦੀ ਹੈ ਜਦੋਂ ਉਹ ਰਿਟਾਇਰ ਹੋ ਰਿਹਾ ਸੀ. ਉਸਦੀ ਆਤਮਾ ਸ਼ਾਂਤੀ ਨਾਲ ਆਰਾਮ ਕਰੇ। ‘