ਫਿਲਮ ਦੇ ਪੋਸਟਰ ‘ਚ ਸੈਨੇਟਰੀ ਪੈਡ ‘ਤੇ ਭਗਵਾਨ ਦੀ ਫੋਟੋ ਲਗਾਉਣ ਨੂੰ ਲੈ ਕੇ ਖੜ੍ਹਾ ਹੋਇਆ ਵਿਵਾਦ

ਨਿਊਜ਼ ਡੈਸਕ: ਵੱਡੇ ਪਰਦੇ ‘ਤੇ ਅਕਸਰ ਅਜਿਹੀਆਂ ਕਈ ਫਿਲਮਾਂ ਰਿਲੀਜ਼ ਹੁੰਦੀਆਂ ਰਹਿੰਦੀਆਂ ਹਨ, ਜਿਨ੍ਹਾਂ ਨੂੰ ਲੈ ਕੇ ਵਿਵਾਦ ਸ਼ੁਰੂ ਹੋ ਜਾਂਦੇ ਹਨ। ਪਿਛਲੇ ਕੁਝ ਦਿਨਾਂ ਤੋਂ ਆਮਿਰ ਖਾਨ ਦੀ ਫਿਲਮ ਲਾਲ ਸਿੰਘ ਚੱਢਾ ਨੂੰ ਲੈ ਕੇ ਵਿਵਾਦ ਜਾਰੀ ਹੈ। ਇਸ ਦੌਰਾਨ ਹੁਣ ਨਿਰਦੇਸ਼ਕ ਸੰਤੋਸ਼ ਉਪਾਧਿਆਏ ਦੀ ਫਿਲਮ ‘ਮਾਸੂਮ ਸਵਾਲ’ ਵਿਵਾਦਾਂ ‘ਚ ਘਿਰ ਗਈ ਹੈ। ਇਹ ਫਿਲਮ 5 ਅਗਸਤ ਨੂੰ ਰਿਲੀਜ਼ ਹੋਣ ਵਾਲੀ ਹੈ, ਪਰ ਇਸ ਤੋਂ ਪਹਿਲਾਂ ਹੀ ਫਿਲਮ ਦਾ ਪੋਸਟਰ ਸਾਹਮਣੇ ਆਇਆ ਹੈ। ਇਸ ਪੋਸਟਰ ਨੂੰ ਲੈ ਕੇ ਵਿਵਾਦ ਖੜ੍ਹਾ ਹੋ ਗਿਆ ਹੈ।

ਫਿਲਮ ‘ਮਾਸੂਮ ਸਵਾਲ’ ਦੇ ਪੋਸਟਰ ‘ਚ ਸੈਨੇਟਰੀ ਪੈਡ ‘ਤੇ ਭਗਵਾਨ ਕ੍ਰਿਸ਼ਨ ਦੀ ਤਸਵੀਰ ਨਜ਼ਰ ਆ ਰਹੀ ਹੈ। ਜਿਸ ਕਾਰਨ ਫਿਲਮ ਸਵਾਲਾਂ ਦੇ ਘੇਰੇ ‘ਚ ਆ ਗਈ ਹੈ। ਹਾਲਾਂਕਿ ਫਿਲਮ ਦੇ ਨਿਰਦੇਸ਼ਕ ਸੰਤੋਸ਼ ਉਪਾਧਿਆਏ ਅਤੇ ਅਦਾਕਾਰਾ ਇਕਾਵਲੀ ਖੰਨਾ ਨੇ ਇਸ ਵਿਵਾਦ ‘ਤੇ ਪ੍ਰਤੀਕਿਰਿਆ ਦਿੱਤੀ ਹੈ ਕਿ ਨਿਰਮਾਤਾਵਾਂ ਦਾ ਕਿਸੇ ਨੂੰ ਠੇਸ ਪਹੁੰਚਾਉਣ ਦਾ ਕੋਈ ਇਰਾਦਾ ਨਹੀਂ ਸੀ।

