Monkeypox ਤੋਂ ਸਾਵਧਾਨ! ਜਾਣੋ ਕਿ ਇਹ ਕਿਵੇਂ ਫੈਲਦਾ ਹੈ ਅਤੇ ਕਿਵੇਂ ਬਚਣਾ ਹੈ

ਨਿਊਜ਼ ਡੈਸਕ: ਭਾਰਤ ਵਿੱਚ ਮੰਕੀਪਾਕਸ ਦੇ ਮਾਮਲੇ ਵੱਧ ਰਹੇ ਹਨ। ਅਜਿਹੇ ਲੋਕਾਂ ਦੇ ਮਨਾਂ ‘ਚ ਕਈ ਸਵਾਲ ਉੱਠ ਰਹੇ ਹਨ ਕਿ ਕੀ ਇਸ ਨਾਲ ਵੱਡੇ ਪੱਧਰ ‘ਤੇ ਮੰਕੀਪਾਕਸ ਫੈਲਣ ਦਾ ਖਤਰਾ ਹੈ? ਦਿੱਲੀ ਦੇ ਇੱਕ ਮਰੀਜ਼ ਵਿੱਚ ਵੀ ਇਸ ਦੀ ਪੁਸ਼ਟੀ ਹੋਈ ਹੈ। ਮਰੀਜ਼ 34 ਸਾਲਾ ਵਿਅਕਤੀ ਹੈ ਜਿਸਦਾ ਵਿਦੇਸ਼ ਯਾਤਰਾ ਦਾ ਕੋਈ ਇਤਿਹਾਸ ਨਹੀਂ ਹੈ।

ਅਜਿਹੀਆਂ ਖਬਰਾਂ ਨੇ ਵਿਸ਼ਵ ਸਿਹਤ ਸੰਗਠਨ (WHO) ਦੀ ਚਿੰਤਾ ਵੀ ਵਧਾ ਦਿੱਤੀ ਹੈ। WHO ਨੇ ਲੋਕਾਂ ਨੂੰ Monkeypox ਬਾਰੇ ਚੇਤਾਵਨੀ ਦਿੱਤੀ ਹੈ। ਮੰਕੀਪਾਕਸ ਤੋਂ ਬਚਣ ਲਈ WHO ਦੀ ਮੋਬਾਈਲ ਐਪ ਨੂੰ ਡਾਊਨਲੋਡ ਕਰ ਸਕਦੇ ਹੋ। ਇੱਥੇ ਤੁਹਾਨੂੰ Monkeypox ਬਾਰੇ ਸਾਰੀ ਜਾਣਕਾਰੀ ਮਿਲੇਗੀ। ਐਪ ਨਾਲ ਤੁਸੀਂ ਮੰਕੀਪਾਕਸ ਦੇ ਮਰੀਜ਼ਾਂ ਦੇ ਨਾਲ-ਨਾਲ ਲੋਕੇਸ਼ਨ ਬਾਰੇ ਵੀ ਜਾਣ ਸਕੋਗੇ। ਇਸ ਐਪ ਵਿੱਚ ਬਚਣ ਦੇ ਤਰੀਕੇ ਵੀ ਦੱਸੇ ਗਏ ਹਨ।

ਦੱਸ ਦੇਈਏ ਕਿ ਮੰਕੀਪਾਕਸ ਇੱਕ ਜ਼ੂਨੋਟਿਕ ਬਿਮਾਰੀ ਹੈ, ਜੋ ਲਗਭਗ ਚਿਕਨਪੌਕਸ ਵਰਗੀ ਹੈ। ਪਰ ਇਹ ਚਿਕਨਪੌਕਸ ਨਹੀਂ ਹੈ। ਜੇਕਰ ਤੁਸੀਂ ਮੰਕੀਪਾਕਸ ਦੀ ਪਛਾਣ ਕਰਨਾ ਚਾਹੁੰਦੇ ਹੋ, ਤਾਂ ਮੰਕੀਪਾਕਸ ਦੇ ਲੱਛਣਾਂ ਬਾਰੇ ਜ਼ਰੂਰ ਜਾਣਕਾਰੀ ਪ੍ਰਾਪਤ ਕਰੋ। ਮੰਕੀਪਾਕਸ  ਵਾਇਰਸ ਦੇ ਲੱਛਣ ਚਿਕਨਪੌਕਸ ਦੇ ਸਮਾਨ ਹਨ। ਪਰ ਇਹ ਹਲਕਾ ਹੈ। ਆਓ ਜਾਣਦੇ ਹਾਂ ਮੰਕੀਪਾਕਸ ਦੇ ਲੱਛਣ।

