ਵਾਸ਼ਿੰਗਟਨ : ਜੇਫ ਬੇਜੋਸ ਦੀ ਕੰਪਨੀ ਬਲੂ ਓਰੀਜ਼ਨ ਦੀ ਪੁਲਾੜ ਲਈ ਦੂਜੀ ਟੂਰਿਸਟ ਫਲਾਈਟ ‘ਚ ਸਵਾਰ ਉੱਦਮੀ ਗਲੇਨ ਡੀ ਵ੍ਰੀਸ ਦੀ ਵੀਰਵਾਰ ਨੂੰ ਨਿਊ ਜਰਸੀ ‘ਚ ਇਕ ਜਹਾਜ਼ ਹਾਦਸੇ ‘ਚ ਮੌਤ ਹੋ ਗਈ। ਉਹ 49 ਸਾਲਾਂ ਦੇ ਸਨ।
ਪੁਲਿਸ ਨੇ ਕਿਹਾ ਕਿ ਇੱਕ ਜਹਾਜ਼ ਵੀਰਵਾਰ ਨੂੰ ਨਿਊਯਾਰਕ ਸਿਟੀ ਦੇ ਉੱਤਰ-ਪੱਛਮ ਵਿੱਚ, ਸਸੇਕਸ ਕਾਉਂਟੀ, ਨਿਊ ਜਰਸੀ ਵਿੱਚ ਕਰੈਸ਼ ਹੋ ਗਿਆ । ਪੁਲਿਸ ਨੇ ਕਿਹਾ ਕਿ ਗਲੇਨ ਡੀ ਵ੍ਰੀਸ (49 ਸਾਲ) ਅਤੇ ਜਹਾਜ਼ ਵਿੱਚ ਸਵਾਰ ਇੱਕ ਹੋਰ ਵਿਅਕਤੀ ਥਾਮਸ ਫਿਸ਼ਰ (54 ਸਾਲ) ਦੀ ਮੌਤ ਹੋ ਗਈ।
ਸਟੇਟ ਪੁਲਿਸ ਦੇ ਅਨੁਸਾਰ ਫੈਡਰਲ ਏਵੀਏਸ਼ਨ ਐਡਮਿਨਿਸਟ੍ਰੇਸ਼ਨ (FAA) ਹਾਦਸੇ ਦੀ ਜਾਂਚ ਕਰ ਰਿਹਾ ਹੈ।
ਡੀ ਵ੍ਰੀਸ ਦੀ ਮੌਤ ‘ਤੇ ਦੁੱਖ ਪ੍ਰਗਟ ਕਰਦੇ ਹੋਏ ਉਸਦੇ ਪਿਤਾ ਨੇ ਦੱਸਿਆ ਕਿ ਵਾਰਿਸ ਬਹੁਤ ਹੀ ਨੇਕ ਇਨਸਾਨ ਸਨ। ਡੀ ਵ੍ਰੀਸ ਇਕ ਪ੍ਰਾਈਵੇਟ ਪਾਇਲਟ, ਮੈਰਾਥਨ ਦੌੜਾਕ, ਬਾਲਰੂਮ ਡਾਂਸਰ ਨਾਲ-ਨਾਲ ਇਕ ਅਣੂ ਜੀਵ ਵਿਗਿਆਨੀ ਸੀ।
ਬਲੂ ਓਰੀਜ਼ਨ ਦੀ ਪੁਲਾੜ ਲਈ ਦੂਜੀ ਟੂਰਿਸਟ ਫਲਾਈਟ ‘ਚ ਮੌਜੂਦ ਗਲੇਨ ਡੀ ਵ੍ਰੀਸ (ਬਿਲਕੁਲ ਖੱਬੇ)
ਬਲੂ ਓਰਿਜਿਨ ਨੇ ਟਵਿੱਟਰ ‘ਤੇ ਕਿਹਾ, “ਗਲੇਨ ਡੀ ਵ੍ਰੀਸ ਦੇ ਅਚਾਨਕ ਚਲੇ ਜਾਣ ਬਾਰੇ ਸੁਣ ਕੇ ਅਸੀਂ ਬਹੁਤ ਦੁਖੀ ਹਾਂ। ਉਸਨੇ ਪੂਰੀ ਬਲੂ ਓਰਿਜਿਨ ਟੀਮ ਅਤੇ ਉਸਦੇ ਸਾਥੀ ਕਰਮਚਾਰੀਆਂ ਲਈ ਬਹੁਤ ਸਾਰੀ ਜ਼ਿੰਦਗੀ ਅਤੇ ਊਰਜਾ ਲਿਆਂਦੀ ਹੈ। ਹਵਾਬਾਜ਼ੀ ਲਈ ਉਸਦਾ ਜਨੂੰਨ, ਉਸਦੇ ਚੈਰੀਟੇਬਲ ਕੰਮ, ਅਤੇ ਉਸਦੀ ਸ਼ਿਲਪਕਾਰੀ ਲਈ ਉਸਦਾ ਸਮਰਪਣ ਲੰਬੇ ਸਮੇਂ ਤੋਂ ਸਤਿਕਾਰਿਆ ਅਤੇ ਪ੍ਰਸ਼ੰਸਾਯੋਗ ਰਹੇਗਾ।
We are devastated to hear of the sudden passing of Glen de Vries. He brought so much life and energy to the entire Blue Origin team and to his fellow crewmates. His passion for aviation, his charitable work, and his dedication to his craft will long be revered and admired. pic.twitter.com/1hwnjntTVs
— Blue Origin (@blueorigin) November 12, 2021
ਜ਼ਿਕਰਯੋਗ ਹੈ ਕਿ ਪਿਛਲੇ ਮਹੀਨੇ 90 ਸਾਲਾ ਕੈਨੇਡੀਅਨ ਅਦਾਕਾਰ ਵਿਲੀਅਮ ਸ਼ੈਟਨਰ ਸਮੇਤ ਚਾਰ ਲੋਕ ਸਪੇਸ ਵਾਕ ‘ਤੇ ਗਏ ਸਨ। ਬਾਕੀ ਤਿੰਨ ਯਾਤਰੀਆਂ ਵਿੱਚ ਅਮਰੀਕੀ ਪੁਲਾੜ ਏਜੰਸੀ ਦੇ ਸਾਬਕਾ ਨਾਸਾ ਇੰਜੀਨੀਅਰ ਕ੍ਰਿਸ ਬੋਸ਼ੂਨਿਜਨ, ਕਲੀਨਿਕਲ ਖੋਜ ਉੱਦਮੀ ਗਲੇਨ ਡੀ ਵ੍ਰੀਸ ਅਤੇ ਬਲੂ ਓਰੀਜ਼ਨ ਦੇ ਉਪ ਪ੍ਰਧਾਨ ਅਤੇ ਇੰਜੀਨੀਅਰ ਔਡਰੇ ਪਾਵਰਜ਼ ਸਨ।