The day we all were waiting for!! Masoom Sawaal trailer releasing tommorow. Stay tuned! 🎬@SawaalMasoom @directorsantoss @nitanshi_goel pic.twitter.com/RKl6RFnC3d

— MasoomSawaal (@SawaalMasoom) July 17, 2022

ਫਿਲਮ ‘ਚ ਵਕੀਲ ਦੀ ਭੂਮਿਕਾ ਨਿਭਾਉਣ ਵਾਲੀ ਅਦਾਕਾਰਾ ਇਕਾਵਲੀ ਖੰਨਾ ਨੇ ਇਸ ਮਾਮਲੇ ‘ਤੇ ਕਿਹਾ ”ਪਹਿਲਾਂ ਤਾਂ ਮੈਨੂੰ ਪੋਸਟਰ ‘ਤੇ ਕਿਸੇ ਪ੍ਰਤੀਕਿਰਿਆ ਦੀ ਜਾਣਕਾਰੀ ਨਹੀਂ ਹੈ ਪਰ ਜੇਕਰ ਅਜਿਹਾ ਹੈ ਤਾਂ ਮੈਂ ਇਹ ਕਹਿ ਸਕਦੀ ਹਾਂ ਕਿ ਨਿਰਮਾਤਾਵਾਂ ਨੇ ਅਜਿਹਾ ਨਹੀਂ ਕੀਤਾ। ਕਿਸੇ ਦੀਆਂ ਭਾਵਨਾਵਾਂ ਨੂੰ ਠੇਸ ਪਹੁੰਚਾਉਣ ਦਾ ਕੋਈ ਇਰਾਦਾ ਨਹੀਂ ਹੈ। ਇਸ ਦਾ ਇੱਕੋ ਇੱਕ ਉਦੇਸ਼ ਵਰਜਿਤ ਨੂੰ ਤੋੜਨਾ ਅਤੇ ਬਿਰਤਾਂਤ ਨੂੰ ਬਦਲਣਾ ਸੀ। ਇਸ ਪੀੜ੍ਹੀ ਵਿੱਚ ਵਹਿਮਾਂ-ਭਰਮਾਂ ਅਤੇ ਮਾੜੇ ਅਭਿਆਸਾਂ ਲਈ ਕੋਈ ਥਾਂ ਨਹੀਂ ਹੈ ਜੋ ਬਿਨਾਂ ਵਜ੍ਹਾ ਔਰਤਾਂ ‘ਤੇ ਜ਼ਬਰਦਸਤੀ ਥੋਪੀਆਂ ਜਾਂਦੀਆਂ ਹਨ।”

ਉੱਥੈ ਹੀ ਸੰਤੋਸ਼ ਉਪਾਧਿਆਏ ਨੇ ਕਿਹਾ ਕਿ ਕਈ ਵਾਰ ਚੀਜ਼ਾਂ ਨੂੰ ਦੇਖਣ ਦਾ ਸਾਡਾ ਨਜ਼ਰੀਆ ਗਲਤ ਹੁੰਦਾ ਹੈ, ਜਿਸ ਨਾਲ ਗਲਤ ਧਾਰਨਾ ਪੈਦਾ ਹੋ ਜਾਂਦੀ ਹੈ। ਪੂਰੀ ਫਿਲਮ ਮਾਹਵਾਰੀ ‘ਤੇ ਆਧਾਰਿਤ ਹੈ, ਇਸ ਲਈ ਪੈਡ ਦਿਖਾਉਣਾ ਲਾਜ਼ਮੀ ਹੈ। ਇਸ ਲਈ ਪੋਸਟਰ ‘ਤੇ ਪੈਡ ਹੈ, ਨਾਂ ਕਿ ਕ੍ਰਿਸ਼ਨਾ ਜੀ ਪੈਡ ‘ਤੇ ਹਨ, ਜਿਸ ਕਾਰਨ ਸਾਨੂੰ ਇਸ ਫਿਲਮ ਨੂੰ ਪ੍ਰਮੋਟ ਕਰਨ ਲਈ ਘੱਟ ਸਮਰਥਨ ਵੀ ਮਿਲ ਰਿਹਾ ਹੈ।