ਬੁਖ਼ਾਰ

– ਸਿਰ ਦਰਦ

– ਸੁੱਜੇ ਹੋਏ ਲਿੰਫ ਨੋਡਸ

– ਮਾਸਪੇਸ਼ੀਆਂ ਵਿੱਚ ਦਰਦ ਅਤੇ ਪਿੱਠ ਵਿੱਚ ਦਰਦ

– ਠੰਡ ਲਗਣਾ

– ਬਹੁਤ ਜ਼ਿਆਦਾ ਥਕਾਵਟ

– ਚਿਹਰੇ ‘ਤੇ, ਮੂੰਹ ਦੇ ਅੰਦਰ, ਹੱਥਾਂ ਅਤੇ ਪੈਰਾਂ, ਛਾਤੀ, ਜਣਨ ਅੰਗ,  ਆਦਿ ‘ਤੇ ਮੁਹਾਸੇ ਜਾਂ ਛਾਲੇ ਵਰਗੇ ਧੱਫੜ।

ਮੰਕੀਪਾਕਸ ਵਰਗੇ ਧੱਫੜ ਦਿਖਾ ਰਹੇ ਵਿਅਕਤੀ ਨਾਲ ਨਜ਼ਦੀਕੀ ਜਾਂ ਚਮੜੀ ਤੋਂ ਚਮੜੀ ਦਾ ਸੰਪਰਕ ਨਾ ਕਰੋ।

ਮੰਕੀਪਾਕਸ ਦੇ ਲੱਛਣ ਦਿਖਾਉਣ ਵਾਲੇ ਵਿਅਕਤੀ ਦੀਆਂ ਨਿੱਜੀ ਚੀਜ਼ਾਂ ਜਿਵੇਂ ਚਾਦਰਾਂ, ਤੌਲੀਏ ਜਾਂ ਕੱਪੜਿਆਂ ਨੂੰ ਨਾ ਛੂਹੋ।

ਆਪਣੇ ਹੱਥ ਸਾਬਣ ਅਤੇ ਪਾਣੀ ਨਾਲ ਧੋਵੋ ਜਾਂ ਅਲਕੋਹਲ ਅਧਾਰਤ ਹੈਂਡ ਸੈਨੀਟਾਈਜ਼ਰ ਦੀ ਵਰਤੋਂ ਕਰੋ।

ਜੇਕਰ ਤੁਹਾਡੇ ਅੰਦਰ ਮੰਕੀਪਾਕਸ ਦੇ ਲੱਛਣ ਦਿਖਾਈ ਦੇ ਰਹੇ ਹਨ, ਤਾਂ ਘਰ ਹੀ ਰਹੋ।

ਆਪਣੇ ਪਾਲਤੂ ਜਾਨਵਰਾਂ ਤੋਂ ਵੀ ਦੂਰੀ ਬਣਾ ਕੇ ਰੱਖੋ।

Check Also

ਡੇਂਗੂ ਬੁਖਾਰ ‘ਚ ਇਹ ਘਰੇਲੂ ਜੂਸ ਹਨ ਫਾਈਏਮੰਦ

ਨਿਉਜ਼ ਡੈਸਕ: ਬਰਸਾਤ ਦੇ ਮੌਸਮ ਵਿੱਚ ਘਰਾਂ ਵਿੱਚ ਕਈ ਥਾਵਾਂ ’ਤੇ ਪਾਣੀ ਖੜ੍ਹਾ ਰਹਿੰਦਾ ਹੈ …

Leave a Reply

Your email address will not be published.