ਨਵੀਂ ਦਿੱਲੀ: ਭਾਰਤੀ ਸਟੇਟ ਬੈਂਕ ( SBI ) ਨੂੰ ਸੰਕਟ ‘ਚ ਘਿਰੀ ਯੈੱਸ ਬੈਂਕ ਵਿੱਚ 7,250 ਕਰੋੜ ਰੁਪਏ ਲਗਾਉਣ ਦੀ ਮਨਜ਼ੂਰੀ ਮਿਲ ਗਈ ਹੈ। ਦੇਸ਼ ਦੇ ਸਭ ਤੋਂ ਵੱਡੇ ਬੈਂਕ SBI ਨੇ ਵੀਰਵਾਰ ਨੂੰ ਇਸ ਦੀ ਜਾਣਕਾਰੀ ਦਿੱਤੀ। SBI ਨੇ ਬੀਐੱਸਈ ਨੂੰ ਦੱਸਿਆ, ‘‘ਕੇਂਦਰੀ ਬੋਰਡ ਦੀ ਕਾਰਜਕਾਰੀ ਕਮੇਟੀ ਦੀ 11 ਮਾਰਚ ਨੂੰ ਹੋਈ ਬੈਠਕ ਵਿੱਚ 10 ਰੁਪਏ ਪ੍ਰਤੀ ਸ਼ੇਅਰ ਦੀ ਦਰ ਨਾਲ ਯੈੱਸ ਬੈਂਕ ਦੇ 725 ਕਰੋੜ ਸ਼ੇਅਰ ਖਰੀਦਣ ਨੂੰ ਮਨਜ਼ੂਰੀ ਦਿੱਤੀ ਗਈ।
ਇਸ ਪੁਨਰਗਠਨ ਤੋਂ ਬਾਅਦ ਯੈੱਸ ਬੈਂਕ ਵਿੱਚ ਐੱਸਬੀਆਈ ਦੀ ਹਿੱਸੇਦਾਰੀ ਉਸ ਦੀ ਕੁੱਲ ਭੁਗਤਾਨ ਪੂੰਜੀ ਦੇ 49 ਫ਼ੀਸਦੀ ਤੋਂ ਉੱਤੇ ਨਹੀਂ ਜਾਵੇਗੀ। ਰਿਜ਼ਰਵ ਬੈਂਕ ਨੇ ਯੈੱਸ ਬੈਂਕ ਦੀ ਰਿਸਟਰਕਚਰਿੰਗ ਨੂੰ ਲੈ ਕੇ ਪਿਛਲੇ ਹਫ਼ਤੇ ਇੱਕ ਯੋਜਨਾ ਦੇ ਪੁਨਰਗਠਨ ਦਾ ਐਲਾਨ ਕੀਤਾ ਸੀ।
ਕੀ ਹੈ ਪਲਾਨ ?
SBI ਦੇ ਬੋਰਡ ਨੇ 7250 ਰੁਪਏ ਦੇ ਨਿਵੇਸ਼ ਨੂੰ ਦਿੱਤੀ ਮਨਜ਼ੂਰੀ
10 ਰੁਪਏ ਦੇ ਭਾਅ ‘ਤੇ 725 ਕਰੋੜ ਸ਼ੇਅਰ ਖਰੀਦ ਨੂੰ ਮਨਜ਼ੂਰੀ
ਘੱਟੋਂ-ਘੱਟ 245 ਕਰੋੜ ਸ਼ੇਅਰ ਖਰੀਦ ਦੀ ਗੱਲ ਕਹੀ ਸੀ
ਸ਼ੁਰੂਆਤੀ ਪਲਾਨ ਦੇ ਮੁਕਾਬਲੇ SBI ਦਾ ਨਿਵੇਸ਼ ਜ਼ਿਆਦਾ ਹੈ
725 ਕਰੋੜ ਸ਼ੇਅਰ ਮਤਲਬ ਯੈੱਸ ਬੈਂਕ ਦੀ 30 % ਹਿੱਸੇਦਾਰੀ
SBI , RBI ਦੇ ਬਾਕੀ ਨਿਵੇਸ਼ਕਾਂ, ਸੰਸਥਾਨਾਂ ਨਾਲ ਗੱਲਬਾਤ ਜਾਰੀ
ਡਰਾਫਟ ਪਲਾਨ ਦੇ ਮੁਤਾਬਕ ਜ਼ਿਆਦਾ ਤੋਂ ਜ਼ਿਆਦਾ 49 % SBI ਦੀ ਹਿੱਸੇਦਾਰੀ
SBI ਨੂੰ 26 % ਸ਼ੇਅਰ ਘੱਟੋਂ ਘੱਟ 3 ਸਾਲ ਤੱਕ ਰੱਖਣਾ ਹੋਵੇਗਾ
ਸਟੇਟ ਬੈਂਕ ਦੇ ਨਿਵੇਸ਼ ਤੋਂ ਇਲਾਵਾ ਕਈ ਪ੍ਰਾਇਵੇਟ ਇਕੁਇਟੀ ਫੰਡਸ ਅਤੇ ਦੂੱਜੇ ਵਿੱਤੀ ਸੰਸਥਾਨਾਂ ਨਾਲ ਨਿਵੇਸ਼ ਨੂੰ ਲੈ ਕੇ ਗੱਲਬਾਤ ਜਾਰੀ ਹੈ। ਰਿਜ਼ਰਵ ਬੈਂਕ ਵੱਲੋਂ ਜਾਰੀ ਡਰਾਫਟ ਪਲਾਨ ਵਿੱਚ ਰਿਜ਼ਰਵ ਬੈਂਕ ਵੱਲੋਂ 49 ਫੀਸਦੀ ਤੱਕ ਹਿੱਸੇਦਾਰੀ ਲੈਣ ਦੀ ਗੱਲ ਕਹੀ ਗਈ ਹੈ, ਜਿਸ ਵਿੱਚ ਇਹ ਸ਼ਰਤ ਵੀ ਹੈ ਕਿ 26 ਫੀਸਦੀ ਸਟੇਟ ਬੈਂਕ ਨੂੰ ਘੱਟੋਂ ਘੱਟ ਤਿੰਨ ਸਾਲ ਤੱਕ ਬਣਾਏ ਰੱਖਣਾ ਹੋਵੇਗਾ।
